Yanditswe na\u00a0Albert MUSHABIZI<\/b><\/p>\n
U Rwanda\u00a0 <\/span>rumaze kumenyerwa, mu bucuruzi bw\u2019abantu bwambitswe isura y\u2019ubutabazi; bwo mu isi ya none! Ubucuruzi bw\u2019abantu buhwanye no kubateza akaga, ku nyungu runaka; maze amakuba akabagwirira abagwabiza, mu gihe abayihishe inyuma bo, bayabaramo igishoro kizababyarira inyungu y\u2019umurengera mu gihe kiriho cyangwa se cy\u2019ahazaza! Kuva ku mpunzi z\u2019Abanyekongo mu ntambara 2 zayogoje Kongo kuva mu mwaka w\u20191996. Yewe ndetse n\u2019impunzi\u00a0 <\/span>z\u2019Abarundi kuva mu igeragezwa ryo guhirika ubutegetsi bwa Prezida NKURUNZIZA mu w\u20192015. Izi zose u Rwanda rukaba rwarazifasheho ingwate zo n\u2019inyeshyamba zo guhungabanya ibihugu byombi. Izi mpunzi z\u2019ibihugu byombi zikaba na \u201cp\u00e9pini\u00e8res\u201d<\/em> zo gusaruramo abasore bo gushora mu ntambara zidashinga ibyerekezo\u2026\u00a0<\/span><\/p>\n Twongera kubona na none Inkotanyi mu bushabitsi na Israheli, rurwanira abimukira birukanwaga muri icyo gihugu, ku kamiya gashyushye kandi gafatika. Inkotanyi na none zitsindira ikiraka cyo kwimurirwamo abimukira bari barakwamiye muri Libiya. Mu minsi ishize naho, twumva u Rwanda mu bushabitsi na Denmark, mu kwimurirwamo abasaba ubuhungiro muri icyo gihugu batifuzwayo, ngo bajye batunganyiririzwa amadosiye yabo yaka ubuhunzi bwa burundu, bakambitse iyo gihera mu rw\u2019Imisozi igihumbi\u2026 None ubu icyashara gishyushye ni icy\u2019impunzi ziva muri Afganistan.<\/p>\n Impunzi zihunga ubutegetsi bushya bw\u2019Abatalibani ni bande, kandi se kuki bari imari ishyushye kuri Leta y\u2019Inkotanyi!?<\/b><\/p>\n Leta y’Amerika yari itangiye kwitarura u Rwanda mu myaka ya vuba aha, yararurekeye kwivurugutana n\u2019umukomisiyoneri wayo, ariwo u Bufransa! Nyuma y\u2019aho iki gihugu gitangiye guhindura umukino wacyo mu bihugu by\u2019abarabu, aho cyari cyarigize umupolisi ku gatuza; cyaje kwibona gisiga abambari bagifashije umukino mu kangaratete, mu ntangiriro z\u2019uku kwezi. Ibyo ni aho igihugu cya Afganistan cyongeye kwigarurirwa n\u2019Abatalibani bahoze kera ari abambari ba US, bakaza kudacana uwaka, kubera impamvu zo kudahamya neza mu nyungu zacyo (US).<\/p>\n US cyiyumvishije ko gifite inshingano kuri abo bambari bacyo b\u2019abafugani, biganjemo abanyapolitiki, abasirikari, abakozi ba Leta n\u2019imiryango yafashaga US n\u2019ibihugu byari bigiteye ingabo mu bitugu, kwigarurira igihugu cya Afganistan, mu bukoloni bw\u2019indi sura, y\u2019igihe cya none. Abo bambari bakaba baratunguwe no gufata Leta kw\u2019Abataliban badacana uwaka, bakadagadwa bakeka ko batabacira akari urutega<\/a>. Prezida Joe BIDEN yarahiye ko kuba Abatalibani bigaruriye Afghanistan mu gihe gito kandi gitunguranye, bitahindura umugambi wabo wo kugisohokamo, ko ibyago bahagiriye bihagije ubutongera kwijandikayo, ko cyakora bazafasha mu guhungisha abafitiye impungenge ku mutekano wabo ku ngoma nshya, bahanganye igihe kitari gito. Gusa kubera ko amategeko agenga abimukira yasize adadiwe n\u2019ingoma ya Donald TRUMP; US bikaba bigomba kugisaba gushaka ababa bacyakiriye izo mpunzi, ngo bakiranuke n\u2019ayo mategeko, mbere y\u2019uko bajya kubatuza iyo muri Amerika! Nguko uko US cyegereye Inkotanyi mu bihugu 13 kuri iyo \u201cdeal\u201d ishyushye; nazo ntizazuyaza na cyane ko zitajya zishidikanya kuri \u201cdeal\u201d yinjiza akamiya uko yaba kose, kubera ko mu myumvire yazo, ingaruka zihonda rubanda giseseka, zinjije agatubutse gashiririra mu mifuko y\u2019ibikomerezwa, si izo kuraza ishinga!