Amashyaka atavuga rumwe n\u2019ubutegetsi n\u2019imiryango iharanira uburenganzira bwa muntu muri Mozambike ikomeje kunenga iyoherezwa ry\u2019ingabo z\u2019u Rwanda mu ntara ya Cabo Delgado. Iyo miryango irafata iyoherezwa ry\u2019izi ngabo nk\u2019ibindi bikorwa byaribanjirije byo kohereza muri iyi ntara abacanshuro b\u2019abanyamahanga bitagize icyo bigeraho gifatika.<\/p>\n
Ibyo bikubiye mu busesenguzi bwakozwe n\u2019umwe mu mpugucye mu by\u2019umutekano muri icyo gihugu, butangazwa n\u2019ikinyamakuru Maverick Citizen cy\u2019aho muri Zambiya.<\/p>\n
U Rwanda ruheruka kohereza abasirikare n\u2019abapolisi 1,000 mu bikorwa bya gisirikare mu ntara ya Cabo Delgado iherereye mu majyaruguru ya Mozambike ikungahaye kuri gaz. Ni intara yazahajwe n\u2019ibitero by\u2019iterabwoba n\u2019imvururu zishingiye ku buhezanguni kuva mu w\u20192017.<\/p>\n
Bwana Borges Nhamirre-impuguke akaba n\u2019umushakashatsi mu bijyanye n\u2019umutekano abivuga mu nyandiko ye, asobanura ko iyoherezwa ry\u2019izo ngabo ryabaye nyuma y\u2019ibyumweru bike Umuryango w\u2019ubukungu uhuriwemo n\u2019ibihugu byo mu majyepfo y\u2019Afurika (SADC) utangaje ko uzohereza umutwe w\u2019ingabo wawo uhora witeguye gutabara aho rukomeye mu bikorwa byo guhosha izo mvururu.<\/p>\n
Byari biteganijwe ko ingabo za SADC zoherezwa ku itariki ya 15 y\u2019uku kwezi kwa karindwi. Ni ukuvuga nyuma y\u2019icyumweru kimwe ingabo z\u2019u Rwanda zitangiye kugera ku kibuga cy\u2019indege cya Nacala giherereye mu majyepfo y\u2019iyo ntara ya Cabo Delgado.<\/p>\n
Icyakora impuguke Borges Nhamirre avuga ko na n\u2019ubu ingabo za SADC zitaragera muri Mozambike. Gusa uyu mushakashatsi avuga ko ku itariki ya 17 z\u2019uku kwezi, Dr. Stergomena Tax, umunyamabanga nshingwabikorwa w\u2019uwo muryango yamurikiye leta ya Mozambike ibikoresho by\u2019ingabo z\u2019uwo muryango.<\/p>\n
U Rwanda rushimangira ko ingabo zarwo zizakorana bya hafi n\u2019iza SADC. Nyamara Dr. Tax yavuze ko bibabaje kuba Mozambike itaramenyesheje uwo muryango mbere ko u Rwanda ruzohereza ingabo. Akavuga ko iyoherezwa ry\u2019ingabo zivuye ahandi rikwiye kuba rijyanye n\u2019amabwiriza SADC igenderaho, kandi ko ibyo bigomba kuba gusa nyuma y\u2019aho ingabo z\u2019akarere zamaze kugera ahazoherezwa izo zindi.<\/p>\n
Imvururu zo muri Cabo Delgado zimaze guhitana abagera ku bihumbi 3 no kuvana mu byabo abarenga ibihumbi 800. Na n\u2019ubu kandi ziracyakomeje nubwo hari amakuru ko ingabo za leta zikomeje kwihagararaho mu guhangana n\u2019iyo myivumbagatanyo.<\/p>\n
Nyamara Bwana Borges Nhamirre avuga ko iyoherezwa ry\u2019ingabo z\u2019u Rwanda ribonwa na bamwe mu baturage b\u2019icyo gihugu, imiryango iharanira uburenganzira n\u2019amwe mu mashyaka ya politiki nk\u2019irijya mu mujyo w\u2019ibindi bikorwa byakozwe mbere mu buryo bw\u2019ibanga byo kohereza abakora iby\u2019umutekano aho muri Cabo Delgado.<\/p>\n
