Yanditswe na Albert MUSHABIZI<\/b><\/p>\n
Inkuru dukesha urubuga rw\u2019Ikinyamakuru The New Vision cyandikirwa mu gihugu cya Uganda, iravuga ko mu ijoro ryakeye ryo kuwa gatanu, kuwa 3 Kanama 2021, Umuyobozi Mukuru Wungirije wa\u00a0Victoria University, Dr Lawrence MUGANGA yarekuwe n\u2019inzego z\u2019umutekano za Uganda; ni nyuma y\u2019uko yari yahagaritswe ku wa kane wabanjirije umunsi w\u2019ejo yarekuriweho, aho akorera ku biro bye.<\/p>\n
Muganga\u00a0 <\/span>akaba yakiriwe na Rajiv RUPARELIA, Umuyobozi wa \u201cRupaleria Group of Companies\u201d<\/em>. \u201cVictoria University\u201d<\/em> ikaba ari umutungo bwite w\u2019iyo \u201cmpuzamasosiyete ya Rupaleria\u201d,<\/em> y\u2019umuherwe Sudhir RUPARELIA\u2026<\/p>\n Muri videwo ngufi yakwirakwijwe ku mbuga nkoranya-mbaga, Dogiteri MUGANGA yari kumwe n\u2019umushoramali Frank GASHUMBA, washimiraga rubanda rwose rwabaye bugufi ya Dr MUGANGA mu kibazo cye.<\/p>\n \u201cNdagarutse, ni ku bwanyu! Ndabashimiye cyane n\u2019umutima wanjye wose. Ndacyahumeka, ndanezerwe, ndacyatwaza, kandi nzahora mbiringira bavandimwe banjye. Uyu mugabo mureba aha (Frank GASHUMBA), ndetse n\u2019abandi batari bugufi, muri ab\u2019igiciro kandi mwangurije,\u201d<\/em> uko niko MUGANGA yabivuze!<\/p>\n GASHUMBA nawe yashimiye ibitangazamakuru, inshuti n\u2019abavandimwe bahurira ku rubuga nkoranya-mbaga rwa FACEBOOK, ndetse n\u2019undi wese wanyujije umusanzu we ku zindi mbuga nkoranya-mbaga, cyangwa se ibitangazamakuru, mu gutabariza Dr MUGANGA, k\u2019ubwo guhagarikwa kwe no gufungwa bidakurikije amategeko.<\/p>\n \u201cImbaraga ni iza rubanda, kandi ibi byose ntibyajyaga gushoboka, iyo bitaba kubw\u2019imihate yanyu,\u201d<\/em> uko niko GASHUMBA yakomeje kuvuga.<\/p>\n Yavuze ko hazagira igitangazwa kuri icyo kibazo, ku wa gatandatu \u2013ni ukuvuga uyu munsi wa none-. GASHUMBA kandi yashimiye Prezida Yoweri MUSEVENI k\u2019ubwo kuba yaragize umusanzu atanga mu gukemura iki kibazo.<\/p>\n \u201cTwifuje gushimira na none, Prezida Yoweri MUSEVENI, ku musanzu we mu kurekurwa kwa MUGANGA mu maguru mashya. Imana ibahe umugisha mwese, kandi Imana ihe umugisha kandi irinde igihugu cyacu,\u201d<\/em> uko niko yongereyeho.<\/p>\n MUGANGA yahagaritswe ku wa kane, akurikiranweho ibyo Umuvugizi w\u2019igisirikare cya Uganda Brig. Flavia BYEKWASO, yasobanuye ku murongo wa Telefoni ko; byari bifitanye isano no kuba ku butaka bw\u2019igihugu bitemewe n\u2019amategeko, ndetse n\u2019ubutasi.<\/p>\n \u201cYahagaritswe ku bufatanye bw\u2019inzego z\u2019umutekano, ku bigendanye n\u2019ubutasi no gutura mu gihugu atabifitiye uburenganzira. Amaperereza kuri iki kibazo akaba yatangiye. Ibimubesheje muri Uganda ntibisobanutse, kubera ko afite urupapuro rw\u2019inzira rw\u2019urunyamahanga, kandi akaba atagira icyemezo cy\u2019uburenganzira bwo gukorera mu gihugu.\u201d<\/em><\/p>\n Uko biri kose, isoko y\u2019amakuru mu nzego z\u2019umutekano yaganiriye n\u2019Ikinyamakuru The New Vision, yahishuye ko Prezida Yoweri MUSEVENI ubwe, yarakajwe n\u2019uburyo bwakoreshejwe mu kumuhagarika, maze ategeka irekurwa rye mu maguru mashya.<\/p>\n Uguhagarikwa kwa Dr MUGANGA na none, kukaba kwakuruye ukwinuba gukabije k\u2019umuryango we, n\u2019abakozi bakora mu bigendanye n\u2019amasomo, bitogomberaga inzego z\u2019umutekano zitamugamagaje mu buryo bukurikije amategeko, ahubwo agahagarikwa mu buryo budaha icyubahiro ikiremwa-muntu.<\/p>\n Kuwa gatanu, ejo hashize, bamwe mu abagize umuryango we, bayobowe na mwishywa we Bruno MAKYABIRE, ndetse na mushiki we witwa Hellen BATAMBUZE, bagaragiwe n\u2019Umunyamategeko wabo Isaac SSEMAKADE ndetse na GASHUMBA, begereye inzego za Leta zari zimufite, bazisaba kubareka bakabonana nawe.