Yanditswe na Albert MUSHABIZI<\/b><\/p>\n
\u201cBamwe mu abagize ubushake bwo gufasha Diane ISHIMWE gushakisha umuryango we; bashatse gutera ibuye rimwe bakica inyoni ebyiri, baboneraho n\u2019ubukangurambaga no kwamagana amahano Inkotanyi zakoreye impunzi z\u2019Abahutu, mu icyahoze ari Zayire; ndetse n\u2019akarengane gakomeje kugirirwa Abanyarwanda. Bamwe ndetse baboneyeho no kwikorera ubushabitsi bwabo, ibimenyerewe nko kugwiza \u201cviews\/vues\u201d; mu bucuruzi bwo ku mbuga nkoranyambaga. Hari n\u2019ababoneyeho gukuza imirongo bihaye muri politiki cyangwa ubuhirimbanyi, igaragaramo gukwiza ibihuha nkana, kwibasira abatumva ibintu kimwe nabo, bari ku kivi kimwe cy\u2019impinduramatwara, guharabika no kwibasira inzirakarengane zifitanye amasano n\u2019abayogoje u Rwanda \u2013kandi icyaha ari gatozi-\u2026 Gusa aha, abo \u2013byumvikane ko atari bose, kuko hari n\u2019abamufashije mu bupfura, batagombye kwiyamamaza no kumwanika ku karubanda- bakaba barirengagije nkana, cyangwa se byarabasobye; ko gufatanya ubwo bukangurambaga no gushakisha umuryango wa Diane ISHIMWE, byamukururira ibibazo bimwe atamenyereye, bidasigana no guterwa ubwoba no kwibasirwa na Leta y\u2019Inkotanyi, imenyereweho iyo mico igayitse, ku muntu wese ukomoje ku byaha byakozwe n\u2019iyo Leta. Diane yavuze amateka ye, ku buryo buhagije gusobanukirwa n\u2019uwo ari we mu gihugu nk\u2019u Rwanda; n\u2019umwitwarariko agomba kugira kuri Leta ya Kigali, tuzi neza uko iteye. Ni iki cyatuma abantu bamushora muri politiki, cyangwa ubuhirimbanyi ku ngufu, kandi batazamufasha kwikura mu bibazo bizamukururira? Ese uyu ntiwaba ari umuco mubi wo gukunda ibitambo!?\u201d<\/i><\/strong><\/p>\n U Rwanda ni igihugu cyimakaje politiki yo kurenganya abaturage bacyo; ndetse ntibisiba kwamaganwa n\u2019amahanga\u00a0<\/span>mu byegeranyo bitandukanye, n\u2019imiryango mpuzamahanga iharanira uburenganzira bwa muntu, igasohora impuruza yikoma u Rwanda. Ubugizi bwa nabi ingoma ya FPR-INKOTANYI, igirira Abanyarwanda yagakwiye kurengera; akenshi ibukora yiyorobetse, cyangwa se yasize ibyaha bya nyirarureshwa,\u00a0<\/span>abo igamije gusagarira. Impamvu ihatse izindi ikaba ari uko iterabwoba no guhungeta abaturage; ari inkingi ya mwamba mu gusigasira ingoma z\u2019ibitugu zose iyo ziva zikagera.<\/p>\n N\u2019ubwo ingoma y\u2019igitugu ya FPR, ikataje mu kurenganya Abanyarwanda, hariho abandi banyarwanda bateye intambwe mu mihate y\u2019ubwitange umunsi ku wundi; ngo bagamburuze iyo ngoma ibubarayeho. Mu bikorwa by\u2019Abanyarwanda babyiyemeje, harimo no kuvugiriza induru; ingoma ikomeje kugaragaraho guhekura no guhungabanya abana b\u2019u Rwanda. Ibi bikorwa byo gutabariza bikaba bigira umusaruro mwiza, ndetse bitangiye no gutanga umusanzu w\u2019ubwiyunge nyakuri; kubera ko Abanyarwanda bazahajwe n\u2019ingoma y\u2019igitugu batabarizanya, hatitawe ku macakubiri ayo ariyo yose, asanzwe ari icyorezo mu Rwanda. Ingoma y\u2019igitugu ya FPR, ikaba yaramaze kubera Abanyarwanda akabarore, ko itagira ubwoko, ubucuti, icyenewebo; uwo ariwe wese iba imutegurira ibirungo, byo kuzamukaranga umunsi uri izina.