{"id":42688,"date":"2021-08-12T09:52:30","date_gmt":"2021-08-12T07:52:30","guid":{"rendered":"https:\/\/www.therwandan.com\/ki\/?p=42688"},"modified":"2021-08-12T09:52:30","modified_gmt":"2021-08-12T07:52:30","slug":"nyakanga-kanama-2021-amezi-yikiboko-gikarishye-mu-rwanda","status":"publish","type":"post","link":"https:\/\/www.therwandan.com\/ki\/nyakanga-kanama-2021-amezi-yikiboko-gikarishye-mu-rwanda\/","title":{"rendered":"Nyakanga \u2013 Kanama 2021: Amezi y\u2019ikiboko gikarishye mu Rwanda"},"content":{"rendered":"

Yanditswe na Frank Steven Ruta<\/strong><\/p>\n

Mu myaka 20 ishize, nta gihe mu Rwanda kandi mu Ntara zose no mu turere twose higeze havugwa ikoreshwa ry\u2019inkoni n\u2019ikiboko ku rwego rukabije nk\u2019uko biri gukorwa umusubirizo kuva mu kwezi gushize kwa karindwi, n\u2019ubu bigikomeje,\u00a0 <\/span>ariko bikabura gikurikirana, kuko abaturage batakambira Leta ikabima amatwi.<\/p>\n

Mu buryo buhutiyeho kandi buhuriweho n\u2019inzego z\u2019ibanze, irondo, Dasso na Police, habayeho gukubitwa kw\u2019abanyarwanda hirya no hino mu\u00a0<\/span>turere, ku buryo kuri bamwe ukwezi kwa karindwi gushojwe\u00a0 <\/span>barakugize indahiro, ariko igitangaje ni uko muri uku kwa munani nta cyahindutse, ahubwo bikomeje gukaza umurego.<\/p>\n

Gukoresha inkoni, ndembo, ikiboko n\u2019ibindi, byakajije umurego muri iyi minsi yo kurwanya Coronavirus, aho Leta y\u2019u Rwanda igenda ishyiraho ingamba zikaze, ndetse zigora bamwe kuzubahiriza, kandi izo ngamba zikajyana n\u2019ibihano byiganjemo gucibwa amande abarwa mu mafaranga.<\/p>\n

Kuba hashize igihe kinini Abanyarwanda bacibwa aya mafaranga y\u2019ibihano bifatiye ku mabwiriza ya Coronavirus (kuba bambaye nabi agapfukamunwa cyangwa se batinze mu nzira, gusangira, \u2026) byageze ubwo ubushobozi bwo kwishyura bw\u2019abaturage bubabana buke, kuko n\u2019ubushomeri ubwabwo bwariyongereye mu gihe cya Covid, n\u2019aho butiyongereye hari henshi bagabanyirijwe imishahara kubera ibihe bidasanzwe.<\/p>\n

Ku bw\u2019izi mpamvu hari abafatwa bakanga kuyatanga kandi bayafite, bakavuga ngo \u201c Niba ari igihano cyo kwirirwa cyangwa kurara muri Stade mukimpe, ariko nta mafaranga yo kwangiza mfite\u2026\u201d<\/em> Kuba rero hari aba banga kuyatanga bagahitamo ibindi bihano, kuba hari abatayatanga kuko batayafite, bose Leta yabakubiranyije hamwe, ihitamo kubahanisha inkoni ngo batazasubira, Abanyarwanda nabo babyakira by\u2019amaburakindi.<\/p>\n

Nubwo aya mategeko yo guhanisha inkoni n\u2019ikiboko adafite ahantu na hamwe yanditswe kandi akaba ataranatangajwe ku mugaragaro, ntibikuraho ko ari igikorwa rusange gihuriweho mu gihugu hose. Aho inkoni zumvikanye cyane\u00a0 <\/span>ni mu turere twa Rusizi, Gisagara, Huye, Bugesera, Nyaruguru, Kayonza, Musanze, Gicumbi, Rubavu, Rutsiro, Nyamasheke, Gatsibo, Rulindo, Nyagatare, Muhanga, Nyamagabe, Gakenke na Karongi.<\/p>\n

