{"id":43651,"date":"2021-10-16T03:47:20","date_gmt":"2021-10-16T01:47:20","guid":{"rendered":"https:\/\/www.therwandan.com\/ki\/?p=43651"},"modified":"2021-10-16T03:52:42","modified_gmt":"2021-10-16T01:52:42","slug":"pierre-damien-habumuremyi-yaraye-mu-rugo-iwe-yongera-no-gutumirwa-na-jeannette-kagame","status":"publish","type":"post","link":"https:\/\/www.therwandan.com\/ki\/pierre-damien-habumuremyi-yaraye-mu-rugo-iwe-yongera-no-gutumirwa-na-jeannette-kagame\/","title":{"rendered":"Pierre Damien Habumuremyi\u00a0 yaraye mu rugo iwe\u00a0yongera no gutumirwa na Jeannette Kagame!"},"content":{"rendered":"

Yanditswe na Frank Steven Ruta<\/strong><\/p>\n

Nyuma y\u2019amasaha atagera kuri 20 itangazo ry\u2019inama y\u2019Abaminisitiri risohotse, Dr Pierre Damien Habumuremyi nawe yasohotse muri Gereza ya Nyarugenge iri i\u00a0 <\/span>Mageragere, nk\u2019intambwe ya nyuma yo gushyira mu bikorwa icyemezo cya Perezida Kagame cyo kumuha imbabazi.<\/p>\n

Iyi tariki ya 14 Ukwakira 2021\u00a0\u00a0<\/span>yafunguriweho nyuma yo guhabwa imbabazi n\u2019Umukuru w\u2019igihugu, Dr Habumuremyi Pierre Damien\u00a0 <\/span>yayishyize mu matariki ye y\u2019ingenzi, afata nk\u2019iminsi y\u2019amateka kuri we.<\/p>\n

Ahagana mu masaha y\u2019umugoroba isaa kumi n’ebyiri n’iminota irindwi (18h07), nibwo Dr Habumuremyi yari asohotse muri Gereza ya Mageragere nk\u2019uko byemejwe n\u2019abamubonye asohoka, barimo n\u2019abo mu muryango we bagiye kumwakira.<\/p>\n

N\u2019ubwo bigaragara ko yataye ibiro, yasohokanye akanyamuneza, amwenyurira abaje kumwakira, asinya mu gitabo cya Gereza ko atakiri umuturage wabo. Nyuma y\u2019ibi byose, yagize icyo atagariza abanyamakuru bake bari bahari.<\/p>\n

Dr Habumuremyi yagize ati\u00a0: \u00ab\u00a0 Ndishimye cyane, ndanezerwe kandi ndashimira Perezida Repubulika wampaye imbabazi. Byantunguye, sinari mbyiteze \u2026 ibyaha nakoze musezeraniye ko ntazabisubira\u00a0\u00bb<\/em><\/p>\n

Dr Habumuremyi yibukije ko yasabye imbabazi mu iburanisha rye rya nyuma, ndetse na nyuma yaho, ubwo atari agifite indi nzira y\u2019ubujurire, yandikiye Perezida wa Repubulika amusaba imbabazi, anamusezeranya ko yamaze guhinduka. Yongeyeho ko atari isezerano yahaye Perezida Paul Kagame gusa, ko ahubwo yanarihaye Abanyarwanda bose, kuko guhabwa imbabazi ari igikorwa gihebuje atazibagirwa mu minsi asigaje kuri iyi Si.<\/p>\n

Mu gusaba imbabazi kwe, yanagarutse ku cyo yavugaga aburana ifunga n\u2019ifungurwa ry\u2019agateganyo, ko afite uburwayi bukenera kwitabwaho umuntu abukurikiraniye hafi. Mu byo yishimiye, harimo no kuba asohotse muri gereza uburwayi butaramuzahaje.<\/p>\n

Ntabwo byatinze yahise ashyira ubutumwa ku rubuga rwa twitter ashimira Perezida Kagame akaba n’umukuru w’ishyaka FPR riri ku butegetsi agira ati:<\/p>\n

Nyakubahwa Perezida wa Repubulika na Chairman wa FPR Inkotanyi, ndabashimira mbikuye ku mutima njye n’Umuryango wanjye imbabazi mwampaye za kibyeyi. Imbabazi mwampaye nazihaye agaciro gakomeye cyane, ndabizeza ko amakosa nakoze atazongera. Ndashimira n’ubutabera bw’u <\/span>Rwanda<\/span><\/em><\/p>\n

\n

@PaulKagame<\/a> Nyakubahwa Perezida wa Repubulika&Chairman wa FPR Inkotanyi,ndabashimira mbikuye ku mutima njye n'Umuryango wanjye imbabazi mwampaye za kibyeyi.Imbabazi mwampaye nazihaye agaciro gakomeye cyane,ndabizezako amakosa nakoze atazongera.Ndashimira n'ubutabera bw'u #Rwanda<\/a><\/p>\n

— Habumuremyi P.D (@HabumuremyiP) October 14, 2021<\/a><\/p><\/blockquote>\n