{"id":42671,"date":"2021-08-11T14:06:43","date_gmt":"2021-08-11T12:06:43","guid":{"rendered":"https:\/\/www.therwandan.com\/ki\/?p=42671"},"modified":"2021-08-11T14:06:43","modified_gmt":"2021-08-11T12:06:43","slug":"u-rwanda-rutangaje-ku-mugaragaro-ko-ruzajya-rubusanya-inkingo-za-covid19","status":"publish","type":"post","link":"https:\/\/www.therwandan.com\/ki\/u-rwanda-rutangaje-ku-mugaragaro-ko-ruzajya-rubusanya-inkingo-za-covid19\/","title":{"rendered":"U Rwanda rutangaje ku mugaragaro ko ruzajya rubusanya inkingo za Covid19"},"content":{"rendered":"

Yanditswe na Frank Steven Ruta<\/strong><\/p>\n

Nyuma y\u2019amezi atanu u Rwanda rutangiye gutanga inkingo za Coronavirus, ikibazo cyo kubura inkingo za kabiri zihagije cyangwa se ngo zize zihuye n\u2019izo abarwayi bahawe mbere, bigamburuje Minisiteri y\u2019Ubuzima, itangaza ko hagiye kujya hatangwa inkingo zibusanye, uwahawe urwa mbere agahabwa urwa kabiri bidahuje ubwoko.<\/p>\n

Igitangaje muri iki gikorwa ni uko Leta y\u2019u Rwanda ibwira abaturage bayo ko guterwa inkingo ebyiri zinyuranye\u00a0 <\/span>ari byo byiza cyane, aho kubasobanurira ko ibi bitewe no kuba nta yandi mahitamo Leta ifite, uretse kwakira inkingo yabashije kubona, ikazitanga uko ziri.<\/p>\n

Uko ibura ry\u2019inkingo ryagiye rihindura ibintu mu Rwanda<\/b><\/p>\n

Mu ikubitiro u Rwanda rwabanje kubona inkingo nkeya, zatanzwe mu ibanga, zihabwa abanyacyubahiro, abategetsi, abapolisi bakuru, abasirikare bakuru n\u2019abacuruzi bakomeye. Ibi byakozwe mu kwezi kwa Kabiri uyu mwaka wa 2021.<\/p>\n

Mu kwezi kwa Gatatu, u Rwanda rwahawe inkunga y\u2019inkingo nyinshi zaje zitanzwe muri gahunda yiswe COVAX, abantu benshi batangira gukingirwa, ari nabwo bwa mbere byakozwe mu ntara zose z\u2019igihugu. Icyo gihe hakingiwe abantu basaga ibihumbi 250, abenshi muri bo bakaba barahawe urukingo rwa\u00a0AstraZeneca, kuko ari rwo rwari rwiganje mu zahawe u Rwanda. Icyo gihe Pfizer yahabwaga abantu bake b\u2019indobanure, biganjemo abafatwa nk\u2019abavuga rikijyana.\u00a0<\/span><\/p>\n

Kuba AstraZeneca yarahabwaga ababonetse bose, ariko abitwa ko bubashywe kurushaho bagahabwa PFIZER byatewe no kuba hari hatangiye gutangazwa amakuru menshi ku kuba AstraZeneca yari itangiye gushidikanywaho no guhagarikwa mu bihugu bimwe na bimwe by\u2019i Burayi, muri iyo minsi.<\/p>\n

Kubera ko inkingo za Pfizer zari nkeya, byabaye ngombwa ko habikwa iz\u2019icyiciro cya kabiri, igihe kigeze abahawe Pfizer nk\u2019urukingo rwa mbere bongera kuyihabwa nk\u2019urukingo rwa kabiri. Ba bandi benshi bahawe AstraZeneca bo bategereje guhabwa urwa kabiri amaso ahera mu kirere, kuko igihugu kitongeye kubona izindi cyakira.<\/p>\n

\"pastedGraphic.png\"<\/p>\n

Ubwo Perezida Macron yasuraga u Rwanda yaruhaye inkingo zirenga ibihumbi ijana za AstraZeneca, haboneka n\u2019izindi ziturutse mu baterankunga banyuranye, bityo mu Rwanda abakingiwe urwa mbere bahabwa n\u2019urwa kabiri n\u2019ubwo amezi agenwa yari yararenze. Icyo gihe Minisitiri w\u2019Ubuzima mu Rwanda Dr Daniel Ngamije yatangarije Abanyarwanda ko kuba baratinze guhabwa urukingo rwa kabiri bitazabagiraho ingaruka, kuko ngo byahaye\u00a0 <\/span>umubiri wabo umwanya wo kwakira urwa mbere neza no kubaka ubudahangarwa mu mubiri,\u00a0 <\/span>urwa kabiri rukazaza rushimangira. N’ubwo nta byemezo bya gihanga (preuves scientifiques) Minisitriri w\u2019ubuzima yatanze, nta yandi mahitamo Abanyarwanda bari bafite, uretse kwakira ibisobanuro bya Leta kabone n\u2019iyo baba batarabyemeraga.<\/p>\n

Muri izi nkingo ariko zari zatangiye gutangwa ku nshuro ya kabiri, inyinshi zaje ni iza PFIZER, mu gihe abasaga 80 % mu babuze dose ya kabiri ari abari barakingiwe urwa AstraZeneca. Aha niho Leta y\u2019u Rwanda yatangiye guha PFIZER nka dose ya kabiri ku bahawe iya mbere ya AstraZeneca. Bamwe mu bakurikirana batangiye kugaragaza amakenga mu kubaza impamvu baterwa urukingo ruhabanye n\u2019urwo bahawe mbere.<\/p>\n

Umwe muri bo yanditse abaza ati : \u201cDear @RBCRwanda ko\u00a0maze 2 weeks mbabaza niba nziteza urukingo rwa 3 nyuma y’aho abakozi banyu banteye inkingo 2 zitandukanye(AstraZeneca-Pfizer) none mukaba mwaranyirengagije nzamenya mbariza he?\u201d.<\/em><\/p>\n

Ibi kandi babishingiraga ku kuba tariki ya 02 Masta 2021, Dr Sabin Nsanzimana ukuriye Urwego rw\u2019igihugu Rushinzwe iby\u2019Ubuzima RBC yari yavuze ko kizira guterwa inkingo ebyiri zinyuranye.<\/p>\n

\"pastedGraphic_1.png\"<\/p>\n

\n

Uyu munsi turatangira gutanga urukingo rwa2 ku babonye urwa1
Dore ibyo ukwiye kumenya:
1. Pfizer:Urwa2 ni nyuma y\u2019iminsi 28
2. AstraZeneca:Urwa2 ni nyuma y\u2019ibyumweru 12
3. Nta kuvanga inkingo ku muntu1
4. Fata Doze2 ukingirwe byuzuye
5. Ibisobanuro birambuye:114 #sindohoka<\/a> pic.twitter.com\/H8n6CnrulS<\/a><\/p>\n

— Dr Sabin Nsanzimana (@nsanzimanasabin) April 2, 2021<\/a><\/p><\/blockquote>\n