{"id":42795,"date":"2021-08-19T17:46:16","date_gmt":"2021-08-19T15:46:16","guid":{"rendered":"https:\/\/www.therwandan.com\/ki\/?p=42795"},"modified":"2021-08-19T17:46:16","modified_gmt":"2021-08-19T15:46:16","slug":"u-rwanda-nuburundi-ibihano-ku-bakozi-bo-mu-ngoro-zabakuru-bibihugu-byombi-birabusanye-cyane","status":"publish","type":"post","link":"https:\/\/www.therwandan.com\/ki\/u-rwanda-nuburundi-ibihano-ku-bakozi-bo-mu-ngoro-zabakuru-bibihugu-byombi-birabusanye-cyane\/","title":{"rendered":"U RWANDA N\u2019UBURUNDI: IBIHANO KU BAKOZI BO MU NGORO Z\u2019ABAKURU B\u2019IBIHUGU BYOMBI BIRABUSANYE CYANE!"},"content":{"rendered":"

Yanditswe na Albert MUSHABIZI <\/b><\/p>\n

Mu nkuru dukesha urubuga rwa Radiyo Ijwi ry\u2019Amerika<\/a> iratubwira ko abakozi bo mu nzego zo hejuru, bakorera mu Ibiro by\u2019umukuru w\u2019igihugu cy\u2019u Burundi, kuva kuwa mbere taliki ya 16 Kanama 2021, babaye bahagaritswe mu kazi mu gihe kingana n\u2019iminsi 15. Aba bakozi barimo nk\u2019abo mu ishami ry\u2019itangazamakuru n\u2019abandi, barezwe amakosa yo gukererwa ku masaha y\u2019akazi batabimenyesheje, cyangwa ngo babihererwe uruhusa. Amakuru ava mu biro by’umukuru w’igihugu mu Burundi bizwi kw’izina rya Ntare Rushatsi<\/em>, asobanura ko ibiro abo bakozi bakoreragamo imiryango ifunze. Icyo cyemezo ngo kikaba cyafashwe n\u2019umukuru w\u2019igihugu ubwe.<\/p>\n

Uwabashije kwibonera n\u2019amaso ye, ibiro by\u2019Abajyanama bamwe bo kwa Prezida, nk\u2019ushinzwe ishami ry\u2019itangazamakuru Willy NYAMITWE, ushinzwe gutegura ingendo z\u2019umukuru w\u2019igihugu Godefroid BIZIMANA, uwahoze ari umuvugizi w\u2019umukuru w\u2019igihugu Jean Claude KARERWA NDENZAKO n\u2019abandi\u2026 yabwiye Ijwi ry\u2019Amerika ko ku nzugi z\u2019ibyo biro hamanitseho amatangazo amenyesha ko :\u201dabo bategetsi bazongera kuboneka ku biro byabo, nyuma y\u2019iminsi 15, uhereye kuwa mbere taliki ya 16 Kanama 2021.\u201d<\/em><\/p>\n

Abandi barebwa n\u2019iki cyemezo, nk\u2019uko amakuru yizewe yakomeje kugera ku Ijwi ry\u2019Amerika, bakaba ari Albert NASASAGARE, wahoze akuriye abaherekeza Umukuru w\u2019Igihugu, Jean Marie RURIMIRIJE, Pascal BARANDAGIYE wahoze ari Ministiri w\u2019Ubutabera, na Colonel Firmin MUKWAYA. Abo bose uko ari 8, itegeko rikaba ryerekana ko ari Abajyanama mu mashami atandukanye kwa Prezida Evariste NDAYISHIMIYE\u2026 Uwafashe iki cyemezo amaze kubyumvikanaho n\u2019umukuru w\u2019igihugu, akaba ari Bwana Gabriel NIZIGAMA Umujyanama mukuru mu bya gisivile; nyuma y\u2019uko yari amaze gutambagira ibiro bigize Ingoro y\u2019Umukuru w\u2019Igihugu ya NTARE RUSHATSI.<\/p>\n

Ibihano byo gukebura bya \u201cLeta-Mvyeyi, Leta-Nkozi\u201d mu Ingoro y\u2019Umukuru w\u2019Igihugu ya NTARE RUSHATSI!<\/b><\/p>\n

