Yanditswe na Albert MUSHABIZI<\/b><\/p>\n
Ambasaderi “Joe” nk\u2019uko ako kazina yakundaga kukitwa, ni umwe mu banyarwanda b\u2019ibyatwa, basize izina mu muryango nyarwanda. Uyu mugabo yavukiye ku Kamonyi, kuwa 3 Ukwakira 1964, atabaruka kuwa 20 Kanama 2021, ku gitanda cy\u2019uburwayi, i Nairobi muri Kenya. Uyu mugabo akaba yarakoze imirimo myinshi itandukanye<\/a>. Ni umugabo ufite ibyo yareberwaho mu buzima bwe, byaba ibyo kugaya no kwirinda, cyangwa se gushima no kwiganwa, kubera ko mu bihe yabaye uwa rubanda (public figure), afite inshingano agomba abaturage, yari umugabo ufite udushya runaka tw\u2019imijyo yombi, hejuru no hasi (ups and downs).\u00a0<\/span><\/p>\n “HABINEZA wayoboye inshuro ebyiri zose, Minisiteri igoye cyane, kubera kuba igicumbi cy\u2019amatiku n\u2019isibaniro ry\u2019indira-karame, ari umudabagizi utazi kubyina naryo (ishyari)!”<\/strong><\/p>\n Mu migani mbwiriza-mico, umunyarwanda yagize ati: \u201ckugenda ni ngombwa ngo bitere kubona, ariko kubona si ngombwa ngo bitere kugenda!\u201d<\/em> Uyu mugabo wigiriye amahirwe mu buzima bwe, yo kuvukira mu rugo rufite amikoro no gutunganirwa, akirangiza Kaminuza yaje gukora mu cyitwaga ELECTROGAZ, nyuma y\u2019aho aza kubona akazi keza cyane karuseho, mu wa 1989 ko gukora muri BRALIRWA, akazi kamuhaga umushahara ukubye kabiri uwa Ministiri w\u2019icyo gihe; dore ko Abakozi ba Leta bo mu nzego zo hejuru icyo gihe batayorerwaga ku gitiyo naho abo mu nzego zo hasi bagwa isari nk\u2019uko bimeze ubu! Muri Gicurasi 1994 yaje kujya gukorera Heineken i Kinshasa, ahava ajya guyikorera na none muri Nigeria mu wa 1998 yavuye mu wa 2004 agirwa Ministiri bwa mbere.<\/p>\n HABINEZA yagiriwe igikundiro n\u2019Inkotanyi gishingiye ku bikorwa by\u2019ingenzi, byakabaye nka bibiri. Ubwa mbere ni mu gihe yajyanaga n’ikipe ya Volleyball y\u2019i Nyamirambo mu mukino wa gicuti n\u2019Inkotanyi zari ku Murindi, bikamuviramo guhunga agasubira ku Mulindi, indege ya HABYARIMANA ikaba yararashwe, ndetse na Jenoside ikaba ariyo ari. Ubwa kabiri ni igihe ikipe y\u2019Igihugu yagiye gukina muri Nigeria, agikorayo, maze abonye ko abakinnyi bafashwe nabi, abashakira uburiro n\u2019amacumbi byiza yishyuye ku giti cye, abavanye mu ibyo bari bagenewe atashimye.<\/p>\n Mu wa 2004, nibwo HABINEZA yagizwe Ministri bwa mbere muri Guverinoma. Akigera muri Minisiteri yahawe inshingano zo guteza imbere sport ku buryo bugaragara, cyane cyane akazamura umupira w\u2019amaguru; inshingano yagerageje kugeraho, urebeye ku bigwi by\u2019igihe cye mu mupira w\u2019amaguru! Nyamara kandi, abari bafite aho bahurira na Minisiteri ya MIJESPOC uko yitwaga icyo gihe, ntibazibagirwa ko minisiteri yari igizwe n\u2019amashami atatu ariyo urubyiruko, sport n\u2019umuco, hasigaye hakora ishami rimwe rya sport, ayandi abiri asigara ari baringa, akora udukorwa duke twa nyirarureshwa, abakozi bayo bakirirwa bikinira