<\/p>\n Kugeza ubu ubutegetsi bushya bw\u2019Abatalibani bwo, bukaba butiyumvisha impamvu abahoze ari abategetsi n\u2019abakorana na US bakomeje kubahunga; kandi barashyizeho imbabazi rusange. Aba rero bahunga bakaba ari ba bandi n\u2019ubundi batigeze bashyira umutima hamwe, ubwo US cyatangiraga imishyikirano n\u2019Abatalibani, kigasinya amasezerano y\u2019amahoro Prezida Donald TRUMP yashyiriyeho umukono i Doha muri Quatar muri Gashyantare 2020. Uko kudashyira umutima hamwe, bisobanuye ko n\u2019ubwo Abatalibani bafashe igihugu byihuse mu buryo butunguranye; n\u2019ubundi benshi mu Abafugani bafatanyije n\u2019Abanyamerika kubarwanya, ndetse abandi bakabakorera, batari bashyize ibirenge hasi. Aba bose bari biteze ko ibintu bishobora kuzaba bibi, na cyane ko bari bazi neza mu mitima yabo, ko US gishaka kuzibukira k\u2019ubwo kunanirwa no kubona ko kigumye mu ntambara n\u2019Abatalibani, yazaba iy\u2019iteka! Hari n\u2019abatashiraga amakenga US ko cyaba gifite icyo kiyubikije, mu masezerano y\u2019ibanga yihishe inyuma y\u2019ayatangajwe mu mpapuro, ahari wenda kikaba gishaka ko zihindura imirishyo, ngo kikoranire bya rwihishwa n\u2019Abatalibani berekanye ko ari abatagwabira!<\/p>\n Aba tubona bahunga Afganistan mu minsi ya none, bakoreye agatubutse, intambara yayogozaga abandi bo ibabera umugisha, wo kuzamura imibereho no kwikungahaza mu mishahara myiza, no gusahura igihugu kiyobowe mu kavuyo; bafata umwanya wo kuzigama umutungo wabo mu buryo bwizewe busabagiye nko muri za \u201ccryptocurrencies\u201d, abandi basumbuyeho ubushobozi bashora mu masosiyete yo hanze y\u2019igihugu imigabane ibungukira, abarengeje aho batangiza amasosiyete mu bihugu bifite umudendezo, yo kubungabunga no gutubura ubutunzi bwabo. Aba Inkotanyi ziteze kwakira na yombi, si rubanda giseseka ruhunga amasasu, ni amakombe y\u2019abagaga, ni abategetsi, ni abawofisiye bakoze \u201cikofi\u201d aka ya mvugo yateye, ni abahanga bari aba \u201ccadres\u201d muri za NGOs, aba \u201cagents\u201d bafashaga ba mpatsibihugu kuyogoza igihugu cyabo\u2026<\/p>\n \u00a0<\/span>Aba barimo bahunga kandi bafite ubunararibonye mu ibigendanye n\u2019Iterabwoba, ya turufu irishwa n\u2019Inkotanyi mu minsi ya none. Twibutse ko abafite aho bahurira n\u2019Iterabwoba, bakunze kuba abanywanyi b\u2019Inkotanyi, ugasanga abanzwe mu bihugu runaka, Inkotanyi zo zibakirana yombi, bakaza bagafatanya ubushabatsi muri iyi ngeri nshya y\u2019ubushabitsi idasobanukiwe na benshi, naho ibindi bihugu biyoborwa n\u2019abagaragu ba rubanda, bikayitinya nk\u2019ingeri y\u2019ubushabitsi bw\u2019umwanda, bwazakururira ibihugu byabo ingaruka mbi cyane, zitaguranwa amagana y\u2019ibihe biriho! Aba barimo bahunga, kandi\u00a0 <\/span>bakunze kurangwamo abakora ubushabitsi butemewe mu ruhando mpuzamahanga, burimo ubucuruza abantu, amahembe y\u2019inzovu, amabuye y\u2019agaciro avamo intwaro za kirimbuzi, ikwirakwiza ry\u2019intwaro, intwaro, imitungo kamere yibwa mu bihugu by\u2019Afrika birimo intambara cyangwa biyobowe n\u2019ubutegetsi bw\u2019abajura\u2026<\/p>\n Inyungu z\u2019Inkotanyi se zaba zitsitse he muri iyi \u201cdeal\u201d?