{"id":44186,"date":"2021-11-27T22:38:27","date_gmt":"2021-11-27T20:38:27","guid":{"rendered":"https:\/\/www.therwandan.com\/ki\/?p=44186"},"modified":"2021-11-27T23:25:51","modified_gmt":"2021-11-27T21:25:51","slug":"umuherwe-bill-browder-yinjiye-mu-kibazo-cya-paul-rusesabagina","status":"publish","type":"post","link":"https:\/\/www.therwandan.com\/ki\/umuherwe-bill-browder-yinjiye-mu-kibazo-cya-paul-rusesabagina\/","title":{"rendered":"Umuherwe Bill Browder yinjiye mu kibazo cya Paul Rusesabagina"},"content":{"rendered":"

Yanditswe Nkurunziza Gad<\/strong><\/p>\n

Umwongereza ufite ubwenegihugu bwa Amerika, Bill Browder yatangaje ko yagiranye ibiganiro n\u2019abakobwa ba Paul Rusesabagina ufungiye mu Rwanda mu buryo\u00a0<\/i>Umuryango<\/i>\u00a0we\u00a0<\/i>uvuga ko\u00a0<\/i>bunyuranyije n\u2019amategeko.<\/i><\/p>\n

Kuwa kane w\u2019iki cyumweru tariki 24\/11\/2021 nibwo Bill Browder,\u00a0<\/em>umudepite w\u2019umwongereza\u00a0<\/em>Baroness Helena bagiranye ibiganiro n\u2019abakobwa ba Paul Rusesabagina, ibi biganiro bikaba byarabereye mu Ngoro y\u2019Inteko ishinga amategeko mu Bwongereza.<\/p>\n

Nyuma y\u2019ibi biganiro Umuherwe Bill Browder yanditse kuri Twitter ati \u201cInama y\u2019ingirakamaro cyane yabereye mu Ngoro y\u2019Abadepite na\u00a0Baroness Helena Kennedy hamwe n\u2019abakobwa ba Paul Rusesabagina (intwari ya Hotel Rwanda) .\u201d<\/em><\/p>\n

Yakomeje avuga ko baganiriye ku gihano ndetse n\u2019ifungwa rinyuranije n\u2019amategeko abayobozi b\u2019u Rwanda bahaye Paul Rusesabagina mu buryo bunyuranyije n\u2019amategeko.<\/p>\n

Bill Browder w\u2019imyaka 57 y\u2019amavuko ni umuherwe ufite ibigo bitandukanye by\u2019ubucuruzi niwe washinze ikigo cya Hermitage Capital Management, akaba kandi ari n\u2019impirimbanyi ya politike mu ruhando mpuzamahanga.<\/p>\n

Uko dosiye ya Paul Rusesabagina ihagaze magingo aya<\/strong><\/p>\n

Bwana Paul Rusesabagina w\u2019imyaka 67\u00a0yamenyekanye ku isi nyuma y’inkuru ye yashingiweho filime ‘Hotel Rwanda’<\/em>, ivuga ko yarokoye abantu barenga 1,200 mu gihe cya jenoside yo mu Rwanda mu 1994.<\/p>\n

Rusesabagina amaze kwitwa ‘Intwari’, yumvikanye anenga ubutegetsi bw’u Rwanda, mu 2007 yavuze ko hakwiye kujyaho urukiko rwa ONU\/UN rwaburanisha bamwe mubo muri FPR ku byaha bya jenoside.<\/p>\n

Mu 2014, muri kaminuza ya Michigan muri Amerika, yavuze ko amatsinda y’abari mu ngabo za FPR-Inkotanyi yishe ibihumbi amagana by’impunzi z’Abahutu muri DR Congo. Ubwicanyi uruhande rwa FPR rwahakanye.<\/p>\n

\u00a0Yashimutiwe n\u2019u Rwanda i Dubai mu kwezi kwa munani 2020 nyuma yo kugambanirwa nuwo yitaga inshuti ye, umurundi Constantin Niyomwungere.<\/p>\n

Tariki ya 31\/8\/2020 nibwo Leta ya Kigali yamwerekanye imbere y\u2019abanyamakuru.<\/p>\n

Uruhande rwe ruvuga ko yashimuswe i Dubai akazanwa mu Rwanda ku ngufu mu kwezi kwa munani 2020.<\/p>\n

Perezida Kagame we yavuze ko kumufata byabaye nko “guhamagara numero itari yo”<\/em> kuri we, ndetse avuga ko “ari we ubwe wizanye”.<\/em><\/p>\n

Imbere y\u2019ubutabera bw\u2019u Rwanda, yareganwaga hamwe n\u2019abantu 20 bivugwa ko bahoze ari abarwanyi b\u2019 umutwe wa MRCD\/FLN\u00a0, bakaba barashinjwaga ibyaha by\u2019iterabwoba no gushaka kugirira nabi ubutegetsi buriho mu Rwanda.<\/p>\n

