{"id":45048,"date":"2022-02-16T12:57:22","date_gmt":"2022-02-16T10:57:22","guid":{"rendered":"https:\/\/www.therwandan.com\/ki\/?p=45048"},"modified":"2022-02-16T13:02:51","modified_gmt":"2022-02-16T11:02:51","slug":"dosiye-yiperereza-ku-ndege-ya-juvenal-habyarimana-yafunzwe-nurukiko","status":"publish","type":"post","link":"https:\/\/www.therwandan.com\/ki\/dosiye-yiperereza-ku-ndege-ya-juvenal-habyarimana-yafunzwe-nurukiko\/","title":{"rendered":"Dosiye y’iperereza ku ndege ya Juv\u00e9nal Habyarimana yafunzwe n’urukiko"},"content":{"rendered":"

Urukiko rusesa imanza mu Bufaransa rwategetse ko dosiye y’iperereza ku iraswa ry’indege y’uwari Perezida w’u Rwanda Juvenal Habyarimana ifungwa.<\/em><\/p>\n

Dosiye y’iyi ndege yari irimo ba Perezida Habyarimana na Cyprien Ntaryamira w’u Burundi yateje umwiryane hagati y’ubutegetsi bwa Kigali na Paris mu myaka 20 ishize.<\/p>\n

Umwanzuro w’uru rukiko – rwa nyuma rwo kujuririramo imanza mu Bufaransa – ushyize iherezo ku iperereza ku bagize uruhare mu iraswa ry’iriya ndege mu nkiko z’Ubufaransa.<\/p>\n

Mu 2020 urukiko rw’ubujurire i Paris rwari rwafashe umwanzuro nk’uyu.<\/p>\n

Icyo gihe abunganira umuryango wa Juvenal Habyarimana hamwe na bamwe mu bafaransa b’abakozi b’indege bari bayirimo bagejeje ikirego muri uru rukiko rusesa imanza.<\/p>\n

Abunganira impande zombi bavuze iki?<\/strong><\/p>\n

Me Bernard Maingain wunganira uruhande rw’abarezwe bo mu butegetsi bwa Kigali yavuze ko iri ari iherezo ku myaka myinshi “y’ibinyoma ku bakiriya banjye”.<\/p>\n

Yabwiye BBC Gahuzamiryango ati: “Iyi dosiye irangiye uko yagombaga kurangira, aribyo ko abakiriya bacu ntacyo bakurikiranweho n’inkiko z’Ubufaransa mu buryo budasubirwaho.<\/p>\n

“Nkubutse i Kigali, ariko nakumenyesha ko abakiliya banjye bari barambiwe iyi dosiye\u2026ubu rero noneho ijambo rirafunguye tugiye kumenya ibyabaye.”<\/p>\n