{"id":42963,"date":"2021-09-03T14:17:56","date_gmt":"2021-09-03T12:17:56","guid":{"rendered":"https:\/\/www.therwandan.com\/ki\/?p=42963"},"modified":"2021-09-03T14:17:56","modified_gmt":"2021-09-03T12:17:56","slug":"g20-cwa-2021-kagame-atahukanye-iki-mu-budage-ameza-yicyubahiro-gucuruza-u-rwanda-nimishinga-yo-mu-bushorishori","status":"publish","type":"post","link":"https:\/\/www.therwandan.com\/ki\/g20-cwa-2021-kagame-atahukanye-iki-mu-budage-ameza-yicyubahiro-gucuruza-u-rwanda-nimishinga-yo-mu-bushorishori\/","title":{"rendered":"\u00a0\u201cG20-CwA 2021\u201d KAGAME ATAHUKANYE IKI MU BUDAGE? \u2026AMEZA Y\u2019ICYUBAHIRO, GUCURUZA U RWANDA, N\u2019IMISHINGA YO MU BUSHORISHORI!\u00a0"},"content":{"rendered":"

Yanditswe na Albert MUSHABIZI<\/strong><\/p>\n

Perezida KAGAME, ni umuyobozi w\u2019igihugu witwara nka Rwiyemezamirimo! Uyu yafashe igihugu yagaharaniye ineza yacyo, nk\u2019akarima bwite ko kubyaza umusaruro, w\u2019inyungu zimugaragiyeho we bwite n\u2019itsinda rito rimufasha kugaraguza agati Abanyarwanda. Uyu musaruro ukaba nawo akenshi ugarukira ku mishinga yo mu bushorishori idashinze imizi mu rubanda. Uyu muyobozi w\u2019igihugu ateye ukwe kwihariye, ariko akagira ingeso rusange ahuriyeho n\u2019abandi bayobozi b\u2019ibihugu babi, bazasangira amateka yo kurumbira ibihugu byabibarutse, ari abavuye mu nzira abariho n\u2019abazaza.<\/p>\n

Perezida KAGAME uyu niwe ukubutse mu gihugu cy\u2019u Budage ashinjagira kubera ko anyurwa n\u2019ameza y\u2019icyubahiro (High Table) byarenze urugero! Ni mu ihuriro \u201cG20-Compact with Africa\u201d<\/em>, umuhuro w\u2019uyu mwaka ukaba warabereye i Berlin kuva kuwa 26 Kanama 2021. Umushinga w\u2019iri huriro wabonye izuba mu wa 2017. Icyakora uyu mushinga usa n\u2019uwapfubiye mu ivuka, n\u2019ubwo ba nyirawo bagihanyanyaza! Muri iyi myaka ine \u201cG20-CwA\u201d<\/em> ukaba warashoboye gushigukirwa n\u2019ibihugu 12, muri 54 by\u2019Afrika byari bitumberewe!<\/p>\n

\u00a0<\/span>Ibi bihugu 12 birimo n\u2019u Rwanda, bikaba bishobora kuba nta gifatika byikurira muri uyu mushinga, wubakiye ku bukoroni bushya bw\u2019iminsi ya none. Ni ubukoloni busobetse mu mayeri, y\u2019ibihugu bikize byihuje mu muryango byise G20 mu wa 1999; bigamije ubutwererane buyogoza ibihugu by\u2019Afrika. Ubu butwererane bw\u2019uyu muderi, bukaba busanzwe hagati y\u2019ibihugu bikize ubwabyo n\u2019Afrika muri rusange, mu mahuriro asanzweho nka: US n\u2019Afrika, u Bufransa n\u2019Afrika, u Buyapani n\u2019Afrika\u2026\u00a0<\/span><\/p>\n

Ubu butwererane bukaba bwambaye isura y\u2019iterambere rirambye ry\u2019igitangaza, kuri ibyo bihugu by\u2019Afrika; ariko iyo ushishoje ugasanga ari ukwambara isura nyine, kubera ko imigambi nyakuri isobetse muri kamere ruvumwa ya \u201cMpatsibihugu\/Imperialism\u201d. Mu nyangingo zikurikira, ingero zifatika zihamya ubu butwererane bushashagirana, nyamara bwiyubikije imigambi mibi, turazifatira ku ijora turibukorere, imwe mu mishinga idashinze imizi muri rubanda, u Rwanda rukabya kuririmba.<\/p>\n

