{"id":42939,"date":"2021-09-02T11:32:01","date_gmt":"2021-09-02T09:32:01","guid":{"rendered":"https:\/\/www.therwandan.com\/ki\/?p=42939"},"modified":"2021-09-02T15:52:55","modified_gmt":"2021-09-02T13:52:55","slug":"umuhanzi-jay-polly-yapfuye-yiyahuye-cyangwa-hari-ikindi-yazize","status":"publish","type":"post","link":"https:\/\/www.therwandan.com\/ki\/umuhanzi-jay-polly-yapfuye-yiyahuye-cyangwa-hari-ikindi-yazize\/","title":{"rendered":"Umuhanzi Jay Polly yapfuye. Yiyahuye cyangwa hari ikindi yazize?\u00a0"},"content":{"rendered":"

Yanditswe na Frank Steven Ruta<\/strong><\/p>\n

Mu rukerera rwo kuri uyu wa kane tariki ya 02 Nzeli 2021 nibwo hatangiye kuvugwa inkuru y\u2019urupfu rwa Tuyishime Joshua, umuhanzi w\u2019Umunyarwanda wamenyekanye ku izina rya Jay Polly.<\/p>\n

Uyu muhanzi Jay Polly amaze amezi ane afunzwe ku minsi 30 y\u2019agateganyo mu rubanza akurikiranyweho icyaha cyo gukoresha ibiyobyabwenge. Yaherukaga kwitaba Urukiko ku munsi w\u2019ejo kuwa Gatatu tariki ya 01\/09\/2021, ariko ubujurire bwe ku nshuro ya kabiri bukaba bwaratewe utwatsi ku gufungurwa by\u2019agateganyo, ahubwo\u00a0<\/span>urukiko rugatangaza ko azatangira kuburana mu mizi kuwa 02 Ukuboza 2021.<\/p>\n

 <\/p>\n

\"\"<\/a>Ubwo Jay Polly yatabwaga muri yombi mu kwezi kwa Mata 2021<\/i><\/p>\n

Amakuru The Rwandan yabonye iyakuye mu bantu ba hafi b\u2019umuryango w\u2019uyu muhanzi, tukayahuza n\u2019andi twabonye mu ibanga ava muri gereza ya Kigali, aremeza ko Jay Polly koko yapfuye, amakuru tugikoraho iperereza ryimbitse avuga ko azize kuvangavanga ibinyobwa n\u2019imiti yica, akabinywa abisangiye na batatu\u00a0 <\/span>basangiye ibirego na dosiye.<\/p>\n

Abareganwa hamwe na Jay Polly mu rubanza rumwe ni murumuna \u00a0we Jean Cl\u00e9ment Iyamuremye, Shemusa Mutabonwa na Fid\u00e8le Hatunga Benedicto.<\/p>\n

 <\/p>\n

\"\"<\/a>Ifoto ya Jay Polly Mu rukiko. Yitabye kuwa 01\/09\/2021<\/i><\/p>\n

Icyateye urujijo ni uko abo basangiye batigeze baremba habe no kurwara, nyamara Jay Polly we akaba yahise atangira kubabara mu nda no gucibwamo, aruka cyane ibisa n\u2019amaraso, ajyanwa ku bitaro bya Muhima ari indembe.\u00a0<\/span><\/p>\n

Ubwo yageragayo bamuhaye imiti bamutera n\u2019inshinge, aroroherwa, asubizwa kuri gereza.\u00a0 <\/span>Nibwo yaje kongera kuremba, ubwo bamugaruraga ku bitaro bya Muhima, ntiyabashije kuhatinda, yahise ashiramo umwuka.<\/p>\n

Abavuga ko yaba yiyahuye ni abavuga ko yivangavangiye ibimuhitana, ariko hakaba n\u2019amakuru ataremezwa neza avuga ko byavangavanzwe n\u2019umwe mu bo bareganwa.<\/p>\n

Amakuru na none aturuka muri Gereza ya Nyarugenge iri i Mageragere mu Mujyi wa Kigali, ni ukuba Jay Polly ari umwe mu bantu bakubitwaga kenshi hariya muri gereza, muri gahunda y\u2019iyicarubozo yitwa iyo gusubiza ku murongo abigize ibihangange n\u2019abanyabwenge.<\/p>\n

Jay Polly washizemo umwuka ahagana saa kumi za mu gitondo, yari yagejejwe ku bitaro bya Muhima ku nshuro ya kabiri ahashyira i saa munani z\u2019ijoro.<\/p>\n

Urwego rw’igihugu rushinzwe imfungwa n’abagororwa rwasohoye itangazo:<\/p>\n

\"\"<\/a>Apfuye afite imyaka 33 asize umwana umwe. Ni umwe mu bahanzi \u00a0bazamuye cyane injyana ya RNB na RAP mu Rwanda.<\/p>\n