udukino two kwimara irungu two muri mudasobwa, abagakoreye hanze y\u2019ibiro bakirirwa baturamye babuze uburyo, benshi muri bo bagatondera kureba filimu z\u2019uruhererekane, bifunze utuzindaro mu matwi. Ishami ry\u2019urubyiruko ryaje kwimurirwa muri Minisiteri nshya y\u2019Urubyiruko n\u2019Ikoranabuhanga, amashami asigara ari abiri mu icyahindutse MINISPOC, ariko na none umuco wararyamiwe na sport. \u201cBudget\u201d<\/em> yagakoze imishinga na gahunda zigengwa n\u2019iteganyabikorwa ryo mu ishami ry\u2019umuco, ikayoberezwa muri sport, ngo imihigo HABINEZA yahawe na KAGAME ikunde ishyike.<\/p>\n Ku ibigendanye n\u2019ibikorwa nk\u2019amaserukiramuco, irushanwa rya Nyampinga, gusohoka kw\u2019itorero ry\u2019igihugu hanze y\u2019igihugu, hitabazwaga gusaba inkunga mu miryango itagengwa na Leta, za Ambasade n\u2019amasosiyete manini yo mu gihugu\u2026 Byaba byenda kuba iyanga, hakitabazwa ku munota wa nyuma isanduku y\u2019umukara (caisse noire) yo muri Prezidansi, itagira indiba kubera ko ibamo ibifaranga byinshi, bikunze kwiharirwa mu busanzwe n\u2019imishinga kirimbuzi y\u2019inzego z\u2019ibanga, no kudahwamo n\u2019urugo rw\u2019umukuru w\u2019igihugu, hagamijwe isesagura no kwigwizaho umutungo!<\/p>\n Iyi Minisiteri ikaba ari rumwe mu nzego zinyereye cyane mu gihugu cy\u2019u Rwanda, kubera yiganjwemo n\u2019Abajepe (abatahutse bava i Burundi) bo mu ibisigisigi by\u2019ibihe by\u2019intsinzi, aho uwayoboraga urwego runaka yarundagamo ab\u2019aho yatahutse ava, wagera muri urwo rwego ukaba wakibeshya ko uri muri kimwe mu bihugu bituranyi n\u2019u Rwanda, ukurikije ko ibiro bigwiriyemo indobanure zaturutse hamwe! Iyi Minisiteri kandi igwiriyemo imishinga igaburira Inkotanyi zitabashije gukungahazwa kubera ikibazo cy\u2019ubumenyi (kwiga), kuva ku rugerero, kugirana isano n\u2019Inkotanyi zaguye ku rugerero\u2026 Aba nabo baba bajagata muri iyi Minisiteri bakahatonda buri munsi, kandi nta kazi bahagira, bakirirwa bacurira amatiku mu biro byinshi cyane bihabwa Amashyirahamwe ya baringa (iyi minisiteri ikorera muri sitade ahari ibyumba byinshi by\u2019umurengera).<\/p>\n Joseph HABINEZA ukunze kwisekera, gutebya, no kwisanzura kuri bose, akagira n\u2019igikundiro ku bo mu rwego rwe n\u2019abamurenze, barimo na Prezida wa Repubulika; yageze muri MIJESPOC bakamusekera imbereka ari nako bamucurira amatiku! Ku ikubitiro Umunyamabanga we wihariye, aba arameneshejwe ashinjwa kuba inshoreke ya Minisitiri, ariko mu iby\u2019ukuri azizwa ko ari umuhutukazi, ufite na se wafunzwe n\u2019inkiko gacaca. HABINEZA azanye umusore w\u2019\u201dumusaggya\u201d<\/em>\u00a0(wavuye Uganda) kumumusimbuza, noneho babuze icyo bamurega, batangira kumushinja ubutinganyi n\u2019uwo musore; nyamara ubwo HABINEZA yeguraga bwa mbere mu wa 2011, wa musore bashinjaga ubutinganyi na HABINEZA, ahita ashingwa ubuyobozi bw\u2019ishami ry\u2019umuco (ishami ry\u2019umuco ibaze nawe) akubitwa icyuhagiro ntiyongera gutotezwa no kubuzwa amahwemo, kubera ko uwo yaziraga atifuzwa yari abaviriye aho, uyu baje no kwirukananwa\u00a0 <\/span>mu wa 2015!!!