{"id":43581,"date":"2021-10-13T14:46:52","date_gmt":"2021-10-13T12:46:52","guid":{"rendered":"https:\/\/www.therwandan.com\/ki\/?p=43581"},"modified":"2021-10-14T11:59:31","modified_gmt":"2021-10-14T09:59:31","slug":"amavubi-yu-rwanda-nimisambi-ya-uganda-yongeye-gukangura-amarangamutima-ya-politiki","status":"publish","type":"post","link":"https:\/\/www.therwandan.com\/ki\/amavubi-yu-rwanda-nimisambi-ya-uganda-yongeye-gukangura-amarangamutima-ya-politiki\/","title":{"rendered":"AMAVUBI Y\u2019U RWANDA N\u2019IMISAMBI YA UGANDA YONGEYE GUKANGURA AMARANGAMUTIMA YA POLITIKI!"},"content":{"rendered":"

Yanditswe na Albert Mushabizi<\/strong><\/p>\n

Abafana b\u2019imikino inyuranye cyane cyane, nka Football nk\u2019umukino urangaje imbere iyindi yose, kandi ukagira irushanwa rikomeye rihuza umubumbe rifite amateka yo gukurikirwa na benshi; barangwa n\u2019amarangamutima adasigana n\u2019ishyaka ryo guhangana. Aya marangamutima bijya binaba ngombwa ko abyutsa ihangana, rishingiye ku makimbirane y\u2019abanyapolitiki. Abakinnyi b\u2019uyu mukino wundi wa \u201cPolitiki\u201d nabo bakunze kutibagirwa \u201csport\u201d nk\u2019urwaho rwo kwitambukiriza ubutumwa bwa politiki, no kwigarurira abiyumva mu murongo runaka wa politiki. Haba ubwo abayobozi ba politiki banifashisha \u201csport\u201d, mu kumvisha\/gukwena\/kwibasira abiyumva mu murongo wa politiki bahanganye. Sport hagati y\u2019u Rwanda na Uganda, nayo ntiyabuze gukinishwa politiki hagati y\u2019u Rwanda na Uganda.<\/p>\n

\u201cTuzabatsinda mu gihe cy\u2019intambara, tunabatsinde mu gihe cy\u2019amahoro\u2026\u201d Prezida KAGAME<\/b><\/p>\n

Aya magambo umuntu tutareka no kuvuga ko yari yuzuyemo imvugo y\u2019ubushotoranyi, cyangwa se imvugo ya gashozantambara yavuzwe na Prezida wa Repubulika y\u2019u Rwanda Paul KAGAME, mu ijoro ryo kuwa 7 Kamena 2003 ahagana mu ma saa ine za nijoro, ubwo ikipe y\u2019AMAVUBI STARS yari ikubutse muri Uganda, itsinzeyo umukino wayihaga amahirwe yo kujya muri CAN 2004. Uwo mukino waranzwemo imirwano, yaturutse ku mpaka z\u2019amarozi (ibyo muri Uganda bita \u201cJUJU\u201d) yakekewe ku munyezamu w\u2019u Rwanda Muhamudu MOSSI.<\/p>\n

Izi mvururu zavuyemo ugukomereka kwa Rutahizamu (bamuteye urukweto mu mu mutwe mu bushyamirane) Jimmy GATETE, wabicaga bigacika icyo gihe, ajyanwa hanze ahambirwa umutwe wose aragaruka arakina. Ubwo abarebaga uwo mukino imbona nkubone no ku mateleviziyo bafana Amavubi, igitima cyaradihaga, bati ntaho dusigaye \u201cMana y\u2019ibitego\u201d; bamuhamije arapfa guhanyanyaza byo kwanga guta abandi mu rugamba. Uwo muhangayiko ni nawo wari ibyishimo n\u2019icyizere kitavugwa ku bafana na Uganda Cranes, bari bazi Jimmy GATETE nka rutahizamu utungurana.<\/p>\n

Nyuma Jimmy GATETE yaje gutsinda igitego kimwe u Rwanda rwatahukanyemo intsinzi, maze Prezida KAGAME ahita ategeka ko Amavubi atarara Uganda, ayoherereza Indege idasanzwe yo kuyazana; Abanyarwanda barangajwe imbere nawe barara bayakiriye kuri Stade Amahoro. Ayo magambo ya Prezida KAGAME ni mu gihe Uganda yari mu makimbirane ya Politiki n\u2019u Rwanda; maze imirwano yabaye mu mukino bikaba iby\u2019ubusa u Rwanda rugatsinda; KAGAME we abyita \u201c\u2026kubatsinda mu gihe cy\u2019amahoro\u2026\u201d nk\u2019uko iyo bibaye no mu bihe by\u2019intambara babatsinda \u2013aha yibutsaga intambara y\u2019ibihugu byombi i Kisangani muw\u20191999-.<\/p>\n

Aya magambo ya KAGAME bamwe bayafashe nk\u2019ubushotoranyi, ariko abasanzwe bamuzi nka BAVUGIRIJE atitaye ku cyo riribwangize babitwara uko! Nyamara igitangaje ni uko amahane ya Uganda ku Rwanda muri uwo mukino atari ashingiye ku busa; nk\u2019uko tubisoma ku rubuga rwa ibisigo.com<\/a>, Capitaine w\u2019u Rwanda D\u00e9sir\u00e9 MBONABUCYA yahamije ko ikipe y\u2019igihugu itagiraga umuco w\u2019amarozi, icyakora wari umuco wihariwe na Nyezamu Muhamudu MOSSI ku giti cye! Bivuze ko imvururu zabaye muri uyu mukino, byavuye ku makosa y\u2019uwo nyezamu, abanyayuganda batari bikanze ubusa. Gusa ibinyamakuru bya Uganda n\u2019abafana muri rusange; bashinje iyo ntsinzi y\u2019u Rwanda gushingira ku marozi, ngo kuko ari nako babibonaga mu mukino.<\/p>\n

\u201c\u2026nshimiye cyane ikipe yacu y\u2019igihugu kuri iyi ntsinzi\u2026 bakoresheje amayeri meza kandi igitego cyabo cyavuye kuri koruneli\u2026 aya mayeri ndayazi kubera ko nahoze ndi umukinnyi w\u2019umupira w\u2019amaguru kugera muw\u20191966, ubwo nashingukaga mu ibya siporo nkigira mu nkundura ya politiki yacu\u2026\u201d<\/em> Prezida MUSEVENI<\/b><\/p>\n

\n

I congratulate the national football team on this victory. They used the right tactics and our goal came from a corner kick. I know these tactics because I used to be a footballer until (1966) when I changed focus from sports to the struggles of our politics. https:\/\/t.co\/C1F4Xf60oq<\/a><\/p>\n

— Yoweri K Museveni (@KagutaMuseveni) October 10, 2021<\/a><\/p><\/blockquote>\n