{"id":42934,"date":"2021-09-01T03:48:39","date_gmt":"2021-09-01T01:48:39","guid":{"rendered":"https:\/\/www.therwandan.com\/ki\/?p=42934"},"modified":"2021-09-01T10:42:39","modified_gmt":"2021-09-01T08:42:39","slug":"minisiteri-yubumwe-ihawe-umututsi-wungirijwe-numuhutukazi","status":"publish","type":"post","link":"https:\/\/www.therwandan.com\/ki\/minisiteri-yubumwe-ihawe-umututsi-wungirijwe-numuhutukazi\/","title":{"rendered":"Minisiteri y\u2019Ubumwe ihawe Umututsi wungirijwe n\u2019umuhutukazi"},"content":{"rendered":"

Yanditswe na Frank Steven Ruta<\/strong><\/p>\n

Ku mugoroba wo kuri uyu wa 31 Kanama 2021 Minisitiri w\u2019Intebe w\u2019u Rwanda atangaje impinduka nshya, aho Minisitiri w\u2019Ubutabera Busignye Johnson yakuwe kuri uwo mwanya, naho Minisiteri nshya y\u2019ubumwe bw\u2019Abanyarwanda\u00a0 <\/span>n\u2019inshingano mboneragihugu ihabwa Jean Damascene Bizimana umaze igihe kirambuye ayobora CNLG.<\/p>\n

Iyi\u00a0 <\/span>Minisiteri\u00a0 <\/span>y\u2018Ubumwe bw\u2019Abanywaranda n\u2019inshingano Mboneragihugu yakusanyijweho ibitekerezo byinshi mu ngeri zinyuranye z\u2019Abanyarwanda, ariko nubwo benshi bagaragaje ko idakenewe kuko\u00a0 <\/span>ngo nta kibazo gifite umwihariko udasanzwe yaba ije gukemura kidasanzwe gifite izindi nzego zigishinzwe.<\/p>\n

Nubwo bimeze bityo,\u00a0 <\/span>ibipimo by\u2019igipindi u Rwanda rutangaza buri mwaka bigaragaza ko ngo ubumwe n\u2019ubwuyunge mu Banyarwanda buhora buri ku gipimo cyo hejuru ya 94%. Nyamara wareba uburyo imirimo itangwa hashingiwe ku ivanguramoko, imyanya mu mashuri, mu gisirikare, mu nzego zose z\u2019umutekano n\u2019iz\u2019ubutegetsi, ubuyobozi mu madini bwihariwe n\u2019ubwoko bumwe, ubukwe buhora buhagarara cyangwa ingo zigasenyuka bitewe n\u2019ivanguramoko, kimwe n\u2019imyiryane ihoraho mu Banyarwanda ifatiye ku irondakoko, ibi byose bigaragaza ko ubumwe bw\u2019Abanyarwanda buri hasi cyane y\u2019uko bwahoze mu myaka isaga mirongo itatu ishize,\u00a0 <\/span>naho ubwiyunge bwo bukaba buri hasi cyane kurushaho.<\/p>\n

Iyi Minisiteri rero yakagize inshingano zo kuzahura ibi bibazo byose birondowe hejuru, ihawe umuhezanguni Dr Jean Damasc\u00e8ne Bizimana umaze imyaka itandatu ayobora Komisiyo y\u2019igihugu yo kurwanya Jenoside CNLG. \u00a0<\/span><\/p>\n

Uyu mugabo Dr Jean Damasc\u00e8ne Bizimana\u00a0 <\/span>azwiho kutihanganira abo batumva ibintu kimwe, azwiho guheza inguni mu kuzira no kwigizayo abo mu bwoko bw\u2019Abahutu, ubushakashatsi atangaza yagiye akora ku Rwanda cyangwa se akabuhagararira, hafi ya bwose bugaruka ku gupfobya Abanyarwanda bo muri ubu bwoko, akabagaragaza nka ba Ntabwenge, indakoreka, intayoboka, intagondwa,\u00a0 <\/span>cyangwa se abantu badafiite icyerekezo. No mu mbwirwaruhame ze arabannyega akabavumira ku gahera.<\/p>\n

Dr Jean Damasc\u00e8ne Bizimana candi azwi kukutihanganira abatutsi barokotse Genocide batavuga rumwe na FPR ku buryo adatinya kubafata nk’abagambanyi cyangwa abatakaje ubucikacumu bwabo.<\/p>\n

Dr Bizimana n’ubwo yigeze kuba mu bihayimana ba Kiliziya Gaturika ariko yagiye agaragaza kenshi ikintu kimeze nko gushyira FPR hejuru y’Imana nk’aho mu mbwirwaruhame yigeze gusaba bamwe mu barokotse kutavuga ko barokowe n’Imana ahubwo ngo bakajya bavuga ko barokowe na FPR gusa!<\/p>\n