<\/p>\n Ibyaasha bitavuzweho rumwe!<\/b><\/p>\n -Gutanga Minisitiri mugenzi we<\/i> amurega i bukuru akaviramo kwirukanwa muri Leta<\/strong>.<\/p>\n Hari mu mihango yo gusoza icyunamo ku rwibutso rwa Kigali \u201cGisozi Genocide Memorial Site\u201d, ubwo HABINEZA yatangaga imbwirwaruhame nka Ministiri uyoboye Ministeri ifite icyunamo mu nshingano zayo. Ngo nibwo mugenzi we Ministiri w\u2019Ibidukikije w\u2019icyo gihe Drocella MUGOREWERA yamwohererezaga ubutumwa bugufi ku nziramugozi (Mobile) amagambo (nk\u2019uko byahwihwishijwe) ngo yaba arimo ingingo nka \u201cJya uvuga uziga\u2026 ubona twebwe abahutu tuzaba abande!?\u201d <\/i>Ubwo butumwa ngo HABINEZA akaba yarahise abusunikira KAGAME uko bwakabaye, yongeyeho amagambo (nk\u2019uko byahwihwishijwe) abunenga agira ati: \u201cNdebera nawe imyumvire ya ba Ministiri bawe!?\u201d <\/i>Iyo myitwarire yaje no kuviramo kwirukanwa muri Leta kwa Ministiri Drocella MUGOREWERA; yarakaje abantu benshi, cyane cyane bo mu bwoko bw\u2019abahutu, nuko baramutuka biratinda! Nyamara kandi ntihabuze na benshi na none bavuze ko ku muntu uzi neza imikorere y\u2019Inkotanyi, n\u2019ukuntu ishyari no kunekana biba birikoroza; nta gihamya na kimwe HABINEZA yari kugira kimwizeza ko ubwo butumwa utaba ari umutego yatezwe n\u2019inzego z\u2019ibanga zinyuze muri MUGOREWERA! Ikindi kandi inziramugozi ya Habineza yari ifitwe n’umurinda (ushobora kuba yari anashinzwe kumuneka) kandi nk’umuntu usobanukiwe iby’ikoranabuhanga yari azi neza ko iyo nziramugozi yahawe na Leta y’Inkotanyi nta kuntu yaba idakurikiranirwa hafi n’inshingamatwi zo mu butasi. Ababyumva batyo banenze MUGOREWERA, ko ibyo yajyaga gushaka aho abimuganiririza bari babiri cyangwa akamutumaho umuntu yizeye, kurusha uko yabimusunikira ku nziramugozi itizewe; ndetse bashima HABINEZA ko agira amakenga!<\/p>\n -Gukunda inkumi<\/i> <\/strong><\/p>\n Nk\u2019icyaha cyamweguje bwa mbere mu wa 2011, HABINEZA yagiye yumvikana mu biganiro n\u2019Itanganzamakuru, adahakana ko akunda inkumi, ko nta n\u2019icyo yaba anazihora; ariko ko amafoto yabaye intandaro yo kwegura mu wa 2011, yari inkuru ishingiye ku rwango, na cyane ko ibyo byari bimaze imyaka 3 yose bibaye mu wa 2008. Yasobanuye ko amafoto yafashwe ubwo yari yagiye mu isabukuru y\u2019umwe muri ziriya nkumi zayagaragayemo, kandi ko uretse gusangira no kwifotozanya, wenda mu buryo abantu banenze ukwabo, nta kindi cyari kirenze kuri ibyo. Igihe cyose yabikomojeho, wumvaga ababajwe cyane, no kuba inkuru zarongerwagamo umunyu, wo gusesagura umutungo w\u2019igihugu, kwanduza abangavu ibyorezo\u2026 Ababa bazi imico y\u2019Inkotanyi zo mu nzego zo hejuru, bashobora kutiyumvisha ukuntu HABINEZA ariwe wari kuzira iki cyaha, mu