<\/p>\n Indi ntambwe nziza cyane ibi bikorwa byo gutabarizanya bigezeho, ni ugufasha uwagiriwe akarengane kwikura mu manzaganya agashingiyeho! Ibi bikaba bikorwa mu gukusanya inkunga yo gutabara abashyizwe mu kaga, cyangwa se imiryango y\u2019abashyizwe mu kaga \u2013nk\u2019iyo uwashyizwe mu kaga afungiye ahadasurwa, arigishijwe, ahotowe\u2026-; n\u2019inzego zitandukanye mu izigize Leta ya Kigali zihishemo inshingano zo guhungeta Abaturage, nk\u2019iz\u2019umutekano, iz\u2019ubutabera, iz\u2019ubuyobozi bw\u2019ibanze, n\u2019izindi zishyira mu bikorwa ibyemezo bikandamiza Abaturage, biba byarafashwe na gahunda zitandukanye za Leta. Barafashijwe abirukanywe ku kazi ku maherere, imiryango yafungiwe by\u2019akarengane abakayitayeho, imiryango Leta yangaje ibirukana mu byabo ngo ibyikubire nta ngurane, abasiragizwa mu butabera ntibagire ababunganira mu iby\u2019amategeko\u2026<\/p>\n \u00a0<\/span>Ibi bikorwa byo gutabariza, bikorwa n\u2019Impirimbanyi n\u2019Abanyapolitiki batandakunye, basanzwe ku kivi cy\u2019impinduramatwara; ni umusanzu ukomeye mu guharanira impinduka nyakuri. Umunyarwanda wese wumva ko impinduka mu Rwanda ari ngombwa, arabihangayikiye kandi akabyifuriza gutera intambwe iruseho. Muri iyi minsi hakaba hatangiye kugaragara ko muri za mpirimbanyi n\u2019Abanyapolitiki biyemeza gutabariza; hatangiye kuzamo abadohoka, bagateshuka byo kwibeshya cyangwa se nkana, ku mwitwarariko wakagombye ibikorwa by\u2019imena nk\u2019ibi. Urugero rw\u2019umubyeyi Diane ISHIMWE, abenshi bari bamenyereye nk\u2019umwali \u2013nyamara yarubatse ndetse yibaruka n\u2019imfura-; rukaba ari rumwe mu izakagombye kutubera intangamuganzanyo yo kwitera icyuhagiro tugatwara ibikorwa byo gutabariza mu murongo uboneye.<\/p>\n Ntiwatabariza udasobanukiwe ibyo gucukumbura amakuru no kuyasangiza ababikwiriye!<\/b><\/p>\n Mu rugendo rw\u2019impinduramatwara Abanyarwanda banyotewe; hagaragaramo inyota ya benshi mu banyarwanda bifuza gutanga umusanzu wabo kuri iki kivi. Gusa n\u2019ubwo iki kivi kigizwe n\u2019ingeri nyinshi; uwifuza kugiterurana n\u2019abandi, yakagombye kuzajya amenya ngo buri ngeri ifite uko ikorwa, kandi akanitwararika ibigenderwaho, ngo iyo ngeri igere ku ntego zayo. Dufashe igikorwa cyo \u201cgutabariza\u201d, nk\u2019ingeri imwe muzakagombye kugirwaho ubwitwararitsi; turibanda cyane ku kintu cyo gucukumbura amakuru, kuyabona no kuyatangariza ababikwiriye.<\/p>\n Ubwo Diane ISHIMWE yegeraga \u201cIsimbi Tv\u201d, akayiha ubuhamya bwe bwo gushakisha umuryango yaburanye nawo; yari afite intego runaka, kandi isobanutse neza, ku muntu wumvanye umutima iyo videwo ya \u201cIsimbi Tv\u201d, yaje gukurwaho ku busabe bwa Diane ISHIMWE, ku bw\u2019uko yari imuteje umutekano muke, ikongera igashyirwa kuri murandasi, n\u2019umuyoboro wundi wa Youtube wa \u201cRTv KUMUGARAGARO\u201d<\/a>. Diane yari yifitiye igishyika cyo kumenya niba, hari uwamufasha kubona umuryango we; ku mpamvu tugenekereza nta shiti ko zegeranye n\u2019izo gushinga urugo. Dore ko yabyiteguraga ndetse icyo gihe bikaba bishoboka ko yari yarasamye. Tugendeye ko magingo aya ari umubyeyi wubatse, wamaze no kwibaruka imfura ye.