{"id":44625,"date":"2022-01-07T23:16:56","date_gmt":"2022-01-07T21:16:56","guid":{"rendered":"https:\/\/www.therwandan.com\/ki\/?p=44625"},"modified":"2022-01-07T23:19:25","modified_gmt":"2022-01-07T21:19:25","slug":"abanyapolitike-n-inkintanga-muri-miliyoni-habonekamo-umwe-gusa-muzimaumuhanzi-diplomate","status":"publish","type":"post","link":"https:\/\/www.therwandan.com\/ki\/abanyapolitike-n-inkintanga-muri-miliyoni-habonekamo-umwe-gusa-muzimaumuhanzi-diplomate\/","title":{"rendered":"\u201cAbanyapolitike ni nk\u2019intanga muri miliyoni habonekamo umwe gusa muzima\u201d: Umuhanzi Diplomate"},"content":{"rendered":"

Yanditswe na Nkurunziza Gad<\/strong><\/p>\n

Umuhanzi Nuru Fassassi uzwi ku izina rya Diplomate, ufatwa nk\u2019umwami w\u2019injyana ya Hip Hop mu Rwanda, nyuma y\u2019imyaka ibiri adakora mu nganzo yasohoye indirimbo yise \u2018Kalinga\u2019 ikubiyemo amagambo akomeye bamwe bise \u2018ubuhanuzi\u2019.<\/p>\n

Muri iyi ndirimbo imaze iminsi ibiri gusa isohotse, Diplomate yatangiye avuga ati \u00a0\u201cAbanyapolitike ni nk\u2019 ink\u2019intanga muri miliyoni habonekamo umwe gusa muzima, abatagamburuzwa n\u2019ifaranga ni bacye\u00a0benshi ribavuna amavi rikabavana ku izima.\u201d<\/em><\/p>\n

Uyu muhanzi ukunze kuzimiza mu bihangano bye, muri iyi ndirimbo hari aho agera akavuga ko ati \u201cTubona urwa gasabo rutagira impuhwe, inka zicitse ku mabuga, urukiga rugatandukana na nduga [\u2026]Umwana ashobora konka amashereka ya nyina agombye kuyishyurira iki? umuremyi uhebuje yaduhereye ubuntu nyuma umuntu ati nta kuntu tugomba gusaranganya buri wese agomba kwishyurira kuba kuri iyi si capitalism ni vampire itunyunyuza imitsi.\u201d<\/em><\/p>\n

Yakomeje avuga ati \u201cBaca politike ya kalinga ngo irenganya benshi ikarengera bamwe haza repuburika turaririmba nayo irimbura benshi inagarika ingogo [\u2026]Umukino wa politike ni nk\u2019umukino wo gufata ku ngufu ni birebire ibyawo ntiwabyishinga iby\u2019abarimo gufata ku ngufu\u00a0 n\u2019ababarwanira.\u201d<\/em><\/p>\n

Arakomeza ati \u201cAbanyapolitike ni nk\u2019abakinnyi b\u2019umupira akora amakosa agasizora ahakana umujinya akawurusha inshira.\u201d<\/em><\/p>\n

\u201cHari n\u2019uhitamo kubika ubwato kubera ko gusa atari umusare\u201d<\/strong><\/p>\n

Yakomeje avuga ko mu bihe bimwe na bimwe abo banyapolitike bakoresha inguzu za \u2018Bullet\u2019 n’ubundi bubasha butandukanye bagamije kwigwizaho imbaraga zo guhangana n\u2019abo bahanganye.<\/p>\n

Yakomeje avuga ko nkundura ya politike y\u2019amashyaka menshi ati \u201cIyi nkundura ya politike y\u2019amashyaka menshi ,repuburika na demukarasi byazanye amakare tubikesha byinshi bitahozeho kuva na kare hari n\u2019uhitamo kubika ubwato kuko gusa atari we musare.\u201d<\/p>\n

\u201cSi indirimbo ni ubuhanuzi\u201d<\/strong><\/p>\n

Ku mbuga nkoranyambaga zitandukanye abantu bacitse ururondogora batanga ibitekerezo kuri iyi ndirimbo, bamwe bati uyu muhungu yakojeje agati mu ntozi, abandi bati si indirimbo ni ubuhanuzi mu gihe hari n\u2019abari kuvuga bati \u2018Biramukoraho\u201d<\/p>\n

Hari uwavuze ati \u201cBurya rero abahanzi ni abahanga urabona ko uyu muhungu ari gucyurira abayobozi bacu avuga ko nta muzima ubarimo\u2026.avuga ko bagaritse ingongo, ariko kubera ko aba yabivuze ajimije ntawapfa kumenya icyo yavuze.\u201d<\/em><\/p>\n

Undi ati \u201cWa muhungu we urashaka gukurikira Kizito? Umunsi aririmba umujinya mwiza, akongeraho ko nta rupfu rwiza rubaho yahise aba umwanzi w\u2019ingoma. None nawe uzanye igihangano kirimo amagambo ajimije ariko afite uwo abwira uti \u2018Abanyapolitike ni nk\u2019intanga muri miliyoni habonekamo umwe gusa muzima\u2026.\u00a0Umwana ashobora konka amashereka ya nyina agombye kuyishyurira iki?.. Umukino wa politike ni nk\u2019umukino wo gufata ku ngufu\u2026 Tubona urwa gasabo rutagira impuhwe, inka zicitse ku mabuga. Birabe ibyuya ntibibe amaraso da.\u201d<\/em><\/p>\n

Mu bihe bya cyera ndetse n\u2019iby\u2019ubu ahanzi b\u2019abanyarwanda bagiye bakora mu nganzo mu buryo bujimije ariko bafite ubutumwa runaka bashaka gutanga ndetse bafite n\u2019uwo babugeneye.<\/p>\n

Imvugo yabo ijimije ikumvwa na bamwe babijyanishije n\u2019irari ryabo mu gihe hari n\u2019abandi basesengura ijambo ku ijambo bakaba babasha gusanisha ubutumwa buri mu gihangano n\u2019ibihe igihugu kirimo cyangwa cyanyuzemo.<\/p>\n