gihe ubusambanyi bwahawe umugisha na Leta ya FPR-Inkotanyi, nk\u2019uko inkuru ya The Rwandan yabituviriye imuzi\u00a0<\/a><\/p>\n -Ubusinzi<\/i> <\/strong><\/p>\n Nk\u2019icyaha Leta yamwirukaniye ubwa kabiri mu wa 2015, HABINEZA umugabo uteye ukwe, na none kandi yagiye yumvikana mu mvugo nyinshi, nk\u2019umuntu udakeneye guhisha ko yikundira ka manyinya! Ntiyanahishaga mu biganiro byo mu ruhame, ko ari umuntu wafashe nk\u2019umugisha ukomeye kuba yarakoze imirimo, ifite aho ihuriye n\u2019inganda z\u2019agasembuye, aho ngo yashoboraga kuba yakandikirwa nk\u2019amakaziye icyenda ku kwezi y\u2019ubusa! \u201cNdaje nkorane namwe mwa rubyiruko mwe, nimunanira nzisubirira muri BRALIRWA kwinywera byeri\u2026 Njye ubu umurimo w\u2019ubuministiri unaniye, sinahanyanyaza nakisubirira muri BRALIRWA kwinywera byeri\u2026\u201d <\/i>Imvugo nk\u2019izo n\u2019izindi zisa nkazo, ntiyatinyaga kuzivuga mu mbwirwaruhame, aho avuga nka Ministiri, akaba kandi umugabo ukunda gusengera cyane, yakwizihirwa agatebya, agatera inzenya imbavu z\u2019abataramanye nawe zikahabonera akaga! Ubwo yashinjwaga ubusinzi mu birori bya Miss Rwanda 2015, ni umutego wari wateguwe neza cyane, n\u2019abanzi be bamurwanyaga; maze bamugusha mu ikosa rya \u201cprotocole\u201d,<\/em> ryo guha ikaze umushyitsi mukuru (Madame Jeannette KAGAME) ngo atange imbwirwaruhame mu gihe nyacyo, iby\u2019uyu mutego nabyo twabisanga mu nkuru ya The Rwandan<\/a><\/p>\n -Kudabagira muri \u201cbusiness\u201d y\u2019amakaroni \u201cPasta Joe\u201d ikamuhombera.<\/em> <\/strong><\/p>\n Hariho na none abanenze HABINEZA ko ariwe wiyiciye business yari yatangiye y\u2019amakaroni, agira intege nke zo kwizera cyane, no gukorera mu bunyamwuga butamenyerewe mu Rwanda. Aha abavuze ibi babitewe n\u2019uko yakunze kugemura za \u201cAlimentation\/supermarket\u201d<\/em>, cyangwa se ayandi maduka aranguza ibyo kurya, akaza gufata kuri \u201cstore\u201d<\/em> ye ngo azishyure hanyuma, noneho bakamwambura, kandi ntagire n\u2019umwe akurikirana mu butabera. Ibi akabigira mu gihe \u201cinyemezabuguzi yo kuzishyura nyuma\u201d<\/em> kuri sosiyete mufitanye amasezerano yo gukwirakwiriza ibicuruzwa, iyo itishyuwe ari ikimenyetso gihagije mu rubanza rw\u2019ubucuruzi. Ariko icyo birengagije ni uko mu Rwanda rw\u2019Inkotanyi, iyo \u201cbusiness\u201d<\/em> yawe itifuzwa hagamije ko ibangamiye izindi z\u2019ibikomerezwa biri ku ibere ry\u2019ingoma, cyangwa se hagamijwe kwibasira nyirayo ugomba kubuzwa amajyo n\u2019ingoma, ntacyo wakora na gito ngo kigende, kubera ko utegwa imitego yo kuguhombya mu buryo wakoramo ubwo ari bwo bwose. Mu iby\u2019ukuri \u201cbusiness\u201d<\/em> ya za \u201calimentation\/supermarket\u201d<\/em> ikorera mu muco wo kugemura, no kujya gusarura ayacurujwe yakuweho inyungu y\u2019uwagucururije, haba hari ibyawe byanze kugurwa cyangwa byarengeje igihe, ukabisubizwa uko byakabaye. Ibyabaye kuri HABINEZA rero, ni uko yanyazwe n\u2019abacuruzi banini bamenyereye uwo muco, ku bw\u2019akagambane yakorewe na FPR-Inkotanyi, yamuciye hasi muri abo bacuruzi; maze yamara kubirabukwa agacika intege, aterera iyo, na cyane ko yari yibutse ingata amenye! Akihitiramo guteza ubwega ko yambuwe mu biganiro n’itangazamakuru.