{"id":43793,"date":"2021-10-22T15:31:59","date_gmt":"2021-10-22T13:31:59","guid":{"rendered":"https:\/\/www.therwandan.com\/ki\/?p=43793"},"modified":"2021-10-28T03:11:20","modified_gmt":"2021-10-28T01:11:20","slug":"impamvu-rusesabgaina-atajuriye-yamenyekanye","status":"publish","type":"post","link":"https:\/\/www.therwandan.com\/ki\/impamvu-rusesabgaina-atajuriye-yamenyekanye\/","title":{"rendered":"Rusesabagina ntabwo yajuririye igihano yahawe"},"content":{"rendered":"

Yanditswe na Frank Steven Ruta<\/strong><\/p>\n

Ubushinjacyaha bwa Leta y\u2019u Rwanda bwajuririye ibihano inkiko z\u2019u Rwanda zahaye itsinda ry\u2019abantu 21 baregwa ibyaha byiganjemo ibyiswe iby\u2019iterabwoba.\u00a0 <\/span>Ni itsinda mu ikubitiro ryatangiye kuburanishwa ryitirirwa Major Sankara Callixte Nsabimana, ariko nyuma y\u2019aho Rusesabgina agereye mu gihugu akaba ari we iri tsinda ryahise ryitirirwa, nk\u2019ukuriye bose.<\/p>\n

Ni urubanza rwaburanishijwe n\u2019Urugereko rwihariye rw\u2019urukiko ruKURU ruburanisha imanza zambukiranya imipaka n’Iz\u2019iterabwoba.<\/p>\n

Nyuma y\u2019ikatwa ry\u2019urubanza, Ubushinjacyaha bw\u2019u Rwanda ntibwari bwatangaje niba bujuririra cyangwa butazajurira.<\/p>\n

Igihe cyo kujurira ku mpande zombi ntyicyagombaga kurenza iminsi 30, habazwe umunsi ku wundi, uhereye igihe urubanza rwasomewe.\u00a0<\/span><\/p>\n

Ku itariki ya 20 Ukwakira 2020 ubwo benshi bibwiraga ko ubushinjacyaha bwanyuzwe bukaba butajuririye, babonye itangazo ry\u2019Ubushibjacyaha ryasohotse rivuga ko Ubushinjacyaha bwajuririye imikirize y\u2019uru rubanza.<\/p>\n

Hari hasigaye kumenya niba abaregwa barajuriye, by\u2019umwihariko, amazina abiri yagarutsweho cyane, ari yo Paul Rusesabagina na Major Callixte Nsabimana Sankara.<\/p>\n

Amakuru yahawe ibitangazamakuru bya Leta ni uko mu baregwa uko ari 21 abajuririye ibihano bahawe ari 13, ariko amazina yabo ntiyatangajwe.<\/p>\n

Ku ruhande rwa Rusesabagina utarajuriye, n\u2019ubundi benshi biyumvishaga ko nta mpamvu yakwirirwa ajuririra, kuko ujurira ni ushaka guhabwa ubutabera busumbye ubwo yahawe n\u2019urukiko rwamuburanishije mbere. Rusesabagina we rero, akaba yari yaranze kuburana, kuko na mbere hose yavuze ko atizeye ubutabera bw\u2019u Rwanda muri rusange.<\/p>\n

Umukobwa wa Paul Rusesabgaina, Carine Kanimba yasobanuye impamvu batiriwe bajurira.\u00a0 <\/span>Avugana n\u2019ijwi rya Amerika yagize ati: \u201c Data yagombaga gusoma dosiye y\u2019umwanzuro w\u2019urubanza rwe ngo amenye ibyashingiweho akatirwa\u201d .<\/em><\/p>\n

\u00a0<\/span>Carine Kanimba avuga ko Ise Rusesabagina yimwe iyi dosiye ye ngo amenye ibyo yifashisha ajurira, n\u2019igihe bayimuhereye iminsi yo kujurira ikaba yari iri kurangira, mu gihe dosiye ubwayo y\u2019umwanzuro w\u2019Urukiko ku rubanza rwe yari amapaji 250, atari busome ngo ayarangize anategure ikirego cy\u2019ubujurire mu gihe gito bayimuhereyemo.<\/p>\n

Kuba Paul Rusesabagina atarajuriye rero, umuryango we ukaba ubishingira ku kuba yarimwe umwanzuro w\u2019Urukiko rwamukatiye. Abo mu muryango wa Rusesabagina na mbere hose bari baratangaje ko batari bujurire mu gihe Rusesabagina ubwe atarabifataho umwanzuro, na we akaba atari bufate umwanzuro atarabona ibyo Urukiko rwashingiyeho rumuhamya ibyaha bimwe na bimwe rukamuhanaguraho ibindi, dore ko ubushinjacyaha bwamuhamyaga ibyaha bifite ibihano mbumbe cy\u2019imyaka 170 yavunjwemo burundu, ariko Urukiko rukaba rutarabyanzuye rutyo.<\/p>\n

Carine Kanimba akomeza avuga ko urubanza rwa se ari ikibazo cya politiki kizakemurw amu nzira za politiki.<\/p>\n

Tega amatwi ibisobanuro birambuye by\u2019Umuryango wa Rusesabagina<\/b><\/p>\n