Abagize itsinda ry\u2019Abadepite bagize umuryango w’Ubumwe bw\u2019uburayi bari mu ruzinduko mu Rwanda. Bavuga ko nubwo bubaha ubutabera bw\u2019u Rwanda bitababuza kuvuga ibyo batekereza ku manza zimwe na zimwe zirimo n’urubanza rw’umunyapolitike Paul Rusesabagina.<\/p>\n
Aba badepite basuye u Rwanda nyuma y’igihe gito gishize, inteko nshingamategeko y\u2019Umuryango w\u2019Ubumwe bw\u2019Uburayi isabye Leta y\u2019u Rwanda kurekura no kohereza Paul Rusesabagina mu Bubiligi.<\/p>\n
Ni umwanzuro watowe ku bwiganze buri hejuru mu nama yahuje abadepite b\u2019iyo nteko. Kuri uyu wa kane, abagize itsinda ry\u2019abadepite bagize komisiyo ishinzwe iterambere basuye inteko ishinga amategeko y\u2019u Rwanda, bagirana ibiganiro n\u2019abagize Biro y\u2019umutwe w\u2019abadepite mu Rwanda.<\/p>\n
Ibiganiro by\u2019aba bayobozi byabereye mu muhezo, ariko nyuma y\u2019ibiganiro abagize inteko ku mpande zombi bagiranye ikiganiro n\u2019abanyamakuru. Uwaje ahagarariye iryo tsinda, Depite Norbert Neuser yabajijwe icyo avuga kuri dosiye ya Rusesabagina, asobanura ko atari mu bari bashyigikiye iki cyemezo, gusa yumvikanisha ko bafite uburenganzira bwo kuvuga uko bumva ibintu.<\/p>\n
Aragira ari\u201d ni icyemezo cyanyu, muri igihugu kigenga, mufite Abadepite mufite Guverinoma, mufite inkiko zanyu ntabwo twaje kubaha amasomo gusa twaberetse uko tubona ibintu.\u201d<\/p>\n
Abadepite bagize komisiyo y\u2019umuryango w\u2019ubumwe bw\u2019iburayi, bari batoye umwanzuro usaba ko Rusesabagina yarekurwa agacyurwa mu Bubiligi. Abo badepite bakavuga ko bikwiye gukorwa nk\u2019igikorwa cy\u2019ubutabazi hatitawe ku kuba ari umwere cyangwa se ahamwa n\u2019ibyaha.<\/p>\n
Perezida w\u2019inteko ishinga amategeko y\u2019u Rwanda, Donatilla Mukabalisa, yavuze ko abantu bakwiye kujya baganira mu buryo bwo kubahana. Nyuma y\u2019imyanzuro yatowe n\u2019abadepite b\u2019ubumwe bw\u2019iburayi, abadepite n\u2019abasenateri bo mu Rwanda bafatiye hamwe umwanzuro wo gusubiza ibyo inteko y\u2019ubumwe bw\u2019uburayi yavuze ku bijyanye na Paul Rusesabagina ko nta cyizere ko azahabwa ubutabera.<\/p>\n
Inteko y\u2019u Rwanda yasabye ko uyu mwanzuro uvaho kuko udahuje n\u2019ukuri. Yerekanye ko iyo nteko yirengagije amategeko y\u2019u Rwanda, mpuzamahanga n\u2019amasezerano anyuranye u Rwanda rwasinye. Bongeraho ko umwanzuro wafashwe ku Rwanda ugaragaza ukubogamira kuri Rusesabagina kuko afite ubwenegihugu bwa kimwe mu bihugu by\u2019Uburayi.<\/p>\n
Iri tsinda ry\u2019aba badepite bari mu Rwanda, ni abagize komisiyo ishinzwe iterambere. Bari mu Rwanda kuva mu ntangiriro y’iki cyumweru. Bazanywe no kureba ibikorwa umuryango w\u2019ubumwe bw\u2019ibihugu by\u2019uburayi utera inkunga Leta y\u2019u Rwanda.<\/p>\n
Inkuru y’Umunyamakuru w’Ijwi ry’Amerika mu Rwanda, Assumpta Kaboyi<\/p>\n