<\/p>\n -Kudatanga umusaruro nk\u2019icyaha RADIANT yamwirukaniyeho umwaka ushize.<\/em><\/strong><\/p>\n HABINEZA ukunda kwegerwa n\u2019Itangazamakuru, yewe n\u2019iryo mu nzego ziciriritse ntagire uwo asubiza inyuma, na cyane ko igitangaje mu buzima bwe yitaba abantu bose bamwakuye; yumvikanye mu bitangazamakuru yemera ukwirukanwa kwe muri \u201cRADIANT\u201d kandi ahamya ko nta mugabo udakosa, kuba yarabuze umusaruro yari yitezweho, abyemera kandi akaba akataje kureba ibijya mbere. Nyamara icyo yazize (kuziga) ntagishyire ku karubanda kandi akizi neza, ni uko umushinga we w\u2019\u201dUbwishingizi buciriritse\/Micro-Insurance\u201d<\/em> wakomwe mu nkokora n\u2019undi wahise ko ushyirwa imbere na Leta wa \u201cEjo Heza\u201d<\/em> usa neza nk\u2019intobo n\u2019uwa HABINEZA wa \u201cRadiant yacu\u201d<\/em> wakoreraga mu Ikigo cy\u2019Ubwishingizi cya RADIANT, nk\u2019uko mu kiganiro \u201dIbyakozwe n\u2019Intumwa\u201d cy\u2019Umuryango TV<\/a> \u00a0 guhera ku monota wa 45\u201945\u2019\u2019 kugeza ku wa 52\u201945\u2019\u2019 babivuye imuzi! Na none kandi muri iki kiganiro\u00a0ku munota wa 54\u201925\u2019\u2019 kugeza ku wa 57\u201900\u2019\u2019, HABINEZA yigeze kwivugira ko yitegereje, agasanga buri munyarwanda wese aranganwa impamyabushobozi z\u2019ikirenga (Phd) ebyiri : iya mbere ikaba \u201cmutsindagire hasi\/push him\/her down\u201d<\/em>, mu gihe iya kabiri ari \u201cmugarure hasi\/pull him\/her down\u201d<\/em>!<\/p>\n HABINEZA nk\u2019umuyobozi wo hejuru w\u2019umuhutu wifitiye icyizere, mu gihugu cy\u2019abayobozi bo hejuru b\u2019Abahutu basabitswe n\u2019ipfunwe no guhakirizwa!<\/b><\/p>\n HABINEZA ni umwe mu bahutu bakoranye n\u2019Inkotanyi, zimureheje nk\u2019uko zabigiriye n\u2019abandi. Icyakora umwihariko we ukaba ari uko mu mvugo ze yajyaga yumvikana mu ruhame mu mbwirwaruhame cyangwa mu biganiro nka Ministri; yigamba ko akazi bamuhamagariye nikamunanira, azisubirira muri\u00a0 <\/span>BRALIRWA kwinywera byeri! Iyo imvugo ubwayo irahimbye, kandi ku muntu uzi imico y\u2019Inkotanyi ntiyavugwa n\u2019umuntu utigirira icyizere! Muri make yari azi ko ibyo yahamagariwe byanze yakisubirira mu bindi, kandi ubuzima bugakomeza!