<\/p>\n Ku bantu bose bazi ibigeragezo abana b\u2019imfubyi bahura nabyo; kimwe mu bikomeye ni ukugira ubukwe udafite abo wita umuryango w\u2019amaraso yawe bagushyigikira. Byibura bakaba aho ngo musangirire ibyishimo hamwe by\u2019iyo ntambwe ikomeye uba uteye mu buzima. Muri iriya videwo nta hantu na hato, byagaragaraga ko Diane ISHIMWE, yatabaje abamufasha guhura n\u2019umuryango we; agamije kugaragaza amabi Inkotanyi zagiriye impunzi z\u2019Abahutu mu cyahoze ari Zayire iyi ngingo kandi ikaba ikubita ahababaza Leta ya Kigali.\u00a0<\/span><\/p>\n Bamwe mu abagize ubushake bwo gufasha Diane gushakisha umuryango we; bashatse gutera ibuye rimwe bakica inyoni ebyiri baboneraho n\u2019ubukangurambaga no kwamagana amahano Inkotanyi zakoreye impunzi z\u2019Abahutu, mu icyahoze ari Zayire; ndetse n\u2019akarengane gakomeje kugirirwa Abanyarwanda. Bamwe ndetse baboneyeho no kwikorera ubushabitsi bwabo, ibimenyerewe nko kugwiza \u201cviews\/vues\u201d; mu bucuruzi bwo ku mbuga nkoranyambaga. Hari n\u2019ababoneyeho gukuza imirongo bihaye muri politiki cyangwa ubuhirimbanyi, igaragaramo gukwiza ibihuha nkana, kwibasira abatumva ibintu kimwe nabo, bari ku kivi kimwe cy\u2019impinduramatwara, guharabika no kwibasira inzirakarengane zifitanye amasano n\u2019abayogoje u Rwanda \u2013kandi icyaha ari gatozi-\u2026 Gusa aha, abo \u2013byumvikane ko atari bose, kuko hari n\u2019abamufashije mu bupfura, batagombye kwiyamamaza no kumwanika ku karubanda- bakaba barirengagije nkana, cyangwa se byarabasobye; ko gufatanya ubwo bukangurambaga no gushakisha umuryango wa Diane ISHIMWE, byamukururira ibibazo bimwe atamenyereye, bidasigana no guterwa ubwoba no kwibasirwa na Leta y\u2019Inkotanyi, imenyereweho iyo mico igayitse, ku muntu wese ukomoje ku byaha byakozwe n\u2019iyo Leta. Diane yavuze amateka ye, ku buryo buhagije kumva uwo ari we mu gihugu nk\u2019u Rwanda; n\u2019umwitwarariko agomba kugira kuri Leta ya Kigali tuzi neza uko iteye. Ni iki cyatuma abantu bamushora muri politiki cyangwa ubuhirimbanyi ku ngufu, kandi batazamufasha kwikura mu bibazo bizamukururira? Ese uyu ntiwaba ari umuco mubi wo gukunda ibitambo?<\/p>\n Diane ISHIMWE, nk\u2019uko abisobanura muri videwo yindi ngufi, mu ikiganiro yagiranye n\u2019umuyoboro wa Youtube wa Ukwezi TV<\/a>, niwe wasabye ko ikiganiro cye gikurwa ku muyoboro wa Youtube, kubera ko we yari yamaze kubona amakuru y\u2019umuryango we; mu gihe yari abangamiwe n\u2019abamubuzaga amahwemo bamuhamagara ubutitsa. Aba bamuhamagaragaga ubutitsa, nibo batumye akuraho umurongo wa Telefoni yari yatanze mu kiganiro afata undi \u2013byumvikane ko abo yaretse ari abamuhaga ubutumwa bumutera igishyika-. Birashoboka ko hari abuririye ku kibazo cye cyo gushakisha umuryango, maze bakagira ibyo bamusaba nko kugirana ibiganiro nabo, cyangwa se kumwifashisha ngo agire ibindi yongera kubuhamya yari yatanze, bwakomozaga ku nzira y\u2019umusaraba impunzi z\u2019Abahutu zanyuzemo mu mashyamba y\u2019icyahoze ari Zayire. Byumvikane ko iyo ngingo iteye igishyika ku muntu uri mu gihugu cy\u2019u Rwanda; kubera ko itunga agatoki ubutegetsi buriho, ku byaha bwakoze. Ntawashidikanya icyo iyi ngingo ivuze ku butegetsi bw\u2019i Kigali, ashingiye ku mihibibikano iyi Leta ihoramo; ihanganye na \u201cMapping Report\u201d ikibitswe mu tubati, nyamara ikaba yayihagama igihe cyose yaramuka ibyukijwe.