{"id":45252,"date":"2022-03-15T12:38:41","date_gmt":"2022-03-15T10:38:41","guid":{"rendered":"https:\/\/www.therwandan.com\/ki\/?p=45252"},"modified":"2022-03-15T12:38:41","modified_gmt":"2022-03-15T10:38:41","slug":"gen-jean-bosco-kazura-uregwa-ubwicanyi-mu-burasiraziba-bwu-rwanda-mu-ruzinduko-mu-bufaransa","status":"publish","type":"post","link":"https:\/\/www.therwandan.com\/ki\/gen-jean-bosco-kazura-uregwa-ubwicanyi-mu-burasiraziba-bwu-rwanda-mu-ruzinduko-mu-bufaransa\/","title":{"rendered":"Gen Jean Bosco Kazura uregwa ubwicanyi mu Burasiraziba bw\u2019u Rwanda mu ruzinduko mu Bufaransa"},"content":{"rendered":"

Yanditswe na Nkurunziza Gad<\/strong><\/p>\n

Ibinyamakuru biri hafi ya Leta ya Kigali byanditse ko Umugaba mukuru w\u2019Ingabo z\u2019u Rwanda, Gen Jean Bosco Kazuba, guhera kuri uyu wa Mbere tariki 14 Werurwe, agirira ruzinduko rw\u2019iminsi itatu mu Bufaransa.<\/p>\n

Uyu musirikare ushinjwa kugira uruhare mu bwicanyi bwibasiye abaturage bo mu bwoko bw’abahutu mu Burasirazuba bw\u2019u Rwanda mu 1994, muri uru ruzinduko ntazaba ari wenyine kuko aherekejwe n\u2019abandi basirikare bakuru batatu bo mu ngabo z\u2019u Rwanda harimo Brig. Gen Patrick Karuretwa ushinzwe imikoranire mpuzamahanga mu Ngabo z\u2019u Rwanda, Brig Gen Vincent Nyakarundi, Umuyobozi ushinzwe Ubutasi bwa Gisirikare mu Ngabo z\u2019u Rwanda na Col. Jean Chrysostome Ngendahimana uyobora ishami ry\u2019imyitozo n\u2019ibikorwa mu Ngabo z\u2019u Rwanda.<\/p>\n

Uru ruzinduko rw\u2019umugaba mukuru w\u2019ingabo z\u2019u Rwanda mu bufaransa ruje nyuma y\u2019uruzinduko rw\u2019amateka Perezida w\u2019u Bufaransa Emmanuel Macron yagiriye mu Rwanda muri Gicurasi 2021, agasaba imbabazi ku ruhare igihugu cye ngo cyagize muri jenoside yo mu Rwanda.<\/p>\n

Kuva icyo gihe, U Rwanda n\u2019u Bufaransa ntawabura kuvuga ko biri mu kwezi kwa buki, nyuma y\u2019imyaka itari micye ibihugu byombi birebana ay\u2019ingwe kubera impamvu za politike.<\/p>\n

Gen Kazura ashinjwa kugira uruhare mu bwicanyi bwibasiye \u00a0abaturage b’abahutu batagira ingano mu Mutara, Gahini n\u2019ahandi<\/strong><\/p>\n

Inkuru icukumbuye yakozwe n\u2019Umunyamakuru w\u2019umunya-Canada, Judi Rever, yakoze icyegeranyo kigaragagaza uruhare rw\u2019uyu musirikare mukuru n\u2019abandi basirikare ba RDF bagize mu bwicanyi bwahitanye imbaga y\u2019Abahutu.<\/p>\n

Mbere gato y\u2019uko ingabo za RPF zigarurira igihugu na nyuma yaho, Kazura yayoboye ubwicanyi bwahitanye abahutu batagira ingano mu Burasirazuba bw\u2019u Rwanda aho avugwa cyane ni za Kiziguro, Gahini, Gabiro no mu tundi duce dutandukanye ubu ni mu Turere twa Nyagatare, Gatsibo, Kayonza na Rwamagana.<\/p>\n

Jean Bosco Kazura , umwana w\u2019umututsi wakuriye mu buhungiro mu Burundi, yinjiye mu ngabo za FPR mu 1990 akiri umusore kandi ari umunyabwenge ariko adafite uburambe mu bya gisirikare.<\/p>\n

Kubera ko yari yavugaga neza igifaransa, icyongereza n\u2019i Kinyarwanda, mu 1992 yashyizwe mu buyobozi bukuru bwa RPA aho yabaye umusemuzi wa Kagame, ahabwa inshingano zo kujya amumenyesha ikivuzwe cyose na RFI \u201cRadio France Internationale\u201d.<\/p>\n

Uyu mugabo wazamurwaga mu ntera huti huti mu mizo ya mbere ntiyahawe inshingano zikomeye kubera ko abasirikare bari baravuye i Bugande aribo bashyirwaga ku ibere mu gihe cy\u2019urugamba ndetse na nyuma yarwo, ahubwo yashingwaga imirimo akungiriza cyangwa se akaba afite uwo yungirije wavuye ibugande.<\/p>\n

Mbere gato ya 1994 na nyuma yaho yayoborwaga na Lieutenant General Patrick Nyamvumba, wahoze ari umugaba mukuru w\u2019ingabo z\u2019u Rwanda (ubu Kagame yamwigijeyo amushinja ubujura n\u2019ibindi byaha bitandukanye) akaba ari nawe wamuhaga amabwiriza yo kwica abahutu bo mu bice twavuze hajuru.<\/p>\n

Mu mwaka wa 2013, Kazura yahawe inshingano zo kuyobora ingabo z\u2019umuryango w\u2019abibumbye zishinzwe kubungabunga amahoro muri Mali \u201cMINUSMA\u201d yewe no muri Darfur, imiryango mpuzamahanga iharanira uburenganzira bwa muntu yamuvugirije induru, igaragagaza uruhare rwe mu bwicanyi bwakorewe Abahutu mu Rwanda, bituma akurwa kuri uwo mwanya igitaraganya.<\/p>\n

Umugaba w’ingabo z’u Bufaransa abinyujije kuri twitter yatangaje ko yagiranye ibiganiro na Gen Jean Bosco Kazura.<\/p>\n

\n

Entretien hier avec mon homologue rwandais, le g\u00e9n\u00e9ral Kazura. \u00c9changes de vues sur la situation s\u00e9curitaire en Afrique centrale et en Afrique australe, et sur le dialogue militaire franco rwandais. pic.twitter.com\/D9ugKD7VNC<\/a><\/p>\n

— Chef d'\u00e9tat-major des arm\u00e9es (@CEMA_FR) March 15, 2022<\/a><\/p><\/blockquote>\n