Abo bakabishingira ku kuba ngo, nk\u2019uko byagenze ubwo abacanshuro b\u2019ikigo cy\u2019abarusiya cyitwa Wagner Group ndetse n\u2019aba Dyck Advisory Group cyo muri Afurika y\u2019epfo bageraga muri Mozambike inteko nshingamategeko itabimenyeshejwe, ari nako byagenze ku basirikare b\u2019u Rwanda. Abo bakavuga ko abanya Mozambike batigeze bamenyeshwa intego, igihe n\u2019ikiguzi by\u2019iyo misiyo y\u2019ingabo z\u2019u Rwanda mu gihugu cyabo.<\/p>\n
Uyu musesenguzi avuga ko ubutegetsi bw\u2019i Maputo butari bwakemeje iyoherezwa ry\u2019ingabo z\u2019u Rwanda kugeza ku itariki ya cyenda y\u2019uku kwezi, ubwo Perezida Filipe Nyusi abitangaje izo ngabo zirimo kugera mu gihugu, ndetse ziyerekana hamwe n\u2019ingabo za leta mu karere avukamo ka Mueda. Icyakora icyo gihe nabwo ngo nta byinshi uyu mukuru w\u2019igihugu yavuze ku bijyanye n\u2019ubutumwa bw\u2019ingabo z\u2019u Rwanda mu gihugu cye.<\/p>\n
Icyo gihe Bwana Ossufo Momade, umuyobozi wa RENAMO rimwe mu mashyaka akomeye atavuga rumwe n\u2019ubutegetsi, kandi rishyigikiye iyoherezwa ry\u2019ingabo za SADC, yahise agaragaza ko adashyigikiye iyoherezwa ry\u2019abasirikare b\u2019u Rwanda.<\/p>\n
Nk\u2019uko Borges Nhamirre abivuga, uyu ngo yavuze ko binyuranyije n\u2019amategeko kohereza ingabo z\u2019u Rwanda muri Mozambike batabanje kubaza inteko. Bwana Fernando Bismarque, umudepite wo ku ruhande rutavuga rumwe n\u2019ubutegetsi usanzwe ari n\u2019umuvugizi w\u2019ishyaka riharanira Demukarasi rifatwa nk\u2019irya kabiri mu mashyaka akomeye atavuga rumwe na leta we ibyo yabigereranyije n\u2019igitutsi.<\/p>\n
Umuryango uharanira demukarasi n\u2019Iterambere, umwe mu miryango iharanira uburenganzira muri icyo gihugu, nawo ushyigikiye iyoherezwa ry\u2019ingabo za SADC wanenze iby\u2019iyoherezwa ry\u2019ingabo z\u2019u Rwanda.<\/p>\n
Uvuga ko Perezida Nyusi atari afite ububasha bwo kwemeza iyoherezwa ry\u2019ingabo z\u2019amahanga bitabanje kwemezwa n\u2019inteko, ndetse ugashinja leta ye \u201cgusubira mu makosa nk\u2019ay\u2019umwenda wa za miliyari z\u2019amadolari yafashe mu buryo bw\u2019ibanga.\u201d<\/p>\n
Icyakora uyu musesenguzi avuga ko ishyaka riri ku butegetsi Frelimo, ryakunze mu bihe byahise kugaragaza ko ridashyigikiye iyoherezwa ry\u2019ingabo z\u2019amahanga muri Cabo Delgado, ntacyo riratangaza ku iyoherezwa ry\u2019ingabo z\u2019u Rwanda. Yewe ngo nta n\u2019ubwo ryigeze rigaragaza gushyigikira Bwana Nyusi nk\u2019uko byari byitezwe, byerekana ko perezida yafashe icyemezo nka we ubwe bitanyuze mu ishyaka.<\/p>\n
Impuguke Borges Nhamirre avuga ko mu gihe ibitero byongeye kubura muri Cabo Delgado, hari ubwumvikane bwa politiki ku rwego rw\u2019igihugu mu gukemura izo mvururu zishingiye ku buhezanguni. Mu gihe igisirikare cya leta cyari gikomeje kugaragaza ubushobozi buke mu guhangana n\u2019ibitero byakomezaga kwiyongera, amashyaka atavuga rumwe n\u2019ubutegetsi n\u2019imiryango iharanira uburenganzira yasabye leta gusaba ubufasha bwa gisirikare mu bihugu bya SADC. Mozambike isanzwe ari umwe mu banyamuryango b\u2019imena bashinze SADC.<\/p>\n