<\/p>\n \u201cMUGANGA ni marume kandi muzi mu buzima bwanjye bwose, kandi ubu ndi umugabo ukuze ubyiruye abana. Kuwa wa kane nakiriye telefoni iteye ubwoba y\u2019umuntu runaka, ko Marume arimo akururanwa ku ngazi za Victoria University n\u2019abagabo bitwaje intwaro. Uwo wambereye umunsi w\u2019ikigeragezo, kubera ko nibwiraga ko umugabo w\u2019icyubahiro nk\u2019icye, atari akwiriye gukorerwa ibintu nk\u2019ibyo. Niba atarigeze arwanya abamuhagaritse kandi atarigeze anahamagazwa, ntimukwiriye kumushimuta,\u201d<\/em> uwo ni MAKYABIRE wavugaga uko.<\/p>\n SSEMAKADE we yibukije ko uburyo MUGANGA yahagaritswemo, busa neza n\u2019ishimutwa ryakorewe Umuyobozi wungirije wa Kaminuza ya MAKERERE, Frank KALIMUZO, wari inshuti ya hafi ya Idi AMIN, akaba yaragiye buhere.<\/p>\n GASHUMBA yamaganye inzego z\u2019umutekano uko zakoze igikorwa cyo gufata MUGANGA. Arongera kandi yibutsa ko ibyateye inzego z\u2019umutekano guhagarika MUGANGA, bitari kure y\u2019umugambi mugari wo gushyira Abanyarwanda mu gatebo k\u2019ibikorwa by\u2019ubutasi, no kubahindura ubwoko bwanzwe muri Uganda.<\/p>\n Umwe mu nshuti zitangiye irekurwa rye, ni Annet OJEDE wasobanuye ko MUGANGA yagize inyiturano nziza, yo kuza gukorera igihugu cya Uganda, agishimira ko cyamwakiriye nk\u2019umwana w\u2019impunzi.<\/p>\n \u201cNakiriye inkuru y\u2019incamugongo, y\u2019ihagarikwa n\u2019ifungwa ry\u2019imwe mu nshuti magara zanjye, Dr MUGANGA, wakuriye muri Uganda nk\u2019umwana w\u2019impunzi, mu gihe umuryango we wari uhungiye muri Uganda, ku bw\u2019imvururu zo Rwanda. Abenshi mu bavandimwe be bavukiye hano muri Uganda. Lawrence yize amashuri ye yose muri Uganda, kuva ku abanza gushyika kuri Kaminuza, kandi iki nicyo gihugu we n\u2019abavandimwe be bita imuhira. Gushinja umugabo wakuriye mu gihugu imyaka irenga mirongo itatu, mbere y\u2019uko akivamo agiye muri Canada gukomeza amashuri yo ku rwego rw\u2019ikirenga, ni ubunyamusozi, kandi mu kuri kwamye biteye ipfunwe,\u201d<\/em><\/p>\n Ojede yavuze ko yamenyanye na MUGANGA ubwo bombi bigaga mu mwaka wa kabiri, muri Kaminuza ya MAKERERE.<\/p>\n \u201cLawrence yigaga mu Ubumenyi Mbonezamubano, maze arangiriza mu Ubukungu. Twicaranye inshuro nyinshi mu byumba by\u2019amasomo, dutegurana ibizami bitabarika igihe twiganaga. Twabaye inshuti nyanshuti. Nyuma yo gusoza amasomo, Lawrence yakoze imyaka mike, mbere yo gukomeza icyiciro cyisumbuyeho mu ishami rya Politiki y\u2019Ubukungu n\u2019Igenamigambi, muri Kaminuza ya Makerere. Mu gihe nigishaga isomo ry\u2019Ubukungu muri \u00a0Long Beach, Lawrence yaje kunshakaho ibaruwa-cyemezo kugira ngo abashe gukomeza amasomo ku rwego rwa \u201cPhD\u201d muri Politiki n\u2019imicungire y\u2019uburezi, muri Kaminuza ya Alberta. Nanditse ibaruwa itanga umucyo ku burambe bwacu nk\u2019abanyeshuri muri MAKERERE, n\u2019ukuntu ndi uwo kumenya neza uko ari umukozi w\u2019indakemwa. Yarakiriwe, kandi akora neza iby\u2019amasomo no kumurika ubushakashatsi.\u201d<\/em> Uko niko Ojede yabihamije.<\/p>\n Yongereyeho ko bishoboka ko MUGANGA ashobora kuba ari kwibeshywaho. \u201cNanjye nakibeshya k\u2019ubw\u2019iyo mpamvu, twe nk\u2019inshuti ze, dutegereje ko ibihamya bimushinja nyakuri bijya ahagaragara. Dr MUGANGA rwose ntituzagoheka kubwawe, kandi turakwifuriza ihirwe mu mihihibikano, ari nako dukomeza gusabira impagarike yawe,\u201d<\/em> uko niko yashoje.\u00a0<\/b><\/p>\n","protected":false},"excerpt":{"rendered":" Yanditswe na Albert MUSHABIZI Inkuru dukesha urubuga rw\u2019Ikinyamakuru The New Vision cyandikirwa mu gihugu cya Uganda, iravuga ko mu ijoro ryakeye ryo kuwa gatanu, kuwa 3 Kanama 2021, Umuyobozi Mukuru Wungirije wa\u00a0Victoria University, Dr Lawrence MUGANGA yarekuwe n\u2019inzego z\u2019umutekano za Uganda; ni nyuma y\u2019uko yari yahagaritswe ku wa kane wabanjirije umunsi w\u2019ejo yarekuriweho, aho akorera […]<\/p>\n","protected":false},"author":2,"featured_media":42992,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66],"tags":[],"class_list":["post-43005","post","type-post","status-publish","format-standard","has-post-thumbnail","hentry","category-akarere"],"yoast_head":"\n