<\/p>\n Ministri HABINEZA yanagaragaje imyitwarire yo kudatinya abahutu bagenzi be, ngo abagendere kure kugira ngo akunde arebwe neza n\u2019Inkotanyi; nk\u2019uko ari imwe mu ndwara y\u2019abahutu bafite imyanya ikomeye muri FPR. Aba bakunze kwirinda gusabana n\u2019inshuti n\u2019abavandimwe babo, ahubwo ugasanga bihatira gushaka inshuti nshya n\u2019abavandimwe b\u2019abatsindirano bashya mu bwoko bw\u2019abatutsi, mu rwego rwo kwigaragaza neza. Aba kandi barangwa n\u2019ipfunwe ryo kwitabira amakwe n\u2019indi mihango yabereye iwabo, ugasanga badashaka no gutabarwa igihe bagize ibyago ngo batajya ku ivuko na bagenzi babo, mu ipfunwe ry\u2019uko bari busange bakomoka mu miryango ikennye, kandi y\u2019ubwoko bugaragara nk\u2019ubucagase mu myumvire ya gikotanyi.<\/p>\n HABINEZA kandi yashoboye kwemeza FPR, ko atagomba kuba mu ishyaka kubera ko bitari mu myumvire ye kandi abigeraho. Ibyo nabyo ni ubutwari bukomeye no kwigirira icyizere, kumvisha Inkotanyi ko FPR ari ishyaka nk\u2019ayandi, atari umuryango w\u2019Abanyarwanda nk\u2019uko bayobya uburari, bashaka guhatira Umunyarwanda wese kuba mu muryango umwe rukumbi w\u2019Abanyarwanda, ari wo FPR-Inkotanyi. Kuba yarinjiye mu butegetsi bw\u2019Inkotanyi, asanzwe aziranye kandi ari inshuti y\u2019Inkotanyi z\u2019ibanze, zirimo Prezida KAGAME n\u2019abawofisiye bamenyaniye ku Murindi barimo ba Gen Jean Bosco Kazura n’abandi.., ubwo yajyagayo nk\u2019uko twabivuze haruguru, byatumaga abamwanga bamuca hasi bakamugambanira bamutinya. Icyakora icyo kuba yari atinyitse imbere y\u2019inkotanyi ziciriritse zamucuriraga amatiku, byatumaga na none agira ibyago byo kutabasha kugira akanunu ku banzi be, kubera ko ntaho babaga basekuraniye imitwe, ngo bamusuzugure, bamwibasire cyangwa bamuteshe agaciro uko biboneye nk’uko babikorera abandi.<\/p>\n \u00a0<\/span>HABINEZA atabarutse ku rupfu rukemangwaho byinshi, mu Rwanda rudahwema kwihekura!<\/b><\/p>\n Habineza ni umuhutu wagize ibyago byagize abahutu bashobora kubarirwa ku ntoki z\u2019ikiganza kimwe, byo kwegerana n\u2019umuryango w\u2019umukuru w\u2019igihugu Paul KAGAME! Ni umuntu wisanzuye mu rugo rw\u2019umukuru w\u2019igihugu aharebera imipira<\/a>, n\u2019abana b\u2019umukuru w\u2019igihugu baramumenyera cyane, kugeza ubwo umwe muri bo yajyaga ajya no kumusura muri Nigeria, aho HABINEZA yabaga ari ambasaderi, atakiri Ministiri! Ni umwe mu bahutu bake, bashobora kuba baraherekeje abo mu rugo rw\u2019umukuru w\u2019igihugu, mu nzinduko zihariye bwite (nk\u2019iz\u2019ubushabitsi, ikiruhuko cyangwa se imbonezamubano) zitari iz\u2019akazi ka Leta.\u00a0<\/span><\/p>\n HABINEZA kandi ashobora yari yarinjijwe mu mikino y\u2019ubusahuzi bw\u2019umutungo w\u2019igihugu, ashakira indonke amasosiyete urugo rw\u2019umukuru w\u2019igihugu rufitemo imigabane, binyuriye mu mishinga ya Leta! Imishinga nk\u2019iya Miss RWANDA, kuzana ibihangange by\u2019abahanzi n\u2019abakinnyi b\u2019ibihangange mu gihugu, amaserukiramuco n\u2019iyindi mishinga ikusanya inkunga z\u2019amasosiyete manini yo mu gihugu, iz\u2019imiryango mpuzamahanga itagengwa na Leta, iya za Guverinoma cyangwa ambasade z\u2019ibihugu bibanye n\u2019u Rwanda; itanga amasoko ku masosiyete ashinzwe gushyira mu bikorwa imishinga nk\u2019iyo (event organizer\/protocol\/public relations companies), kandi ayo masosiyete akaba azwiho kuba ari aya Madamu Jeannette KAGAME, n\u2019ubwo aba yanditse ku bandi bantu! Muri kwa kurundanya zirya nkunga, gutegeka amasosiyete manini y\u2019ubucuruzi uko agomba kwitabira gutera inkunga\u2026;amasosiyete yashyize mu bikorwa iyo mishinga akiba agatubutse!