{"id":43278,"date":"2021-09-19T14:00:16","date_gmt":"2021-09-19T12:00:16","guid":{"rendered":"https:\/\/www.therwandan.com\/ki\/?p=43278"},"modified":"2021-09-19T14:00:16","modified_gmt":"2021-09-19T12:00:16","slug":"guta-umutwe-i-kigali-nyuma-yo-kwirukanwa-ku-rwanda-mu-marushanwa-nyafurika-ya-volleball-ahabera","status":"publish","type":"post","link":"https:\/\/www.therwandan.com\/ki\/guta-umutwe-i-kigali-nyuma-yo-kwirukanwa-ku-rwanda-mu-marushanwa-nyafurika-ya-volleball-ahabera\/","title":{"rendered":"Guta umutwe i Kigali nyuma yo kwirukanwa k\u2019u Rwanda mu marushanwa Nyafurika ya Volleball ahabera"},"content":{"rendered":"

Yanditswe na Frank Steven Ruta<\/strong><\/p>\n

Nyuma y\u2019aho Ishyirahamwe rya Volleball ku Rwegio rw\u2019Isi (FIVB \/ F\u00e9d\u00e9ration Internationale de VolleyBall) rifatiye u Rwanda ibihano mu irushanwa Nyafurika rya Vollebal ku makipe y\u2019ibihugu y\u2019abagore, abayobozi b\u2019imikino mu Rwanda, aba politiki n\u2019abandi baharanira iteka isura bita nziza y\u2019u Rwanda bataye umutwe , baravuguruzanya, abandi barateshwaguza, birangira basohoye itangazo ryo kubeshya Abanyarwanda, ko ari bo bivanye mu irushanwa.<\/p>\n

Ni mu itangazo ryasohotse mu gicuku cyo kuri uyu wa 19\/09\/2021 isaa saba z\u2019ijoro, rivuga ko Ministeri ya sport fashe icyemezo cyo gufata mu biganza inshingano zose z\u2019iri rushanwa ngo risozwe ikipe y\u2019u Rwanda itarimo, mu gihe ngo hagikorwa iperereza ku byo rwarezwe.<\/p>\n

\"\"<\/a><\/p>\n

Iki kibazo cyatangiye kugaragara cyane ubwo kuwa Kane ikipe y\u2019u Rwanda na Senegal zitakinaga umukino nyamara zageze ku kibuga zanamaze kwishyushya, ariko ubuyobozi bw\u2019Ishyirahamwe Nyafurika rya Volleball, CAVB bugatangaza ko umukino uhagaritswe kugeza bigihe hazafatirwa umwanzuro ku birego bimaze gutangwa n\u2019amakipe ko u Rwanda rwakinishije abanyamahanga batabyemerewe.<\/p>\n

Bwakeye kuwa Gatanu ikibazo cyagejejwe ku buyobozi bw\u2019ishyirahamwe ry\u2019umukino wa VolleyBall ku Isi FIVB, hakurikijwe amategeko arigenga FIVB yahise itegeka ko u Rwanda ruhagarikwa muri iri rushanwa aho ryari rigeze, imikino yose rwakinnye rukabarwa nk\u2019urwayitsinzwe mpaga (Amaseti atatu ku busa muri buri mukino), rukanahagarikwa imyaka ibiri rutongeye kuryitabira, n\u2019abakinnyi rwakoresheje batabifitiye uburenganzira bagahagarikwa.<\/p>\n

Iyi nkuru ikigera I Kigali u Rwanda rwihereranye CAVB ruyisaba ko rwakomeza kwemererwa gukina, kugeza shampiyiona Nyafurika irangiye, kandi n\u2019abakinnyi bafatiwe ibihano bakemererwa gukomeza gukina.<\/p>\n

Ishyirahamwe Nyafurika rya VolleyBall ryo ryari ryahisemo ko u Rwanda rwakomeza gukina imikino rwari rusigaje, ariko rukayikina hatarimo abakinnyi bahagaritswe na FIVB.\u00a0<\/span><\/p>\n

N\u2019ubwo u Rwanda rwavugaga ko kugira ngo amarushanwa akomeze kubera i Kigali adahagaritswe bisaba ko rudakumirwa mu mikino, byarangiye ishyirahamwe rikuru ku Isi ry\u2019iyi mikino ribyanze, ritangaza ko ridashobora kunyuranya n\u2019ingingo z\u2019amategeko.<\/p>\n

\"\"<\/a><\/p>\n

Birangiye u Rwanda ruvuyemo, ruhagaritswe imyaka ibiri, kandi ishyirahamwe rya Volleball mu Rwanda naryo rikaba ryambuwe ububasha bwose mu kugira ijambo mu migendekere yose (coordination\/organisation) muri iri rushanwa.<\/p>\n

Hagati aho Ishyirahamwe Nyafurika ry\u2019Umukino wa Volley Ball ryasohoye ingengabihe nshya y\u2019imikino, nyuma yo kuvamo k\u2019u Rwanda no gutaha kwa Senegal yikuye mu irushanwa ibi bibazo bigitangira.<\/p>\n

\"\"<\/a><\/p>\n

Hari amakuru yatangajwe ku mbuga nkoranyambaga tugikorera iperereza ryimbitse avuga ko umutoza w’ikipi y’abakobwa ya Nigeria uri muri bamwe banditse barega u Rwanda gukoresha abakinnyi bakomoka muri Brasil batujuje ibisabwa, yaba yarahamagawe aterwa ubwoba ashinjwa kuba ari we washyize hanze ikipe y’u Rwanda!<\/p>\n

\n

The unknown individuals are accusing him of exposing the Rwanda women's team who fielded ineligible players at the ongoing African Seniors Nations Championship.<\/p>\n

On Thursday, the Senegal women's team wrote a protest challenging Rwanda for featuring South America players pic.twitter.com\/utM1Otvstv<\/a><\/p>\n

— Dare Kuti 'Gattuso' (@dkuti82) September 17, 2021<\/a><\/p><\/blockquote>\n