<\/b><\/p>\n Iyi \u201cdeal\u201d hari akantu ije kongera mu mubano wa US n\u2019u Rwanda utari umeze neza; n\u2019ubwo bwose bitavuze ko hari iby\u2019ikirenga cyane. Gusa ibi Inkotanyi ntibizabuza umusaruro zibibyaza, nko kwigira \u201cbajeyi\u201d, nka birya tuzimenyereyeho ngo niba mutwangiye ibi, natwe turava aho twacungaga amahoro! Nta gitangaje wumvise mu bihe biza zirimo ziraza i Nyanza, ngo niba ibi n\u2019ibi byanzwe, za mpunzi za Afganistan babikiye US barebe ahandi bazerekeza, mu gihe ibihugu byinshi bizitinya nk\u2019agapfunyika ka kabutindi! Icyakora ubusanzwe mu bindi bihugu, ubushabitsi bw\u2019impunzi ni umusanzu uboneka mu iterambere nk\u2019uko tubyisomera ku rubuga rwa observer.ug<\/a>\u00a0no ku rubuga rwa BBC.com<\/a>.\u00a0<\/span><\/p>\n Inyungu z\u2019Inkotanyi na none ukwinjiza agatubutse, ko gucumbikira aba bantu, badasanzwe. N\u2019ubwo iyo ushyize amagambo akomatanye ya \u201chotel\u201d na \u201cRwanda\u201d, muri moteri y\u2019ubushakiro bw\u2019ingingo ya \u201cgoogle\u201d, wahita wibonera inkuru z\u2019\u201dintwari ya filimu \u2018Hotel Rwanda\u2019\u201d, icunagurizwa mu nkiko z\u2019ubutabera macuri mu Rwanda; mu gihugu cya Uganda mu minsi ya none ho si uko!\u00a0 <\/span>Wahita wisomera nk\u2019aha<\/a>\u00a0,\u00a0ko izi mpunzi zizatuzwa mu mahoteri y\u2019inyenyeri eshanu<\/a>, aho buri umwe agendaho ku buryamo bwa buri munsi amadolari y\u2019Amerika ari hagati ya 200 na 500, washyiraho ibindi akenera ku munsi, ugasanga aratakazwaho akabakaba cyangwa arengaho ku madolari y\u2019Amerika 1000 ku munsi! Aya yose akaba agomba kwishyurwa na US, ku bwumvikane n\u2019Ishami ry\u2019Umuryango w\u2019Abibumbye ryita ku mpunzi!\u00a0<\/span><\/p>\n Aha ntidushyizeho izindi nyungu zo muri \u201clogistics\u201d harimo kuzivuza, kuzitembereza, ingendo, umutekano, abasemuzi, abaguides, abarimu n\u2019ibindi bigenerwa impunzi zo kuri uru rwego\u2026. Izi nyungu ntizari mbi ku gihugu nk\u2019u Rwanda, nyamara iyo wibutse ba nyir\u2019amahoteri azahabwa iki kiraka ari abantu bamwe kandi babarirwa ku ntoki, maze n\u2019imisoro ibakomotseho, ikagirira akamaro abahawe umugisha wo gukama ku byiza by\u2019igihugu babarirwa ku mubare wa ntawo, usanga nta nyungu kuri rubanda giseseka!<\/p>\n Nk\u2019uko twabivuze haruguru izi si impunzi zisanzwe, ni abaherwe n\u2019abari bakomeye mu gihugu, bazakenera \u201cservisi\u201d nyinshi mu gihugu zirimo amashuri, imyidagaduro mu bibuga n\u2019amahoteli ahenze, ibibanza byo gukoreramo business, kubaka amazu ya business, ishoramali aho bahungiye\u2026 Nk\u2019uko twabivuze na none inyungu za Leta y\u2019Inkotanyi, zikazaba umurengera hagezweho bwa \u201cUbushabitsi bwo mu mwijima\u201d bumenyerewe n\u2019abantu bo mu bihugu byagize ibibazo nka biriya, birimo iterabwoba, intambara, umutungo kamere mujurano, ibiyobyabwenge, icuruzabantu (abacakara b\u2019imirimo n\u2019ab\u2019igitsina), icuruza ry\u2019imyanya y\u2019abantu bishwe ku mpanuka ziteguwe (accidents scientifiques)\u2026 Ubucuruzi nk\u2019ubu bukaba busanzwe buryohera Leta y\u2019Inkotanyi, igiye kubona abafatanyabikorwa n\u2019abashoramali beza!<\/p>\n