<\/p>\n Ibya FPR-Inkotanyi byenda kumera nk\u2019iby\u2019abemerera muri Biblia, aho bavuga ko uwamenye byinshi azabazwa byinshi. Iyo ukoranye n\u2019Inkotanyi, ukagira ibyago byo kwinjizwa mu mikino yabo ya za \u201cmafia\u201d,<\/em> maze bwacya ugatangizwa inzira yo kumanurwa, no kuribwa n\u2019ingoma, hatangira kutizera ko uzaba umugumyabanga mu inzira y\u2019umusaraba uba utangiye. Bikaba ngombwa ko ucishwa iy\u2019ubusamo, ngo ujye kubikanwa n\u2019amabanga y\u2019ingoma mu nda y\u2019isi! Aha niho duhera tuvuga ko, uretse ibyasakujwe ko Nyakwigendera yahitanywe n\u2019indwara y\u2019igisukari, bitaba bikabije gukeka ko yaba ari ya mikino y\u2019\u201dutuzi\u201d, yaba yarakoreshejwe mu kwikiza HABINEZA, na cyane ko imishinga ye agira hanze y\u2019igihugu, nko muri za Nigeria, hari aho yari akigomba guhurira n\u2019abambari b\u2019ingoma bakiyinambyeho, kandi imico n\u2019imiterere ye yaramuhaga intege nke zo kutabasha kubirinda. Na none urebye ibiganiro HABINEZA yagiranye n\u2019Itangazamakuru, n\u2019amagambo yakunze gutangaza kuri ku rukuta rwe rwa \u201cTwitter\u201d mu myaka ya vuba aha, ntiwahamya ko Inkotanyi zitaba zaramwizeho muri rya hame ryazo ry\u2019uko \u201cAho guhusha (gupfubirwa n\u2019umugambi wo kwica) inshuti ukekaho ko iri mu nzira yo kukubera umwanzi, byarutwa no kwikora mu nda wica inshuti yari ikikubereye inkoramutima!<\/i>\u201d<\/p>\n HABINEZA asigiye somo ki Abanyarwanda bashukishwa ubuhendabana n\u2019Inkotanyi, bakica imihamagaro y\u2019akazi (carri\u00e8res\/careers) bari bamaze kubaka neza, ngo bagiye gutanga umusanzu wo kubaka igihugu, maze nyuma zabahinduka ntibagire igaruriro?<\/b><\/p>\n Joseph HABINEZA ahamagarwa kujya kuba Ministre muw\u20192004, yari umuntu ukorana na Sosiyete imwe mu iz\u2019ibihangange ku isi ya Heineken; yarizewe kandi azwiho ibigwi byiza, nk\u2019umutekinisiye ukurira ishami ry\u2019ikoranabuhanga, mu bushabitsi bwa Heineken mu gihugu cy\u2019igihangange muri Afrika nka Nigeria. Aho yari wa mugabo wamaze kubaka izina mu muhamagaro w\u2019akazi ke, ari ku rwego rwiza, rumugenera ibyiza byose yifuza! Akimara kujya muri politiki y\u2019Inkotanyi zifite uko zizwi mu \u201camanyanga\u201d, \u201citekenika\u201d, kubeshya, kuroga, gusahura\u2026 yahise yononekara anatakarizwa icyizere, ku buryo ubu kongera kubona umukoresha nka Heineken mu kazi ka tekiniki bitajyaga kongera gushoboka. Byongeye kandi politiki iramugaza igasaba gukoresha ubugenge n\u2019amayeri (l\u2019art de mentir); mu gihe tekiniki yo isaba kwibamo (focus) mu kazi, gushakashaka, gukuza ubumenyi ubugeza aho isi igeze\u2026 Aha niho bihera umuntu wabaye muri politiki avuye muri tekiniki; bimugora kuba umunyamusaruro iyo asubiye muri tekiniki. Aba yararemaye !