Nubwo ryagononwaga, ishyaka riri ku bitegetsi Frelimo ntabwo ryigeze ryanga ku mugaragaro inkunga y\u2019ibihugu bihuriye muri SADC. Uyu musesenguzi agasanga kwisunga u Rwanda bigaragara nk\u2019ibishobora cyane gucamo ibice abanya Mozambike mu gukemura ikibazo cy\u2019ubuhezanguni mu ntara ya Cabo Delgado.<\/p>\n
Bwana Nhamirre avuga ko iyoherezwa ry\u2019abacanshuro n\u2019abanyamahanga risanzwe ryaranenzwe cyane n\u2019abagize inteko, ariko ibikorwa byabo byari ku kigero cyo hasi ugereranyije n\u2019ibiri kuba ubu.Ikindi avuga ni uko abasirikare bagera ku gihumbi ari benshi cyane ku rwego rwo kutirengagizwa mu karere nka Cabo Delgado. Bityo hashobora kuba ibikorwa bihungabanya abasivili-nk\u2019uko bikunze kuba ahantu hose hari imvururu-ibishobora gukurura amacakubiri ndetse n\u2019imvururu za politiki muri Mozambike.<\/p>\n
Uyu musesenguzi kandi asanga ukudashyigikirwa n\u2019ukuvugwaho rumwe mu birebana n\u2019iyoherezwa ry\u2019ingabo z\u2019u Rwanda hiyongereyeho n\u2019ubwiru iryo yoherezwa ryakoranywe, ibyo byose bishobora guhungabanya cyane imigendekere y\u2019ibikorwa byazo.<\/p>\n
Uretse n\u2019ibyo, Bwana Nhamirre asanga iyoherezwa ry\u2019ingabo z\u2019u Rwanda ritavugwaho rumwe rishobora kongera guhembera imvururu hagati ya leta n\u2019ishyaka Renamo. Ni mu gihe hakomeje kugeragezwa kubaka ubwiyunge nyuma y\u2019amasezerano agamije kurangiza burundu imvururu yashyizweho umukono n\u2019impande zombi muw\u20192019.<\/p>\n
Kuri uyu musesenguzi, ubwo leta y\u2019akarere ka Cabo Delgado yasabye abaturage gukorana neza n\u2019ingabo z\u2019amahanga, ariko kuba amashyaka atavuga rumwe n\u2019ubutegetsi-asanzwe afite abayoboke benshi mu duce twazahajwe n\u2019imvururu-bishobora guhungabanya imibanire hagati y\u2019abasirikare b\u2019u Rwanda n\u2019abaturage baho.<\/p>\n
VOA<\/p>\n","protected":false},"excerpt":{"rendered":"
Amashyaka atavuga rumwe n\u2019ubutegetsi n\u2019imiryango iharanira uburenganzira bwa muntu muri Mozambike ikomeje kunenga iyoherezwa ry\u2019ingabo z\u2019u Rwanda mu ntara ya Cabo Delgado. Iyo miryango irafata iyoherezwa ry\u2019izi ngabo nk\u2019ibindi bikorwa byaribanjirije byo kohereza muri iyi ntara abacanshuro b\u2019abanyamahanga bitagize icyo bigeraho gifatika. Ibyo bikubiye mu busesenguzi bwakozwe n\u2019umwe mu mpugucye mu by\u2019umutekano muri icyo gihugu, […]<\/p>\n","protected":false},"author":2,"featured_media":42220,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[67],"tags":[],"class_list":["post-42364","post","type-post","status-publish","format-standard","has-post-thumbnail","hentry","category-amahanga"],"yoast_head":"\n