{"id":45172,"date":"2022-03-05T03:45:55","date_gmt":"2022-03-05T01:45:55","guid":{"rendered":"https:\/\/www.therwandan.com\/ki\/?p=45172"},"modified":"2022-03-05T03:46:46","modified_gmt":"2022-03-05T01:46:46","slug":"iminyorogoto-nibinyenzi-muri-hotel-mu-rwanda-byatumye-umunya-danmark-ahazinukwa","status":"publish","type":"post","link":"https:\/\/www.therwandan.com\/ki\/iminyorogoto-nibinyenzi-muri-hotel-mu-rwanda-byatumye-umunya-danmark-ahazinukwa\/","title":{"rendered":"Iminyorogoto n\u2019ibinyenzi muri Hotel mu Rwanda byatumye umunya-Danmark ahazinukwa"},"content":{"rendered":"

Yanditswe na Nkurunziza Gad<\/strong><\/p>\n

Louis Bendixen, ukomoka muri Danmark witabiriye Tour du Rwanda 2022 avuga ko ubwiza bw\u2019u Rwanda buhabanye na Hotel yacumbitsemo, akarazwa mu cyumba cyuzuyemo ibinyenzi n\u2019iminyorogoto.<\/p>\n

Abinyujije ku mbuga nkoranyambaga, Louis Bendixen uherutse muri Tour du Rwanda yasojwe mu mpera z\u2019icyumweru gishize, yavuze ko yakunze u Rwanda kubera ubwiza bwarwo ariko ko hoteli yacumbitsemo yayizinutswe kubera serivisi mbi yahawe.<\/p>\n

Amafoto yakwirakwijwe ku mbuga nkoranyambaga bivugwa ko yafashwe na Louis agaragaza ibinyenzi n\u2019iminyorogoto bigendagenda mu cyumba cya Hotel Hilltop yararagamo, umwanda nawo unuma impande zose.<\/p>\n

Uyu munyonzi yanditse kuri twitter ati \u201cWakwishimira kugaruka mu gihugu gitangaje nk\u2019u Rwanda, ariko ntiwakumbura kugaruka muri Hotel nkiyo twarimo muri Tour du Rwanda.\u201d<\/em><\/p>\n

Hagati aho Ikigo gishinzwe Iterambere mu Rwanda \u2018RDB\u2019 cyatangaje ko cyaciye amande y\u2019amafaranga ibihumbi 300 Hotel Hilltop kubera service mbi bahate ababagana. RDB ivuga ko nyuma yo kubaca aya manda yanabihangirije.<\/p>\n

Si ubwa mbere havuzwe ikibazo cy\u2019isuku nke mu mahotel yo mu Rwanda, kuko no mu mwaka ushize wa 2021, bamwe mu bakinnyi bari bitabiriye irushanwa rya Basketball bijujutiye ko barajwe muri hotel zifite umwanda.<\/p>\n

\"\"<\/a>Umwe mu bakinnyi b\u2019ikipe ya Guinea yanditse kuri twitter ati \u201cBirababaje cyane, hotel turaramo ifite umwanda ukabije ibyo turyamamo biranuka cyane.\u201d<\/p>\n

Mu gihe bamwe mu basura u Rwanda bakomeje kwinubira isuku yo muri Hotel bacumbikamo hari n\u2019abandi binubira isuku y\u2019ibiryo barya muri za Restaurent kuko bibatera inzoka zo mu nda zirimo na amibe.<\/p>\n

Muri Kamena 2022 mu Rwanda hazabera inama mpuzamahanga y\u2019ibihugu bigize bikoresha icyongereza (Commonwealth) izwi nka CHOGM . Iyi nama yitezweho kuzitabirwa n\u2019abantu bavuye mu bihugu bigera kuri 54. Igiteye impungenge ni isuku ndetse na service bazahabwa muri hotel bazacumbikamo niba bitazasiga iki gihugu kigaragaje isura yacyo nyakuri.<\/p>\n

Leta ya Kigali ntihwema kwitaka ko ari kimwe mu bihugu biza ku isonga mu kugira isuku muri Afurika ndetse ibi byatumye umurwa mukuru w\u2019iki gihugu uhabwa ibihembo mpuzamahanga bitandukanye kubera iyo suku.<\/p>\n

N\u2019ubwo bimeze bityo ariko, abantu batandukanye bemeza ko iyo suku igarukira ku mihanda migari yo mu Mujyi wa Kigali no mu nkengero z\u2019uwo mujyi mu gihe mu ngo n\u2019ahandi hatabonwa na buri wese haba huzuye umwanda utagira ingano.<\/p>\n

https:\/\/twitter.com\/LouisBendixen\/status\/1499339903871721473<\/p>\n

\n

ANNOUNCEMENT
Following reports of poor service delivery by Hotel Hilltop and Country Club during the just concluded Tour du Rwanda, Rwanda Development Board would like to inform the general public that the establishment has been fined Rwf 300,000 and issued a warning. pic.twitter.com\/auvOx6TnzH<\/a><\/p>\n

— Rwanda Development Board (@RDBrwanda) March 1, 2022<\/a><\/p><\/blockquote>\n