Rukara rwa Bishingwe ni mwene Bishingwe na Nyirakavumbi,yavukiye I Gahunga mu Ngoma y\u2019u Burera,kuri ubu ni mu Murenge wa Gahunga mu Karere ka Burera aho bakunze kwita \u201cGahunga k\u2019Abarashi\u201d.Rukara yabayeho ku ngoma ya Yuhi V Musinga, umwami waba yarategetse u Rwanda hagati y\u2019umwaka wa 1895 na 1931 hakurikijwe igenekereza ry\u2019urutonde rw\u2019Abami bategetse u Rwanda .<\/p>\n
Umuheto n’umwambi,indangamuco w’abarashi<\/strong><\/p>\n Amateka ya Rukara rwa Bishingwe abenshi bakunze kuyafata nk\u2019umugani cyangwa igitekerezo kandi yarabayeho.Uretse bamwe mu bakirigitananga-nyarwanda nka Sebatunzi bacuranze amateka ye, bamwe mu banditsi b\u2019amateka nabo bamwanditseho mu bitabo byabo kuko yabaye ikirangirire mu Rwanda. Rukara afite benshi bamukomokaho bari bafite igisingizo cy\u2019Ubutwari cy\u2019\u201dUmuryango w\u2019Abarashi\u201d, mu nzu y\u2019 Abarashi, benshi muri aba bakaba batuye mu Karere ka Burera mu murenge wa Gahunga ho mu ntara y\u2019amajyaruguru, aho bakunze kwita mu mu Gahunga k\u2019Abarashi.<\/p>\n Inzu y\u2019Abarashi ibarizwa mu bwoko bw\u2019Ababacyaba b\u2019Abarashi, bakomoka kuri Karashi ari we mukurambere wabo. Kwitwa Karashi byaba byaratewe n\u2019uko ngo uyu sekuruza yari umukogoto w\u2019umuheto (umuhanga mu kurashisha umuheto.) Karashi yavaga inda imwe n\u2019abandi bahungu barimo Kanaga ndetse na Karandura, imiryango yabo ikaba ifite inkomoko muri Ankole.Benshi mu Barashi babaye ibyamamare mu ngabo z\u2019i bwami ariko uwamamaye cyane ari Rukara rwa Bishingwe na Nyirakavumbi,wari ufite igisingizo kivuga\u201dNyirakavumbi nyina w\u2019Amavubi\u201d wari umutware w\u2019Abakemba, Uruyenzi, Abemeranzige n\u2019Urukandagira.Iyi yose uko ari ine, ikaba yari w\u2019imitwe y\u2019ingabo yariho ku ngoma ya Yuhi Musinga.Kubera ko yari Intwari y\u2019Icyamamare ,ingabo ze zari zaramuhaye izina rya \u201cRukara rw\u2019Igikundiro ,urwa Semukanya intahanabatatu ya Rutamu\u201d.<\/p>\n Intebe y\u2019ubutware bw\u2019 ingabo Rukara rw\u2019igikundiro, urwa Semukanya intahanabatatu ya Rutamu mu nteruro y\u2019icyivugo cye, ngo yayizunguyeho (yayirazwe) se Bishingwe kuko ngo nawe yatwariraga Kigeli IV Rwabugili izo ngabo.Rukara rwa Bishingwe ngo yari umugabo w\u2019igihagararo, ibigango n\u2019igitinyiro nk\u2019uko bamwe mu banditsi b\u2019amateka y\u2019u Rwanda bamubonye babyanditse.Amateka akaba agaragaza ko yari afite nka metero imwe na santimetero 90 mu gihagararo.<\/p>\n Usibye n\u2019ibyo, kuri ubu hari umwe mu buzukuru be witwa Ndagijimana Yuvenali, iyo umwitegereje, wahita utekereza ibigango bya Rukara, dore ko ari umugabo wirabura w\u2019ibigango n\u2019ubwanwa bwinshi upima nka metero imwe na santimetero 90 z\u2019igihagararo.Igihagararo n\u2019ibigango akaba ari umwihariko w\u2019abarashi ,kuko mu miryango yose yo kwa Rukara nta muntu uri munsi ya metero na santimetero 70 z\u2019uburebure\u201d.<\/p>\n