{"id":43456,"date":"2021-10-01T17:03:53","date_gmt":"2021-10-01T15:03:53","guid":{"rendered":"https:\/\/www.therwandan.com\/ki\/?p=43456"},"modified":"2021-10-01T17:39:52","modified_gmt":"2021-10-01T15:39:52","slug":"polisi-yerekanye-abantu-ngo-bari-mu-mugambi-guturitsa-ibisasu-mu-mujyi-wa-kigali","status":"publish","type":"post","link":"https:\/\/www.therwandan.com\/ki\/polisi-yerekanye-abantu-ngo-bari-mu-mugambi-guturitsa-ibisasu-mu-mujyi-wa-kigali\/","title":{"rendered":"Polisi yerekanye abantu ngo bari mu mugambi guturitsa ibisasu mu Mujyi wa Kigali"},"content":{"rendered":"

Yanditswe na Nkurunziza Gad<\/strong><\/p>\n

Polisi y\u2019u Rwanda ku bufatanye n\u2019Urwego rushinzwe Ubugenzacyaha (RIB) beretse Itangazamakuru abantu 13 ngo bakorana\u00a0<\/em>\u00a0n\u2019umutwe w\u2019iterabwoba wa Allied Democratic Forces (ADF) ukorana na ISIS mu icengezamatwara bakaba ngo bari bari mu mugambi wo gukora iterabwoba\u00a0<\/em>mu bice bitandukanye by\u2019Umujyi wa Kigali!<\/em>\u00a0<\/em><\/p>\n

Abafashwe ni abagabo 12 n\u2019umugore umwe bakaba barafatiwe mu bice bitandukanye by\u2019u Rwanda birimo Umujyi wa Kigali, Rusizi na Nyabihu. Polisi y\u2019u Rwanda ivuze ko ifatwa ry\u2019aba bantu ryagizwemo uruhare n\u2019inzego zitandukanye zishinzwe umutekano.<\/p>\n

Iti:\u00a0\u201cIperereza riragaragaza ko aka gatsiko gakorana n\u2019umutwe w\u2019iterabwoba wa Allied Democratic Forces (ADF) ukorana na ISIS mu icengezamatwara, ubuhezanguni n\u2019uburyo bwo guturitsa ibisasu.\u201d<\/em><\/p>\n

Polisi yongeyeho ko uyu mutwe wa ADF ukorera mu Burasirazuba bwa Repubulika iharanira Demokarasi ya Congo (DRC), muri Kivu y\u2019Amajyaruguru,\u00a0ugakomoka mu gihugu cya Uganda kandi ngo washyizwe ku rutonde rw\u2019imitwe y\u2019iterabwoba.<\/p>\n

Abafashwe bavuze ko bari batumwe guturitsa inyubako zikomeye mu mujyi wa Kigali zirimo Kigali City Tower, Downtown na Nyabugogo.<\/p>\n

Umwe mu bafatiwe muri uyu mugambi witwa Mbaraga Hassan yavuze ko ngo yinjiye muri uyu mugambi abifashijwe n\u2019inshuti ye yari imaze kumubwira ko ugamije kwihorera ku bitero Ingabo z\u2019u Rwanda zagabye ku byihebe byo muri Mozambique.<\/p>\n

Abakekwaho icyo cyaha ngo bafatanywe ibikoresho bitandukanye byifashishwa mu gukora ibiturika birimo insinga, imisumari, za telefoni n\u2019amashusho atandukanye yigisha ubuhezanguni.<\/p>\n

Polisi yakomeje ishimira abantu bagiye bakorana n\u2019inzego z\u2019umutekano kugira ngo haburizwemo ibi bitero.<\/p>\n

Iragira iti: \u201cPolisi izakomeza gukorana n\u2019izindi nzego mu gukurikirana, gukumira, kurwanya, no guhashya ibikorwa nk\u2019ibi by\u2019iterabwoba ndetse n\u2019ikindi icyo aricyo cyose cyahungabanya umutekano w\u2019Igihugu.\u201d<\/em><\/p>\n

Abakekwaho gutegura ibitero bafashwe nyuma y\u2019igihe Ingabo z\u2019u Rwanda na Polisi bari mu bikorwa byo guhangana n\u2019umutwe witwaje intwaro mu Ntara ya Cabo Delgado muri Mozambique, nawo ugendera ku mahame yitirirwa idini ya Islam.<\/p>\n

Perezida Paul Kagame aheruka kuvuga ko hari isano iri hagati y\u2019abarwanyi bari muri Mozambique n\u2019abarwanira mu burasirazuba bwa Congo yongeraho ko muri abo barwanyi harimo n\u2019Abanyarwanda.<\/p>\n

Muri aba batawe muri yombi na Polisi y\u2019u Rwanda harimo bane mu Bayisilamu b\u2019Abanyarwanda basaga 10 baherutse gutangazwa ko \u00a0baburiwe irengero mu bihe bitandukanye nk’uko The Rwandan yari yabibagejejeho mu minsi ishize mu nkuru mwasanga hano hasi:<\/p>\n

Rwanda: Hari abayislamu benshi bamaze iminsi baburirwa irengero!<\/a><\/p><\/blockquote>\n