Yanditswe na Arnold Gakuba<\/b><\/p>\n
Kuri uyu wa gatanu tariki ya 30 Nyakanga 2021, abarwanyi 19 bivugwa ko ari aba RED-Tabara, binavugwa kandi ko irwanya Leta y’u Burundi, bashyikirijwe Leta y’u Burundi nyuma y’amezi agera ku 10, kuko bivugwa ko bafashwe muri Nzeri 2020, bakaba icyo gihe cyose bari bakimaze mu Rwanda. Mubyashyikirijwe Leta y’u Burundi harimo Kandi n’imbunda z’ubwoko butandukanye ndetse n’amasasu bivugwa ko nabyo byafatanywe abo barwanyi. Hakaba hibazwa impamvu abo barwanyi bafashwe bakamaranwa igihe kingana gityo cyose.<\/p>\n
Icyo gikorwa cyabereye ku mupaka wa Gasenyi-Nemba uhuza ibyo bihugu byombi mu karere ka Bugesera ku ruhande rw\u2019u Rwanda no mu Ntara ya Kirundo ku ruhande rw\u2019u Burundi. Mbere y’uko Leta y’u Rwanda yohereza abo barwanyi yabanje kumenyesha Komisiyo Ihuriweho Ishinzwe kugenzura imipaka mu Karere k’ibiyaga bigari yiswe EJVM.<\/p>\n
Muri icyo gikorwa, u Rwanda rwari ruhagarariwe na Brig Gen Vincent Nyakarundi, Umuyobozi ushinzwe iperereza rya Gisirikare mu Ngabo z\u2019u Rwanda (RDF), mu gihe u Burundi bwari buhagarariwe na Col Ernest Musaba ushinzwe iperereza mu gisirikare cy’u Burundi. Hari kandi na Col J. Miranda wari uhagarariye EJVM ndetse n’intumwa y’Umuryango w’Abibumbye (UN) mu Karere k’Ibiyaga Bigari.<\/p>\n