Ku gicamunsi cyo kuri uyu wa Mbere, Urukiko rwisumbuye rwa Nyarugenge ruri I Kigali mu Rwanda rwategetse ko umunyapolitiki utavuga rumwe n\u2019ubutegetsi buriho Bwana Christopher Kayumba akomeza gufungwa by\u2019agateganyo mu gihe agitegereje kuburana urubanza mu mizi.<\/p>\n
Ubushinjacyaha bumurega ibyaha byo gusambanya umuntu mukuru ku gahato. Uregwa arabihakana akavuga ko bishingiye ku nyungu za politiki. Bwana Kayumba yari yajuririye icyemezo cy\u2019umucamanza wa mbere avuga ko kibogamye.<\/p>\n
Mu cyemezo cy\u2019umucamanza mu rukiko rwisumbuye rwa Nyarugenge yavuze ko Kayumba arewgwa ibyaha by\u2019ubugome kandi ko hari abatangabuhamya babimushinja. Ikindi umucamanza yemeje nuko Kayumba atabashije kugaragaza ko haba hari amategeko yirengagijwe ku rwego rwa Mbere. Kuvuga ko ibyo aregwa bishingiye kuri politiki, urukiko ruvuga ko nta shingiro kuko ibyo aregwa bifite ibimenyetso.<\/p>\n
Umunyapolitiki Kayumba ubushinjacyaha bumurega ko mu mwaka wa 2012 yasambanyije ku gahato uwari umukozi we wo mu rugo. Bumurega kandi ko mu mwaka wa 2017 na bwo yashatse gusambanya ku gahato umwe mu bakobwa yigishaga muri kaminuza mu ishuli ry\u2019itangazamakuru.<\/p>\n
Kayumba we arabihakana akavuga ko byose bishingiye ku nyungu za politiki. Asobanura ko mu kwezi kwa Gatatu uyu mwaka akimara gutangiza ishyaka rya politiki ritavuga rumwe n\u2019ubutegetsi riharanira demokarasi mu Rwanda ari bwo hahise hazamuka ibirego bimushinja. Kayumba avuka ko mu bihe bitandukanye mbere y\u2019uko afungwa yahuye n\u2019abantu bakomeye mu butegetsi bamuburira ko yagombye kwitandukanya n\u2019ishyaka rye yabyanga akazafungwa kandi ko nta cyo inkiko zizabikoraho.<\/p>\n
Bubaye ubugira kabiri umunyapolitiki Kayumba afungwa. Kuva mu mpera z\u2019umwaka wa 2019 kugeza mu mpera za 2020 yafunzwe aregwa guteza umutekano muke ku kibuga mpuzamahanga cy\u2019indege cya Kigali. Nyuma yo kujuririra igihano yahawe kuko avuga ko nta cyo urukiko rwagishingiyeho, urukiko rwajuririwe rwategetse ko icyemezo gihama uko kiri ni ko kwandikira urukiko rukuru asaba gusubiraishamo urubanza ku mpamvu z\u2019akarengane. Yafunzwe atarabona igisubizo kuri iyi ngingo.<\/p>\n
Mbere gato yo gushinga ishyaka , Kayumba yari yandikiye Umukuru w\u2019u Rwanda Paul Kagame ibaruwa ndende ifunguye amugaragariza uruhuri rw\u2019ibibazo byagombye gukosorwa mu nzego zigize ubuzima bw\u2019igihugu. Ni ibaruwa atigeze ahabwaho igisubizo. Na nyuma yo gutangiza ishyaka riharanira demokarasi mu Rwanda (Rwandese Platform for Democracy), Kayumba yumvikanye kenshi atarya umunwa mu kunenga imigenzereze y\u2019ubutegetsi buriho mu Rwanda.<\/p>\n
Mu mirimo yakoze atarinjira muri politiki, Bwana Christopher Kayumba yari umwalimu muri kaminuza y\u2019u Rwanda mu ishuli ry\u2019itangazamakuru icyarimwe akora n\u2019ibikorwa by\u2019ubushakashatsi ndetse akanandika mu kinyamakuru \u201cthe Chronicles\u201d yari yarashinze cyandika mu rurimi rw\u2019Icyongereza. Itariki y\u2019urubanza mu mizi ntiratangazwa.<\/p>\n
VOA<\/p>\n","protected":false},"excerpt":{"rendered":"
Ku gicamunsi cyo kuri uyu wa Mbere, Urukiko rwisumbuye rwa Nyarugenge ruri I Kigali mu Rwanda rwategetse ko umunyapolitiki utavuga rumwe n\u2019ubutegetsi buriho Bwana Christopher Kayumba akomeza gufungwa by\u2019agateganyo mu gihe agitegereje kuburana urubanza mu mizi. Ubushinjacyaha bumurega ibyaha byo gusambanya umuntu mukuru ku gahato. Uregwa arabihakana akavuga ko bishingiye ku nyungu za politiki. Bwana […]<\/p>\n","protected":false},"author":2,"featured_media":40395,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-44090","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n