{"id":42605,"date":"2021-08-04T19:21:06","date_gmt":"2021-08-04T17:21:06","guid":{"rendered":"https:\/\/www.therwandan.com\/ki\/?p=42605"},"modified":"2021-08-04T19:21:06","modified_gmt":"2021-08-04T17:21:06","slug":"muhanga-abagororwa-bane-bishwe-barashwe","status":"publish","type":"post","link":"https:\/\/www.therwandan.com\/ki\/muhanga-abagororwa-bane-bishwe-barashwe\/","title":{"rendered":"Muhanga: Abagororwa bane bishwe barashwe"},"content":{"rendered":"

Yanditswe na Frank Steven Ruta<\/strong><\/p>\n

Mu ijoro ryo kuwa 2 rishyira uwa 3 Kanama 2021, abatuye mu mujyi wa Muhanga ahahoze ari Gitarama bumvise amasasu menshi, yavugiye rimwe hagacamo akanya gato nk\u2019iminota ibiri hakavuga andi make, barakangarana. None Leta y\u2019u Rwanda yatangaje ko ari amasasu yarashwe mu kirere ngo\u00a0 <\/span>abagororwa badatoroka.<\/p>\n

Mu gucukumbura aya makuru, The Rwandan yamenye ko amasasu atari ayarashwe mu kirere ahubwo yarashwe abantu, abagororwa bane nibo bahise bahasiga ubuzima. Muri aba barashwe bagapfa, harimo babirir bari batarakatirwa.<\/p>\n

Nk\u2019uko bisanzwe Leta y\u2019u Rwanda iyo ijya guhishira amahano iba yakoze ngo adakomeza kuvugwa , yiyambaza mbere na\u00a0 <\/span>mbere ibinyamakuru\u00a0biri hafi yayo<\/span>, ngo batangaze ibinyoma ibaha. Ni nako byagenze, kuko bucyeye bw\u2019umunsi aya masasu yarashweho Umuvugizi w\u2019Amagereza mu Rwanda Madamu Pelly Gakwaya Uwera yatangarije ikinyamakuru IGIHE ko nta kibazo cyabayeho, uretse gusa ko ari abafungwa bagerageje gutoroka, abacungagereza barasa mu kirere kugira ngo babahagarike. Yakomeje asaba abaturage gutuza, bakumva batekanye.<\/p>\n

\"pastedGraphic.png\"<\/p>\n

Kugira ngo ubu butumwa butambutswe kuri iki gitangazamakuru, byari bigamije gucubya ihwihwiswa rya byinshi byavuzwe kuri aya masasu yarashwe, ryumvikanye ku baturage batuye kuva mu Cyakabiri kugera i Kabgayi no mu nkengero.<\/p>\n

Umwe mu baduhaye amakuru utuye mu Mujyi wa Muhanga\u00a0 <\/span>yavuze ko atari ubwa mbere bumvise amasasu avugira muri Gereza ya Muhanga, kuko ngo hadasobora gushira ukwezi nta sasu rivugiyeyo, ariko ngo icyabaye mu ijoro ryakeye kigakangaranya abahaturiye ni uko harashwe mensu yungikanya, kandi akumvikana ubugira kabiri.<\/p>\n

Yakomeje agira ati \u201cMaze hari n\u2019abaketse ko ari nk\u2019abasirikare barasanye, kuko mu minota itari myinshi abasirikare n\u2019abapolisi bahise batangira kujagajaga umujyi wa Muhanga, \u2026\u201d.\u00a0<\/span><\/em><\/p>\n

Umucungagereza ukorera i Kigali wahaye amakuru The Rwandan yavuze ko ataramenya impamvu nyamukuru yatumye\u00a0 <\/span>abagororwa baraswamo, ariko yadutangarije ko amakuru azi neza ari uko bane bahise bapfa, hakaba n\u2019abandi bakomeretse, ariko atabashije kumenya umubare. Avuga ko hari n\u2019abacungagereza bahakomerekeye, ubwo imfungwa zirwanagaho ngo zitaraswa ari nyinshi.<\/p>\n

Ubwo twamubazaga abantu bafungiye i Muhanga abo ari bo, yagize ati \u201cNi abagororwa basanzwe nk\u2019abandi bose, ariko umwihariko uhari ni uko hari kujyanwayo aba dangereux, hagafungirwa abakorera ibyaha muri Muhanga no mu nkengero zayo, ariko hakanazanwa abababa bakoreye ibyaha mu nce za Karongi\u2026 Harimo ubucucike bwinshi, harimo na Corona nyinshi, abagororwa baho bigeze kwigaragambya basakuza bavuga ko batakatiwe urwo gupfa, ko batiyumvishaga impamvu bakwica na Corona\u201d.<\/em><\/p>\n

Twamubajije igisobanuro cy\u2019abo yise aba \u201cdangereux\u201d adusobanurira ko ari imfungwa zimeze nk\u2019ibyihebe zibanza kunyuzwa i Gikondo kwa Kabuga cyangwa kwa Gacinya ngo zisubizwe ku murongo bikanananirana.<\/p>\n

Uretse IGIHE cyanditse iyi nkuru, ikindi kinyamakuru cyayikomojeho ariko kigahita kiyikuraho ni umuseke, mu nkuru yagiraga iti \u201cUrufaya rw\u2019amasasu kuri Gereza ya Muhanga NIJORO, \u201cbivugwa ko hari abarashwe\u201d. Iyi nkuru ikaba itatinze ku rubuga, yaje gukurwaho, isimbuzwa indi ivuga gusa ibyo babwiwe n\u2019Umuvugizi w\u2019Amagereza, wavugaga ko nta mucungagereza wabo n\u2019umwe wagize ikibazo, ko nta n\u2019imfungwa yahakomerekeye.\u00a0<\/span><\/p>\n

\"pastedGraphic_1.png\"<\/b><\/p>\n

\"pastedGraphic_2.png\"<\/p>\n

Iyi Gereza ya Muhanga ni imwe mu zakunze kugaruka ku ntonde zinyuranye nk\u2019imwe muri gereza mbi kurusha izindi muri Afurika no kw’isi.\u00a0<\/span><\/p>\n