Umushinga wa \u201cG20-CwA\u201d ubwawo ntushinga. Ibihugu by\u2019Afrika bishishoza kandi bishyize inyungu z\u2019abanyagihugu babyo imbere, byawuteye ishoti, ku myaka ine umaze kwitabirwa gusa na 12 kuri 54! N\u2019ibihugu bitagera no ku icya kabiri cy\u2019ibigize \u201cG20\u201d nibyo bishinze ibirenge mu mushinga, naho ibindi bibigendamo biguru ntege.<\/b><\/p>\n

\u201cG-20\u201d nk\u2019ihuriro ry\u2019ibihugu bikungahaye ku nganda, hamwe n\u2019ibikataje mu iterambere, ryavutse mu wa 1999. Repubulika ya Afrika Y\u2019Epfo, kikaba aricyo gihugu kimwe rukumbi cyo ku mugabane w\u2019Afrika, kibarizwa muri iri huriro. Intego y\u2019iri huriro kuva rishingwa ikaba ari: \u201cukuba umusemburo w\u2019iterambere ry\u2019ubukungu burambye kandi budahungabana ku isi yose. \u00a0 <\/span>\u2013Fostering sustainable economic growth and stability worldwide<\/i>-\u201d.<\/p>\n

\u00a0<\/span>Nk\u2019uko tubisoma ku rubuga rwa rosalux.de<\/a>, umwanditsi Africa KIIZA atanga ingingo imwe y\u2019uko mu buryo bwagutse \u201cG20-CwA\u201d yibarutswe n\u2019imiryango itari minyafrika, kubera ko inyigo yawo yakozwe n\u2019ibigo bitatu by\u2019imari ku isi aribyo\u00a0 <\/span>Banki y\u2019Isi (WBG), Ikigega Mpuzamahanga cy\u2019Imari (IMF) na Banki Nyafrika Itsura Amajyambere (AfDB); nyamara ukagira imyanzuro igomba gushyirwa mu bikorwa na za Guverinoma za Afrika. Naho ingingo ya kabiri itangwa n\u2019umwanditsi Africa KIIZA,\u00a0 <\/span>ni uko \u201cG20\u201d nk\u2019ihuriro ry\u2019ibihugu bikize cyane rivuga rikijyana, igomba byanze bikunze kuganza ibyerekezo byose by\u2019ubukungu bw\u2019isi, -birya bigo kandi byibarutse \u201cG20-CwA\u201d nabyo bikaba bimwe mu bibeshejweho kandi bitabusanya na bya bihugu by\u2019ibihangange bya \u201cG20\u201d-. Izo ngingo zombi uko ari ebyiri, ziha \u201cG20-CwA\u201d ubusembwa bwo kutabasha kuba yagendera na rimwe, ku nyungu n\u2019ibyifuzo by\u2019Abaturage b\u2019Abanyafrika.<\/p>\n

Nk\u2019uko Africa KIIZA yakomeje kubitamurura, nta mpamvu Abanyafrika bakwiye gushidikanya ko \u201cG20-CwA\u201d, ari ishusho nyakuri y\u2019icyadutse nka \u201cMillenium Challenge Corporation\u201d, umwihariko wa US kuri Afrika, TICAD y\u2019u Buyapani kuri Afrika cyangwa se FOCAC y\u2019u Bushinwa kuri Afrika. Ibi bihugu by\u2019ibihangange rero, biba byihigira uko byakisanzura ku butunzi bw\u2019isi, bitagoswe ubwa Afrika nabwo butari buke. Ni koko, Abanyamerika, Abayapani, ndetse cyane cyane Abanyaburayi; ntibashyira iterambere rya Afrika mu bibaraje ishinga, ahubwo baba bihigira inyungu zabo z\u2019umurengera gusa!<\/p>\n