Kuba mu Mujyi wa Kigali badakubitwa cyane ni uko ho hari ama stades babashyiramo, abandi bakisakasaka bakishyura amande, ariko ibi ntibikuraho ko hari abakubitwa kandi cyane mu mirenge y\u2019icyaro y\u2019Umujyi wa Kigali.<\/p>\n

Uturere twaciye agahigo mu kugira urugomo rwinshi rwo gukubita abaturage ni\u00a0 <\/span>Nyagatare na Musanze, twombi twakubitiwemo abasore n\u2019abasaza, inkumi n\u2019abakecuru, n\u2019abandi.<\/p>\n

N’ubwo henshi bitagiye bihita bisakuzwa cyane, abantu ntibaribagirwa umugabo wakubitiwe mu masangano ya Gakenke na Rulindo akanabohwa, hakaba umunyamakuru wakubitiwe i Nyagatare, n\u2019izindi ngero nyinshi.<\/p>\n

Kuri iyi nshuro bwo, uwakubitiwe i Musanze, byari hafi yo kumumugaza burundu, abaturage babihagurukiye babisakuza ari benshi, ariko Leta ntacyo irabivugaho. Abaturage b\u2019ingeri zinyuranye bavuga ko mu gukubitwa kwabo akenshi baba bazira ubusa<\/p>\n

Abo mu murenge wa Muko mu karere ka Musanze bo bavuga ko bazengerejwe n\u2019inzego z\u2019ubuyobozi z\u2019ibanze, zifatanyije n\u2019abitwa abakorerabushake, ariko bagaragaza imyitozo idasanzwe bashobora kuba barahawe mu gukubita ahababaza.<\/p>\n

Muri uyu murenge wa Muko, mu kagari ka Cyivugiza mu mudugudu wa\u00a0 Sangano havugwa ikubitwa ry\u2019umwarimu witwa Munyazikwiye Jean N\u00e9pomusc\u00e8ne\u00a0 wigisha mu rwunge rw\u2019amashuri rwa Muko, umuturage witwa Uwimana Florence n\u2019umugabo we Mbitezimana\u00a0 L\u00e9onard\u00a0 <\/span>ndetse na Ujeneza, umukobwa wabo.<\/p>\n

\"\"<\/a><\/p>\n

Uko Mwalimu Munyazikwiye yahondaduwe imibyimba y\u2019inkoni ikishushanya<\/em><\/p>\n

Munyazikwiye J.N\u00e9pomusc\u00e8ne w\u2019Umwarimu yakubiswe kuwa 20\/07\/2021, ahondagurwa bikomeye n\u2019abakorerabushake, banamuca amafaranga ibihumbi icumi, bamwandikira inyemezabwishyu itagaragaza itariki yatangiwe.<\/p>\n

\"\"<\/a><\/p>\n

Bucyeye bwaho kuwa 21 Nyakanga 2021mu masaha y\u2019umugoroba ashyira saa mbiri, Mbitezimana L\u00e9onard , umugore we Florence Uwimana n\u2019umwana wabo Sano Ujeneza bakubiswe n\u2019abanyerondo,\u00a0<\/span>babagira intere. Aba banyerondo bari bahagarikiwe n\u2019abasirikare babiri hamwe na Emmanuel Kamegeli, umunyamabanga Nshingwabikorwa w\u2019akagari ka Cyivugiza.<\/p>\n

\"\"<\/a><\/p>\n

Uwimana Florence wakubiswe bikomeye akamara iminsi aryamye, akomeje gusaba ubutabera, dore ko no mu kumukubita bamwandagaje bamwambura ubusa imbere y\u2019abana be, ari nako bamukubakuba hasi mu mbuga.\u00a0<\/span><\/p>\n

Izindi nkuru ku nkoni n\u2019ikiboko mu Rwanda<\/b><\/p>\n