Uru rubanza rugikubita Rusesagina ntiyarutinzemo, mu kwezi kwa gatatu yavuze ko “nta butebera ategereje”<\/em> mu rukiko rukuru rwaruburanishije, avuga ko atazarugarukamo.<\/p>\n

Mbere yo kwikura mu rubanza, Rusesabagina ntiyahakanye ihuriro na FLN, yavuze ko “twayishinze nk’umutwe wa gisirikare, ntitwayishinze nk’umutwe w’iterabwoba.”<\/em><\/p>\n

Tariki 20\/9\/2021, Paul Rusesabagina yakatiwe igifungo cy\u2019imyaka 25 ahamijwe ibyaha byo kuba mu mutwe w’iterabwoba no gukora iterabwoba.<\/p>\n

Nyuma yo gukatirwa, Anaise Kanimba, umukobwa wa Rusesabagina, yavuze ko imyaka 25 kuri se w’imyaka 67 “ingana no gufungwa burundu kuri gereza tuzi zo mu Rwanda”<\/em>.<\/p>\n

Amahanga yamaganye ishimutwa rya Paul Rusesabagina<\/strong><\/p>\n

Minisitiri w\u2019Intebe wungirije akaba na Minisitiri w\u2019Ububanyi n\u2019Amahanga w\u2019u Bubiligi, Sophie Wilm\u00e8s, ni umwe mu bagaragaje ugushyigikira Rusesabagina kugeza ku munsi yakatiwe n\u2019Urukiko.<\/p>\n

Rusesabagina akimara gukatirwa imyaka 25 y\u2019igifungo, Minisitiri Sophie Wilm\u00e8s yahise asohora itangazo rivuga ko nyuma y\u2019inshuro nyinshi u Bubiligi bwagaragaje impungenge kuri iki kibazo \u201cRusesabagina atigeze yungukira ku ihame ry\u2019ubutabera buboneye by\u2019umwihariko ku ngingo y\u2019uburenganzira bwo kunganirwa\u201d.<\/em><\/p>\n

Itangazo rye rivuga ko ihame ry\u2019uko umuntu utarahamwa n\u2019icyaha aba akiri umwere ritigeze ryubahirizwa mu rubanza rwa Rusesabagina, ibintu ngo bituma imikirize y\u2019urubanza rwe yibazwaho.<\/p>\n

Umuryango uharanira uburenganzira bwa muntu, Human Rights Watch (HRW), uvuga ko ifatwa rya Paul Rusesabagina uri mu bakomeye batavuga rumwe n’ishyaka riri ku butegetsi mu Rwanda (FPR) ryakozwe mu buryo bwo “kunyuruzwa ku ngufu”<\/em>.<\/p>\n

Tibor Nagy, umunyamabanga wungirije ushinzwe ibiro by’ibirebana na Afurika mu bubanyi n’amahanga bwa Amerika, avuga ko Amerika yiteze ko Paul Rusesabagina afatwa kimuntu. Ibi akaba yarabivugiye mu biganiro yagiranye na Mathilde Mukantabana, ambasaderi w’u Rwanda muri Amerika.<\/p>\n

Icyo gihe,\u00a0Nagy yanditse kuri Twitter ko :“Leta Zunze Ubumwe za Amerika ziteze ko leta y’u Rwanda izafata kimuntu, hakurikijwe amategeko, kandi igatanga ubucamanza butabera kandi mu mucyo kuri Bwana Rusesabagina.”<\/em><\/p>\n

Inteko ishingamategeko y’Ubumwe bw’Uburayi (EU) nayo yamaganye urubanza rwaciriwe Paul Rusesabagina n’uburyo yagejejwe mu Rwanda, isaba umuryango w’ibyo bihugu kongera umuhate wayo ngo arekurwe.<\/p>\n

Fondasiyo ya Lantos iharanira uburenganzira bwa muntu n\u2019ubutabera, nayo yasabye Ministeri y\u2019Ububanyi n\u2019Amahanga y\u2019Ubwongereza kutemera Ambasaderi u Rwanda ruherutse gushyiraho ngo aruhagararire mu Bwongereza.<\/p>\n

Uwo Fondasiyo Lantos, ifite ikicaro cyayo i Washington, itunga agatoki ni Johnson Busingye, bakaba bamushinja guhohotera uburenganzira bwa kiremwamuntu ikanasaba ko yakorwaho iperereza.<\/p>\n

Perezida wa Fondasiyo ya Lantos, Madame Katrina Lantos Swett ni we wandikiye Ministiri w\u2019Ububanyi n\u2019Amahanga w\u2019Ubwongereza, Dominic Raab. Mu rwandiko rwe, ashingiye ku bimenyetso bigaragara, Madame Lantos yashimangiye ko Ambasaderi Johnson Busingye yagize uruhare rukomeye mu ishimutwa rya Bwana Paul Rusesabagina, mu mpera z\u2019ukwezi kwa munani muri 2020.<\/p>\n