Mu nyandiko dusoma ku rubuga rwa orfonline.org<\/a>, Umwanditsi Malancha CHAKRABARTY asobanura ko indi mbogamizi ikomeye ari uko, na \u201cG20\u201d nk\u2019ibihugu 20 ubona bidashigukiye uyu mushinga wa \u201cG20-CwA\u201d. Aragera n\u2019aho adatinya kuvuga ko rwose \u201cCwA\u201d ari ikintu ubona ko wakita umushinga bwite w\u2019u Budage, kurusha uko ari umushinga w\u2019ibihugu 20 bikize cyane ku isi; na burya wavutse mu wa 2017, ubwo u Budage ari bwo bufite Prezidansi ya \u201cG20\u201d-Prezidansi ubu ifitwe n\u2019u Butaliyani magingo aya-, bikaba mu bushake n\u2019ubwitange bw\u2019ubutegetsi bwa Angela MERKEL, mu migambi yo kunoza umurongo w\u2019u Budage,\u00a0 <\/span>mu mikoranire n\u2019Afrika mu by\u2019ubukungu.<\/p>\n

Malancha akomeza avuga muri iyi nyandiko ye, ko wenda ugerageje no kwirengagiza iyo nenge irundurira \u201cCwA\u201d ku Budage, nk\u2019igihugu cyabishyizemo ingufu ku nyungu za politiki yacyo y\u2019ubukungu kuri Afrika; usanga n\u2019ibihugu biri muri \u201cG20\u201d bifite ubushake bugaragara bwo kwitabira iby\u2019umushinga wa \u201cCwA\u201d, bigarukira gusa k\u2019u Budage, u Bufransa, u Bwongereza, u Buyapani, Kanada, Espanyolo, u Buholandi na US! Malancha rero akanzura iyi ngingo yemerenya n’umuhanga Katherine KEIL utarariye iminwa avuga ko, \u201cCwA\u201d yakabaye umushinga wa \u201cG7\u201d -kurusha uko ari umushinga wa \u201cG20\u201d- kubera ko muri biriya bihugu bigaragaza ko bifite ubushake bwo kugira ibikorwa bifatika muri uyu mushinga, byose ari ibinyamuryango bya \u201cG7\u201d, uvanyemo gusa Espanyolo n\u2019u Buholandi. Nk\u2019u Bushinwa se busanzwe bwifitiye politiki yabwo yihariye y\u2019ubukungu kuri Afrika, bwajya kugombera kunyura muri \u201cCwA\u201d; burwana n\u2019iki?<\/p>\n

Dushingiye kuri ibi byose rero dusanga, umuntu\u00a0yashidikanya ku ahazaza ha \u201cCwA\u201d mu gihe Angela MERKEL azaba avuye ku butegetsi, na cyane ko ubwo butegetsi bwe ari bwo\u00a0 <\/span>bwabaye inkingi ya mwamba y\u2019umushinga; byaba bifite ishingiro! Chris KAMO, kuri Malancha CHAKRABARTY \u00a0\u201cCwA\u201d ni umushinga wakitwa uw\u2019u Budage, kurusha uko ari uwa \u201cG20\u201d, yerekana ko ubudage bwabashije gukwiza inganda zabwo muri Afrika, binyuriye muri \u201cCwA\u201d. Icyo kuba izo nganda ari iz\u2019umumaro muri ibyo bihugu by\u2019Afrika, ntawatinya kuvuga ko byinshi muri byo bizahajwe n\u2019ingoma z\u2019igitugu, -ahereye ku rugero rw\u2019u Rwanda na Misiri- turabisesengura mu nyangingo ikurikira:<\/p>\n

Imishinga yo guca imanzi ibihugu, birwanira amasura ashashagirana mu ruhando mpuza-mahanga, mu bigwi bitakwa inyungu zenda kuba ntazo ku baturage b\u2019ibihugu bikennye\u2026<\/b><\/p>\n

\u201cCwA\u201d itota ibihugu by\u2019Afrika gukora amavugurura, ategurira ishoramali ry\u2019ibihugu byibumbiye muri \u201cG20\u201d. Rimwe muri ayo mavugurura, iryamamye cyane u Rwanda rucamo agahigo, ni iryo korohereza ishoramali. Inkuru dusoma ku rubuga rwa acetforafrica.org<\/a>, Umwanditsi Peter FABRICIUS agaragaza ko ibihugu 12 byose biri mu mushinga wa \u201cCwA\u201d byagerageje guca agahigo mu korohereza ishoramali, binyuze mu mavugurura; ndetse ibyinshi muw\u20192019 byabonekaga mu icumi bya mbere byagerageje gutera intambwe ku rutonde rw\u2019ibihugu rukorwa n\u2019umuryango \u201cDoing Business\u201d. Kuri urwo rutonde, u Rwanda rwari urwa 56 muw\u20192017, muw\u20192019 rwateye intambwe rugwa ku mwanya wa 29 mu korohereza ishoramali ku isi.<\/p>\n