<\/p>\n Abagerageje gukora ibyabangamiye Diane, bakoresheje nabi amakuru bari babonye; kubera ko bashoboraga kumufasha kubona umuryango we, no kumugenera ubundi bufasha, batamuteje ibibazo mu gihugu nk\u2019u Rwanda. Nk\u2019uko tubikurikirana muri iki kiganiro ku muyoboro wa Youtube<\/a> gutabaza RIB (Ikigo cy\u2019igihugu cy\u2019ubugenzacyaha) mu kiganiro wibasiyemo umufasha w\u2019umukuru w\u2019igihugu, Ministri w\u2019Ubutegetsi bw\u2019igihugu, n\u2019abandi bayobozi bo mu Rwanda; ni ugukoresha nabi amakuru ufite, ukanacukumbura andi ushaka kumenya mu buryo bwa nyirarureshwa, kubera ko uwatabajwe, adashobora kugusubiza byo gutinya ko yabonwa nk\u2019ushyikirana n\u2019uwibasira abayobozi b\u2019igihugu. Ubu noneho umuntu yakibaza uko Diane yumvise amerewe, n\u2019ibibazo byari bimwiteze; kuba ikiganiro yatangije cyari gitangiye kwifashishwa n\u2019abatinyuka abakomeye bo mu ngoma iyoboye igihugu bakanabaharabika by\u2019amaherere, kubera ko bashinjwaga kwica Diane no gukoresha amaraso ye mu mihango y\u2019ubupfumu yo gukagira abana babo, kandi ari ibinyoma bisa.<\/p>\n Kuri iyi ngingo yo gucukumbura amakuru, hari bamwe mu mpirimbanyi n\u2019abanyapolitiki, bumvaga Diane afite inshingano zo kudakuzaho videwo y\u2019ikiganiro cye, ndetse nta n\u2019uburenganzira afite bwo gukuraho umurongo we w\u2019itumanaho ku bw\u2019umutekano we. Aba bakaba barabigiraga mu buryo busa no kumushyiraho igitutu, mu mvugo nka \u201csi twe twamubwiye ngo ajye mu itangazamakuru\u2026 nashyireho umurongo we rero, kandi na videwo y\u2019ikiganiro cye isubireho\u2026!!!<\/i>\u201d nk\u2019uko tubyumva muri iki kiganiro ku muyoboro wa Youtube<\/a>.\u00a0<\/span><\/p>\n Muri iki kiganiro kandi,\u00a0 <\/span>hibasiwe abari baratangaje, ko Diane ari amahoro, bagerekwaho ubugwari\/ubutinyi -cyangwa se \u201cna\u00efvet\u00e9\u201d nk\u2019uko nyakuvuga yifashishije inyito y\u2019Igifransa-. N\u2019ubwo uvuga muri videwo atabavuga amazina, dushingiye ku nkuru zari zishyushye ku mbuga nkoranyambaga icyo gihe, nta shiti ko mu abo yibasiye, harimo n\u2019umunyamakuru Eric BAGIRUWUBUSA w\u2019Ijwi ry\u2019Amerika<\/a> ukorera mu Rwanda\u00a0 <\/span>wabitangaje ku rukuta rwe rwa Twitter , n\u2019Umunyamakuru Marc MATABARO, wabitangaje mu nkuru ku rubuga rw\u2019ikinyamakuru The Rwandan<\/a>. Uwibasiye aba banyamakuru yakagombye kuba yarabegereye, agacukumbura amakuru y\u2019imvaho; aho kunezezwa no gutangaza ibihuha, bivanze n\u2019andi magambo abibasira, ataretse no kwibasira abakomeye b\u2019i Kigali afatiye urwaho ku kiganiro Diane yakoze, agamije gusa gushakisha umuryango we.<\/p>\n