Kuvuga amoko tweruye muri iyi nkuru zi ukubiba urwango cyangwa kuyabagarira, ahubwo ni ukuvuga ibintu uko biri, kuko iyi Minisiteri ntiyari kubaho iyo hatabaho aya moko.\u00a0 <\/span>Dr Jean Damasc\u00e8ne Bizimana uhawe Minisiteri y\u2019Ubumwe bw\u2019Abanyarwanda n\u2019inshingano Mboneragihugu, ni Umututsi, akaba yahawe umwungiriza w\u2019umuhutukazi Madamu Munezero Clarisse, umukobwa wa Mukezamfura Alfredi wahoze ari Perezida w\u2019inteko Ishinga amategeko mu Rwanda, mbere yo guhunga igihugu.<\/p>\n

Uyu Madamu\u00a0 <\/span>Clarisse Munezero wagizwe Umunyamabanga uhoraho muri Minisiteri y\u2019Ubumwe bw\u2019Abanyarwanda, asanzwe ari Umukozi w\u2019Ikigo gikorera mu kwaha kwa Minisiteri y\u2019Ubutabera y\u2019u Rwanda cyitwa Legal Aid Forum (LAF) aho yari ashinzwe amahugurwa n\u2019ubushakashatsi.<\/p>\n

\"pastedGraphic.png\"<\/p>\n

Madamu Munezero Clarisse<\/em><\/p>\n

Minisiteri y\u2019Ubumwe bw\u2019Abanyarwanda ishinzwe iki?<\/b><\/p>\n

Iyi Minisiteri nshya mu Rwanda niyo izahuriza hamwe ibikorwa bimwe na bimwe byari biri muri za Minisiteri zinyuranye, nka Komisiyo y\u2019igihugu y\u2019Ubumwe n\u2019Ubwiyunge yabarizwaga muri Minisiteri y\u2019Ubutegetsi bw\u2019igihugu.<\/p>\n

Iyi minisiteri\u00a0 <\/span>izaba inashinzwe kandi Itorero ry\u2019igihugu, ryari risanzwe ribarizwa muri Minisiteri y\u2019Umuco n\u2019urubyiruko.<\/p>\n

Iyi Minisiteri nshya ifite inshingano ziswe \u201cMboneragihugu\u201d zijyanye no gutoza intore amahame ngenderwaho ya FPR n\u2019imikorere yayo. Ibyahoze ari amahugurwa yitwaga ay\u2019itorero ry\u2019igihugu, ibyitwa uburere mboneragihugu (Civic Education \/ Education civique) byose bizashyirwa muri iyi Minisiteri nshya.<\/p>\n

ABANDI BAHAWE INSHINGANO<\/b><\/p>\n

Minisiteri y\u2019Ubutabera yatswe Businghye Johnson wahawe inshingano nshya zo guhagararira u Rwanda mu Bwongereza.<\/p>\n

Dr Fidele Ndahayo, ( Umugabo wa Minisitiri Dr Mujawamaliya Jeanne d\u2019Arc) yagizwe Umuyobozi w\u2019Ikigo cy\u2019Igihugu gishinzwe ingufu za Atomike. Ni ikigo kimaze igihe gito gishyizweho, cyagiweho impaka nyinshi ndetse Abadepite benshi bagaragaza ko u Rwanda rutagikeneye bagendeye ku bisobanuro byari byatanzwe n\u2019Abadepite b\u2019Ishyaka Rirengera ibidukikije (Green Party \/ DGPR). Nyamara byarangiye umushinga wacyo wemejwe mu buryo bw\u2019\u2019ubufindo, kuko Leta ya Kagame yari imaze kugirana amasezerano n’igihugu cy’u Burusiya ku bushakashatsi burimo ibihumanya.<\/p>\n

\"pastedGraphic_1.png\"<\/p>\n

Dr Fidele Ndahayo<\/strong><\/p>\n

Dr Ndahayo Fid\u00e8le wahawe kuyobora iki kigo asanzwe ari umwarimu ku rwego rwa Kaminuza, yigishije muri Kaminuza zinyuranye mu Rwanda, by\u2019umwihariko akaba yarabaye umuyobozi Mukuru wa Kaminuza UTAB y\u2019i Byumba (University of Technology and Arts of Byumba).<\/p>\n

Dr Thierry Mihigo Kalisa yagizwe ushinzwe ikurikiranabukungu (Chief Economist) muri Banki Nkuru y\u2019u Rwanda BNR, umwanya wari umaze amezi umunani udafite uwurimo, kuko awusimbuye Prof Kigabo Thomas watabarutse mu kwezi kwa mbere uyu mwaka wa 2021.<\/p>\n

Dr Thierry Mihigo Kalisa avuye muri Minisiteri y\u2019Imali n\u2019igenamigambi aho yari Umuyobozi Mukuru ushinzwe iby\u2019ubukungu.<\/p>\n

Itangazo rirambuye ry\u2019abashyizwe mu myanya<\/b><\/p>\n

\n

Itangazo riturutse mu Biro bya Minisitiri w'Intebe | Communiqu\u00e9 from the Office of the Prime Minister pic.twitter.com\/H4j8HDpIWi<\/a><\/p>\n

— Office of the PM | Rwanda (@PrimatureRwanda) August 31, 2021<\/a><\/p><\/blockquote>\n