Bwana Ntavuka Martin, Umuyobozi w\u2019ishyaka FDU-Inkingi mu mugi wa Kigali, yavuye iwe kuwa Gatandatu tariki ya 02 Ugushyingo 2013 mu ma saha ya mu gitondo . Kuva icyo gihe umuryango we nturongera kumuca iryera. Igiteye impungenge kurushaho ni uko uretse kutagaruka mu rugo na telefone ye igendanwa atayitaba. Umuryango we kandi wanagerageje no gushakisha hirya no hino ariko nta gakuru ke wabashije kumenya. Ibi bikaba biteye impungenge zikomeye ku bijyane n\u2019umutekano we .<\/p>\n
Twibutse ko ku itariki ya 17 Nzeri 2013 Bwana Ntavuka Martin yari yatawe muri yombi n\u2019igipolisi cya leta y\u2019u Rwanda kimushinja kuba ngo hari aho yari ahuriye n\u2019igikorwa cy\u2019abanyeshuri barangije n\u2019abiga muri za kaminuza n\u2019amashuri makuru ubwo bandikiraga ibaruwa Minisitiri w\u2019Intebe banenga uburyo abanyeshuri bari bimwe inguzanyo zo kwiga hagendewe ku byiciro by\u2019ubudehe. Bwana Ntavuka ndetse na bagenzi be batatu bakaba bari bagizwe abere n\u2019urukiko rw\u2019ibanze rwa Kacyiru tariki ya 26 Nzeri 2013. Icyo cyemezo cy\u2019urukiko nticyari cyanyuze igipolisi kuko harihamaze iminsi havugwa ko ngo polisi ishaka kongera kubata muri yombi. Umuntu wiyita umugenzacyaha wa polisi yari amaze iminsi ahamagara kuri telefoni bamwe mu bari bafunzwe abasaba kumwitaba ariko akirengagiza kuboherereza inyandiko ibahamagaza nk\u2019uko amategeko abitegeka.<\/p>\n