\u201cLeta-Mvyeyi, Leta-Nkozi\u201d,<\/em> niko kazina iyi Leta iyobowe na Prezida Evariste NDAYISHIMIYE yayihaye, akimara kurahirira kuyiyobora. Iri zina ryiza iyi Leta yiyaturiyeho, ryari iryo kuyibera umuyoboro wo guharanira gukora byose, mu nyungu z\u2019Abanyagihugu, abana b\u2019u Burundi. Ibi bihano byatangiwe mu biro numero ya mbere by\u2019igihugu, ni ibihano byo gukebura abaguye mu makosa yo kwirara; kubera ko nta ntungane, ariko kandi biranagaragaza ko iyi \u201cLeta-Mvyeyi, Leta-Nkozi\u201d<\/em> ntawe itonesha, cyangwa ngo abe hejuru y\u2019amategeko, kubera umwanya runaka. Uyu mubare w\u2019abakozi 8 bahaniwe rimwe, baguwe gitumo, ku mugaragaro, nabyo byerekana ko muri ino Leta nta bakozi bakora ku rwego rumwe, nyamara barimo abavuna umuheha bakongezwa undi, batarebwa n\u2019ibihano ku makosa bakora ayo ari yo yose, n\u2019abakorera kuri baranyica nk\u2019inyana z\u2019intsindirano, bashobora guhanirwa amakosa yabo. Iki gitsure cya \u201cLeta-Mvyeyi, Leta-Nkozi\u201d<\/em> kandi ni n\u2019igihamya, cy\u2019uko iyi Leta, ihangayikishijwe n\u2019imyitwarire cyangwa se umusaruro w\u2019abakozi, bashobora guhemberwa ibyo batakoreye.<\/p>\n

Ibihano byo gutimbagura, guhungeta, kumenesha no guhotora, mu Ingoro y\u2019Umukuru w\u2019Igihugu y\u2019URUGWIRO!<\/b><\/p>\n

Tumaze kwiyumvira inkuru y\u2019urugero rumwe, rw\u2019uko mu Ingoro y\u2019Umukuru w\u2019igihugu cy\u2019u Burundi ya NTARE RUSHATSI, hahanwa abakozi baguye mu makosa. None mu Ingoro y\u2019Umukuru w\u2019Igihugu cy\u2019u Rwanda y\u2019URUGWIRO ho byifashe bite!? Mu gihugu cy\u2019u Rwanda akazi ni ubukonde, kukageraho ni iturufu, bitandukanye n\u2019ubushobozi cyangwa kugatsindira, mu buryo bwagiweho impaka zinganyisha amahirwe abanyagihugu, cyangwa se mu gutsinda ikizamini kigahiganirwa, ukanikira abandi.<\/p>\n

Mu gihugu cy\u2019u Rwanda iyo udahawe akazi ku iturufu y\u2019ikimenyane, ugahabwa kubera ko ubushobozi bwawe bwifuzwa, gusa ukazasanga inshingano zawe zivangwamo cyane; akenshi ndetse ukaba ushobora no gufata ibyemezo wahatiwe, bikwitiririrwa, kandi bihabanye n\u2019umutima-nama wawe. Indi turufu yo kubona akazi mu Rwanda, cyane cyane mu nzego zo hejuru, ni ukujijisha kwa Leta y\u2019Inkotanyi; ko Abanyarwanda bose basangiye ibyiza by\u2019igihugu. Ugasanga nk\u2019umuntu ari mu mwanya, kubera gusa ko ari ishusho y\u2019ubwoko bw\u2019abahutu, bw\u2019abatwa, ishusho y\u2019uwahungutse ava mu mashyamba y\u2019icyahoze ari\u00a0 <\/span>Zayire, ishusho y\u2019uwahoze arwanyiriza Inkotanyi mu buhungiro, Ishusho ya mwene wabo wa hafi n\u2019ibikomerezwa byo mu ingoma zabanjirije FPR\u2026<\/p>\n

Ibi rero byo gutanga akazi mu buryo nk\u2019ubu; ni nabyo bigira ingaruka zo kuba wagafatwaho nabi, mu buryo bwo kurengeera butubahisha umunyagihugu, cyangwa ukaba wagakurwaho uhabwa ibihano by\u2019ubugome bw\u2019ikirenga busanzwe buranga ingoma ya FPR-Inkotanyi, ibihano bihabanye n\u2019ibihabwa abakozi ba \u201cLeta-Mvyeyi, Leta-Nkozi\u201d<\/em> y\u2019u Burundi!<\/p>\n

Ingero zikurikira ni nke muri nyinshi cyane, mu bihano bifatirwa abakozi bo muri Prezidansi ya Leta ya FPR-INkotanyi yo mu RUGWIRO; nyamara amakosa yabo atagize icyo atandukaniyeho cya cyane, n\u2019ayo tubonye haruguru ku ruhande rw\u2019u Burundi:<\/p>\n