Lt. Mutabazi na bagenzi be 14 bongeye kugaragara imbere y\u2019Urukiko rwa Gisirikare i Nyamirambo baburana urubanza rw\u2019ifungwa ry\u2019agateganyo. Uyu munsi mu rukiko umubare w\u2019ababurana wiyongereyeho abantu batatu, Urukiko kandi rwategetse ko urubanza ruzajya ruburanishwa mu muhezo nyuma y\u2019aho byari bisabwe n\u2019Ubushinjacyaha bwa gisirikare.<\/i><\/p>\n
Nk\u2019uko byari biteganyijwe ko kuri uyu wa mbere tariki ya 2 Ukuboza, 2013 urubanza rusubukurwa, nyuma y\u2019aho rwari rwasubitswe ku wa 25 Ugushyingo ku mpamvu bwite z\u2019urukiko, none Lt. Mutabazi na bagenzi be bitabye urukiko.<\/p>\n
Imbere y\u2019imbaga y\u2019abantu bari bitabiriye urubanza, barimo abanyamakuru, abahagarariye igihugu cy\u2019U Bwongereza, U Buholandi n\u2019Amerika na bamwe mu bafitanye isano n\u2019abaregwa, Urukiko rwibukije Lt Mutabazi na bagenzi be ibyaha baregwa.<\/p>\n
Ibi byaha birimo icyo Gutoroka igisirikare, gutunga intwaro n\u2019amasasu ku buryo butemewe n\u2019amategeko, impuha zigamije kwangisha leta iriho amahanga, kugambirira kugirira nabi leta, iterabwoba, n\u2019icyo kurema umutwe w\u2019abagizi ba nabi harimo kandi n\u2019icyo gushishikariza kujya mu ngabo zitemewe na leta.<\/p>\n
Buri umwe mu baregwa uko ari 18 yagendaga abwirwa ibyaha aregwa kandi akabazwa n\u2019inteko iburanisha urubanza ikuriwe na Cap. Charles Sumayi icyo abivugaho (kubyemera cyangwa kubihakana).<\/p>\n
Lt Mutabazi witiriwe urubanza, yibukijwe ibyaha byose aregwa maze mu ruhamwe arerura avuga ko byose ntanakimwe yemera. Ibi kandi byabaye no kuri mugenzi we wasezeye mu gisirikare cya RDF, Kalisa Innocent ushinjwa ubufatanyacyaha mu byaha Lt. Mutabazi aregwa, na we akaba yahakanye ibyaha byose aregwa.<\/p>\n
Ku rundi ruhander ariko muri bamwe mu baregwa hari abemeye bimwe mu byaha baregwa ndetse uwitwa Nshimiyimana Joseph yemereye imbere y\u2019Urukiko rwa Gisirikare ibyaha aregwa birimo icyo kugambirira kugirira nabi ubutegetsi, iterabwoba, inyandiko mpimbano, kwemera kujya mu ngabo zitemewe na leta n\u2019icyo ubwinjiracyaha mu bwicanyi.<\/p>\n
Nyuma y\u2019aho bamwe bari bamaze kwemera ibyaha abandi babihakanye, mbere kandi y\u2019uko urubanza rw\u2019ifungwa ry\u2019agateganyo rutangira, Ubushinjacyaha bwa gisirikare bwari bukuriwe na Major Paciphique Kabanda, bugendeye ku ngingo iya 102 n\u2019iya 150 zo mu gitabo cy\u2019amategeko cy\u2019ibyaha nshinjabyaha bwasabye ko urubanza ruburanishwa mu muhezo.<\/p>\n
Ibi ngo bikaba ari uko urubanza ubwarwo rurebana n\u2019umutekano w\u2019igihugu ndetse ngo hari ngo abantu batagaragaza imico y\u2019imbonezabupfura.<\/p>\n
Gusa ibi byaje guterwa utwatsi na Maitre Mukamusoni Antoinette wunganira Lt. Joel Mutabazi avuga ko ingingo ya 19 y\u2019Itegeko Nshinga rya Repubulika y\u2019u Rwanda rivuga ko\u00a0\u201cUmuntu wese ukiri imbere y\u2019ubutabera aba ari umwere,\u201d<\/i>\u00a0kandi ngo iri ni ryo tegeko riruta ayandi bityo icyifuzo cy\u2019ubushinjacyaha cyateshwa agaciro.<\/p>\n
Nyuma Urukiko rwabajije Lt. Mutabazi icyo abivuga ko avuga ko urubanza rwabera mu ruhame ngo kuko rubereye mu muhezo hari ingaruka byagira n\u2019ubwo ngo atize iby\u2019amategeko.<\/p>\n
Nyuma y\u2019umwiherero wamaze igihe urukiko rwategetseko urubanza rubera mu muhezo wa buri wese uretse abaregwa n\u2019ababunganira mu mategeko, maze rutegeka ko buri wese uteri muri abo asohoka.<\/p>\n
Uru rubanza rwa Lt. Joel Mutabazi arureganwamo na Kalisa Innocent wasezerewe mu gisirikare abandi 16 ni abasivile. Muri aba bose haregwamo abo mu gitsina gore bane barimo Gasengayire Diane, Nizeyimana Pelagie, Murekeyisoni Dative na Mutuyimana Marie Grace.<\/p>\n
UMUSEKE kandi wamenye ko mu baregwa hari abafitanye isano mu muryango na Lt. Mutabazi, barimo umuvandimwe we, umukobwa uvukana n\u2019umugore we ndetse na nyirarume we Mutamba Eugene.<\/p>\n
Mu baregwa kandi harimo abari abanyeshuri muri Kaminuza, ndetse UMUSEKE ufite amakuru y\u2019uko harimo umukobwa n\u2019umuhungu bifuzaga kuzashingana urugo.<\/p>\n
Joel Mutabazi yari umwe muri ba mudahusha (snipers) bari mu rwego rwa mbere mu mutwe w\u2019ingabo zishinzwe gucunga umutekano w\u2019umukuru w\u2019igihugu.<\/p>\n
Kuri uyu munsi urubanza rukaba rwatangiye rukerereweho isaha n\u2019iminota 15 harimo iminota 45 y\u2019ubukerererwe bw\u2019inteko iburanisha gusa Cap. Charles Sumayi yasabye abari bitabiriye urubanza imbabazi avuga ko ubukerererwe bwatewe n\u2019indi mirimo y\u2019urukiko.<\/p>\n
Undi mwanya uhagije wafashwe n\u2019abaregwa bajya mu bwiherero umwe ku wundi. Urebye mu bigaragara abaregwa nta kibazo bafite, bahabwaga umwanya wo kuvuga ndetse abafite ibibazo bitabemera guhagarara umwanya munini bemerewe kuburana bicaye.<\/p>\n
HATANGIMANA Ange Eric
\nSource:UMUSEKE.RW<\/b><\/p>\n","protected":false},"excerpt":{"rendered":"
Lt. Mutabazi na bagenzi be 14 bongeye kugaragara imbere y\u2019Urukiko rwa Gisirikare i Nyamirambo baburana urubanza rw\u2019ifungwa ry\u2019agateganyo. Uyu munsi mu rukiko umubare w\u2019ababurana wiyongereyeho abantu batatu, Urukiko kandi rwategetse ko urubanza ruzajya ruburanishwa mu muhezo nyuma y\u2019aho byari bisabwe n\u2019Ubushinjacyaha bwa gisirikare.<\/p>\n","protected":false},"author":4,"featured_media":4428,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-4427","post","type-post","status-publish","format-standard","has-post-thumbnail","hentry","category-amakuru"],"yoast_head":"\n