Nyamara se uku korohereza ishoramali u Rwanda rushimagizwa n\u2019amahanga, baruca imanzi ko ari igihugu cyakataje, kwaba guhatse iki cy\u2019ukuri, kitari icyo ku ntonde n\u2019ibyegeranyo, nk\u2019uko ari umuco warwo w\u2019\u201ditekinika\u201d!? Tumurikiwe n\u2019inyandiko zitandukanye z\u2019umuhanga mu iby\u2019ubukungu, umwanditsi akaba n\u2019umushakashatsi wibanda ku Ubukungu na Politiki by\u2019u Rwanda, Dr David HIMBARA turabivunagura mu gika gikurikira:<\/p>\n

Mu nyandiko yatambutse ku rubuga medium.com<\/a>, David Himbara asobanura mu magambo bwite ya Banki y\u2019Isi, ko ngo n\u2019ubwo u Rwanda rwagize umwanya wa 41 mu birango byo korohereza itumanaho; nyamara ngo, \u201cImbogamizi ziracyari zose, <\/i>k\u2019ubwo kuba abikorera bagitinye ishoramali rivuguruye kandi ritejwe imbere!\u201d <\/i>Ku rubuga rwa Medium.com<\/a>, na none David Himbara avuga ko kuba u Rwanda rwaregukanye umwanya wa 38 ku isi mu mwaka wa 2020 mu korohereza ishoramali, ari umutako gusa utagira ibikorwa, kubera ko; Banki y\u2019isi ikibona ko u Rwanda rukiri inyuma cyane mu kureshya ishoramali! Ikigo cy\u2019Ishoramali cyo mu Bwongereza, mu mwaka wa 2019, kikaba cyaraburiye abashoramali kudahirahira bashora imari yabo mu Rwanda, kubera ko ubutegetsi bw\u2019u Rwanda bufite ingeso yo kurata ko bwakataje mu korohereza ishoramali, nyamara bwiyubikije ubugome n\u2019ubujura bwo guhemukira abashoramali, bagataha bacujwe utwabo!<\/p>\n

Uku kurwanira amasura ashashagirana, na none bituma u Rwanda ruzana, ishoramali rya baringa wagereranya no kwifotoza gusa; ngo rwerekane ko ari igihangane mu karere. Ikiswe uruganda ruteranya imodoka rwa Volkswagen rukomoka mu Budage, cyaraswe n\u2019u Rwanda biratinda, gisonerwa imisoro, kinahongwa ibikorwa-remezo by\u2019ubusa; nyamara ari ikigo gitiza amamodoka mu Rwanda, kigamije kwiharira imirimo yo gutwara abagenzi yari itunze abanyarwanda, nk\u2019uko tubisoma ku rubuga rwa therwandan.com<\/a>.\u00a0<\/span><\/p>\n

Amashimwe nk\u2019aya u Rwanda ruba rumaranira, ni nayo yatatswe Prezida KAGAME ubwo yari mu rugendo akubutsemo mu Budage. Mu muhuro nk\u2019uyu wa \u201cG20-CwA\u201d, iyo umutegetsi uyobora Komisiyo y\u2019u Burayi, Ursula VON DER LEYEN, yatuye amagambo agira ati: \u201cIterambere y\u2019Afrika rizashangira kuri KAGAME\u2026\u201d \u2013<\/em>nk\u2019uko mubyibonera ko yanabishyize ku rubuga rwe rwa \u201cTwitter\u2026-<\/p>\n

\n

Good meeting with President of Rwanda @PaulKagame<\/a>. Rwanda will be one of the engines of Africa\u2019s recovery.<\/p>\n

We discussed the large scope for stronger partnerships between our businesses and communities. pic.twitter.com\/V4jbX5RtWJ<\/a><\/p>\n

— Ursula von der Leyen (@vonderleyen) August 27, 2021<\/a><\/p><\/blockquote>\n