{"id":43513,"date":"2021-10-07T23:55:11","date_gmt":"2021-10-07T21:55:11","guid":{"rendered":"https:\/\/www.therwandan.com\/ki\/?p=43513"},"modified":"2021-10-07T23:55:11","modified_gmt":"2021-10-07T21:55:11","slug":"uganda-ihaye-u-rwanda-isomo-nyuma-yimyaka-35-museveni-arabyishimira","status":"publish","type":"post","link":"https:\/\/www.therwandan.com\/ki\/uganda-ihaye-u-rwanda-isomo-nyuma-yimyaka-35-museveni-arabyishimira\/","title":{"rendered":"Uganda ihaye u Rwanda isomo nyuma y\u2019imyaka 35, Museveni arabyishimira!"},"content":{"rendered":"

\u00a0Yanditswe na Nkurunziza Gad<\/strong><\/p>\n

Kuva mu 1986 ni ubwa mbere Ikipe y\u2019Igihugu y\u2019 umupira w\u2019amaguru ya Uganda \u2018Uganda Cranes\u2019 itsindiye Amavubi (Ikipe y\u2019u Rwanda y\u2019umupira w\u2019amaguru) mu Rwanda.<\/em><\/p>\n

Mu mukino wabaye hari abantu bake kuri Stade Regional i Nyamirambo, Ikipe y\u2019Igihugu y\u2019u Rwanda \u2018Amavubi\u2019,<\/em> yatsinzwe n\u2019iya Uganda igitego 1-0 mu mukino wo mu Itsinda \u2018E\u2019 ry\u2019ijonjora rya kabiri ryo gushaka itike y\u2019Igikombe cy\u2019Isi cya 2022 kizabera muri Qatar. Akaba ari ubwa mbere Uganda itsindiye u Rwanda i Kigali kuva mu 1986.<\/p>\n

Ni umukino watangiye saa kumi n\u2019ebyiri z\u2019umugoroba, ubera kuri sitade ya Kigali i Nyamirambo hari abantu bake kuko abafana batemerewe kuhakandagira mu rwego rwo kwirinda ikwirakwizwa ry\u2019icyorezo cya \u00a0Covid-19.<\/p>\n

N\u2019ubwo nta bafana benshi bari bari ku kibuga, umutekano wari wakajijwe imbere n\u2019inyuma ya Stade, Abapolisi ndetse n\u2019abasirikare bahazengurukaga ubutitsa.<\/p>\n

Mbere y\u2019uko umukino utangira, imihigo yari yose ku mpande zombi, Abanyarwanda babwira Abagande ko kubatsindira iwabo ari inzozi badateze gukabya, Abagande nabo bati \u2018uyu munsi turabaha isomo\u2019.<\/em><\/p>\n

Abanyarwanda bishongoraga ku bagande babibutsa ko uretse no mu mupira w\u2019amaguru no mu rugamba rw\u2019amasasu babatsinze, bakaba urugero rw\u2019ibyabereye Kisangani muri Repuburika ya Demukarasi ya Congo tariki 5 Gicurasi 2000.<\/p>\n

Umukino watangiye ubona abasore b\u2019Amavubi bihagazeho, ariko ibintu biza guhinduka ku munota wa 43 w\u2019umukino ubwo igice cya mbere cyendaga kurangira, umugande Bayo Fahad akora u Rwanda mu jisho.<\/p>\n

Mu gice cya kabiri, Amavubi yakomeje kwihararaho ashaka kwishyura igitego yatsinzwe no gutsinda ibindi ariko biba iby\u2019ubusa kuko abahungu ba Uganda Cranes bari bambariye gutsinda.<\/p>\n

Ngayo nguko uko umutoza Milutin Sredojevi\u0107 Micho, Umunya-Serbia wahoze atoza Amavubi y\u2019u Rwanda, akaza gusezererwa muri 2014 ashinjwa kudatanga umusaruro, yakubise inshuro Amavubi atozwa n\u2019Umunyarwanda Mashami Vincent.<\/p>\n

Amavubi arahita yerekeza muri Uganda, dore ko umukino wo kwishyura uzaba tariki ya 10\/10\/2021 i Kampala muri Uganda.<\/p>\n

\u201cMashami \u00a0adukojeje isoni mu maso ya mucyeba\u201d<\/strong><\/p>\n

Ku mbuga nkoranyambaga, mu biganiro bitandukanye kuri Radio, abakunzi ba ruhago mu Rwanda bararira ayo kwarika bagatunga urutoki umutoza w\u2019Amavubi Mashami Vincent.<\/p>\n

Uwitwa Kanyamibwa Joseph yahamagaye kuri imwe mu maradio yo mu Rwanda ati \u201cMashami adukojeje isoni mu maso ya mucyeba, akwiye kwirukanwa ntakomeze kubabaza Abanyarwanda.\u201d<\/em><\/p>\n

Mutoni Agnes ati \u201cTurambiwe guhora dutsindirwa mu rugo ndasaba ko Perezida Kagame yagira icyo akora abo bireba bose bagahanwa kuko birakabije.\u201d<\/em><\/p>\n

Mu ijoro ryakeye, Minisitiri wa Siporo, Munyangaju Aurore\u00a0Mimosa, yagiranye ikiganiro n\u2019Abakinnyi ndetse n\u2019umutoza Mashami, abasaba guhesha u Rwanda ishema no guha ibyishimo Abanyarwanda batsinda uganda.<\/p>\n

Perezida Museveni ku rubuga rwa twitter yishimiye intsinzi y’ikipe y’igihugu cye:<\/p>\n

\n

I congratulate our national soccer team, the @UgandaCranes<\/a> for this important victory against Rwanda's Amavubi Stars. May your tactical discipline come out on top again in your next fixture and in the remaining qualifying games. pic.twitter.com\/1d8uWtRwsJ<\/a><\/p>\n

— Yoweri K Museveni (@KagutaMuseveni) October 7, 2021<\/a><\/p><\/blockquote>\n