Kuri uyu wa Gatanu tariki ya 22 Ugushyingo 2013, Urukiko rw\u2019ibanze rwa Nyarugunga rwasomye urubanza rwa Bwana Sylvain Sibomana, Umunyamabanga Mukuru w\u2019agateganyo wa FDU-Inkingi, na Bwana Dominique Shyirambere baregwaga ibyaha bibiri ari byo:<\/p>\n
<\/p>\n
\u2022 Gukoresha imyigaragambyo itemewe ubwo bari bitabiriye urubanza mu bujurire rw\u2019Umuyobozi mukuru wa FDU-Inkingi, Madame Victoire Ingabire Umuhoza, kuya 25 Werurwe 2013, ku cyicaro cy\u2019urukiko rw\u2019ikirenga.<\/p>\n
\u2022 Gukoza isoni abashinzwe umutekano.<\/p>\n
Uru rubanza rwari rwarabanje gushyikirizwa Urukiko rwisumbuye rwa Gasabo ariko uru rukiko rwemeza ko nta bubasha rufite bwo kuburanisha uru rubanza maze rurusubiza mu rwego rw\u2019urukiko rw\u2019ibanze rwa Nyarugunga, aho rwari rwaratangiye gusuzumwa tariki ya 4 Ugushyingo 2013.<\/p>\n
Mu mikirize y\u2019uru rubanza, Urukiko rw\u2019ibanze rwa Nyarugunga rwemeje ko Bwana Sylvain Sibomana ahamwa na biriya byaha bibiri, maze rumukatira igifungo cy\u2019imyaka ibiri n\u2019ihazabu ry\u2019amafaranga miliyoni y\u2019amanyarwanda (1.000.000 FRW) naho Bwana Dominique Shyirambere akatirwa amezi atanu n\u2019ihazabu y\u2019amafaranga miliyoni y\u2019amanyarwanda (1.000.000 FRW).<\/p>\n
Muri uru rubanza icyagaragayemo ni uguhuzagurika kw\u2019umushinjacyaha aho yagendaga akoresha ingingo z\u2019amategeko yo mu gitabo cy\u2019amategeko ahana zikoreshwa ku rwego rwisumbuye yirengagije ko aribyo byatumye uru rubanza rwoherezwa ku rwego rw\u2019ibanze kubera imiterere y\u2019ibyaha abaregwa bakekwaho ndetse n\u2019ibihano biteganijwe n\u2019ingingo zabyo mu rwego rw\u2019amategeko.<\/p>\n
Ubwo umucamanza yabazaga ubushinjacyaha ibimenyetso bifatika byerekana ko abo arega baba koko barakoze ibyo ibyaha bakekwaho, Umushinjacyaha nta kimenyetso na kimwe yagaragaje usibye kuvuga ko ngo hari umwe muri bo wari ufite \u201cbadge\u201d mu mufuka w\u2019ikote yariyambaye ngo iriho ifoto ya Madamu Victoire Ingabire. Nyamara ubushinjacyaha bwariye iminwa ubwo umucamanza yabubazaga aho iyo foto ihurizwa n\u2019ibyaha burega Bwana Sylvain Sibomana na Dominique Shyirambere.<\/p>\n
Mu kwiregura, abaregwaga bagaragaje ko bahohotewe bikomeye, bikaba bigaragara ko icyari kigamijwe mu ifatwa ryabo ari ugutera ubwoba abaturage kugirango batitabira urubanza rwa Madame Victoire Ingabire kandi amategeko atarabibuzaga dore ko urwo rubanza rwa Madamu Ingabire rutari rwarigeze rutangazwa ko ruburanishwa mu muhezo noneho ngo abanyarwanda babirengeho. Uru rubanza rwakurikiranwe n\u2019abantu benshi kandi batandukanye barimo ndetse n\u2019intumwa za ambasade y\u2019igihugu cy\u2019Ubuhorandi mu Rwanda.<\/p>\n
Twakwibutsa ko uru rubanza rwa Bwana Sylvain Sibomana na Dominique Shyirambere rwari rwarabunanishijwe mu mizi tariki ya 10 Kamena 2013 mu Rukiko rwisumbuye rwa Gasabo. Nyuma y\u2019iburanisha umucamanza yatangaje ko azarusoma tariki ya 12 Nyakanga 2013 ariko kuri iyo tariki umucamanza yarwimuriye tariki ya 19 Nyakanga 2013 ndetse nyuma y\u2019aho yongera kurwimurira tariki ya 24 Nyakanga 2013. Iyi tariki igeze nibwo umucamanza yatangaje ko Urukiko rwisumbuye rwa Gasabo rudafite ububasha bwo kuburanisha uru rubanza; ngo kubera iyo mpamvu dosiye ayohereje mu Rukiko rw\u2019ibanze rwa Nyarugunga mu mujyi wa Kigali.<\/p>\n
Ishyaka FDU-Inkingi ntiryahwemye kwamagana iri siragizwa ry\u2019Abanyarwanda mu nkiko, bahimbirwa ibyaha batakoze bigamije kuniga abaturage, no kubima ubwisanzure bemererwa n\u2019amategeko. Twongeye nanone gusaba ishyaka rya FPR-Inkotanyi riri ku butegetsi mu Rwanda guha agahenge Abanyarwanda ndetse n\u2019abatavugarumwe naryo bagakora mu bwisanzure.<\/p>\n
FDU-Inkingi
\nTwagirimana Boniface
\nVisi-Perezida w\u2019agateganyo<\/p>\n