<\/p>\n Muri politiki y\u2019inkotanyi nk\u2019uko twabikomojeho mbere, HABINEZA yambitswe isura y\u2019ubusambanyi, y\u2019ubusinzi, y\u2019ubuswa muri \u201cbusiness\u201d, no gukora imishinga idashinga (radiant). Ibi ubwabyo byamusubije inyuma mu ukwigirira icyizere, ari nayo mpamvu ibiganiro bye n\u2019ibitangazamakuru ndetse n\u2019ibyo yandikaga ku rukuta rwe rwa Twitter, muri ino minsi, byumvikanagamo amaganya no kutizera isi n\u2019abantu bayo!\u00a0<\/span><\/p>\n Hari abareshywa n\u2019Inkotanyi guta ibyo bari barimo bakaza gukorana nazo, n\u2019ubundi bariraga ku mpembyi, ingo zari zibananiye kandi zibaruhije, bafite ubushomeri cyangwa imirimo itabakwiriye\u2026 Hari koko abajyayo ari amaburakindi! Ariko iyo isura yabo imaze guhindanywa n\u2019inkotanyi, usanga barahungiye ubwayi mu kigunda. Abo abo wenda wapfa kubumva, n\u2019ubwo hagati y\u2019ibibi bibiri ubundi wagahisemo icyoroheje! Abo rero HABINEZA sibo yarimwo, ubwo yareshywaga n\u2019Inkotanyi mu wa 2004.<\/p>\n Icyo twarangirizaho ni uko mu mikorere y\u2019Inkotanyi, ari abahizi b\u2019akamiya, ku buryo iyo ugafite bakora uko bashoboye bakaguhuza, bakakagukuraho mu buryo bw\u2019ubwenge. Kaba ako wari usanganywe cyangwa ako baguhembeye ibyo wabakoreye, bakora uko bashoboye bakaba bagafiteho akaboko. Ibi si amagambo, kubera ko uyu mukino umaze no kugaragara no ku Abanyamahanga babeshywa kuza gushora mu Rwanda, bagahombeshwa, bagasubira iwabo bibashobeye ari ba nyakujya, baragiye mu rwa Gasabo ari abaherwe b\u2019Abashoramali. Mu gihombo HABINEZA yatewe n\u2019Inkotanyi, ntihabuzemo n\u2019uburyo bwe bw\u2019amafranga, yaba yarashoye mu kugura imigabane mu mishinga y\u2019ishoramari ya FPR, yo kubyara inyungu mu gihe kirekire, ishashagirana nyamara ari ubusahuzi no gucuruza amadeni, kuri banki za KAGAME nka Bank of Kigali, batishingiye ko imishinga agurijwe izahomba, bipfa kuba gusa Banki itazabura ayayo yose n\u2019inyungu ayagombwa. Agapfa kaburiwe ni impongo!<\/p>\n Uretse ibyatangajwe ku mbuga nkoranyambaga bigaragaza akababaro no gukundwa byagaragajwe n’abantu batandukanye b’ingeri zose, b’amoko yose, baba ari abashyigikiye ubutegetsi cyangwa ababurwanya, umunyamakuru akaba n’umusesenguzi, Robert Mugabe mu kiganiro yagiranye n’ikinyamakuru Ukwezi<\/a>\u00a0we yamugereranyije n’Umwami Mutara III Rudahigwa avuga ko bombi bakunzwe n’abanyarwanda bose, ko nta bandi banyarwanda bageze kuri uru rwego rwo gukundwa n’ingeri zose z’abanyarwanda!<\/p>\n Ambasaderi Joseph HABINEZA, warangije urugendo rwawe kuri iyi si, Imana ikomeze iguhe iruhuko ridashira, wari inshuti ya bose nk\u2019uko Umuhanzi Jean Paul SAMPUTU atabisobwe mu karirimbo yagutuye kumvikanira kuri uyu muyoboro<\/p>\n