Leta ya Kongo irashinja igisirikare cy\u2019u Rwanda gufasha inyeshyamba za M23 mu bitero zikomeje kugaba ku birindiro by\u2019ingabo za leta-FARDC muri Rutshuru ho mu ntara ya Kivu ya Ruguru.<\/p>\n
Igisirikare cya Kongo kiratangaza ko hari ibimenyetso bifatika ko igisirikare cy\u2019u Rwanda kiri muri iyo ntambara ingabo za leta zihanganyemo na M23. Ibyo ni bimwe mu bikubiye mu itangazo ryasohowe n\u2019igisirikare cya Kongo-FARDC kuri uyu wa mbere, Ijwi ry\u2019Amerika yaboneye kopi bigaragara ko ryashyizweho umukono na Jenerali Ekenge Bomusa Sylvain umuvugizi wungirije wa FARDC akaba n\u2019umuvugizi wa Guverineri w\u2019intara ya Kivu ya Ruguru ubu iyobowe mu buryo bwa gisirikare.<\/p>\n
Igisirikare cya Kongo kivugamo ko mu ijoro ryo ku cyumweru tariki ya 27 rishyira uyu wa mbere tariki ya 28 y\u2019ukwezi kwa gatatu inyeshyamba za M23 zishyigikiwe n\u2019igisirikare cy\u2019u Rwanda-RDF zagabye ibitero ku birindiro bya FARDC biri mu duce twa Tchanzu na Runyonyi ho muri Teritwari ya Rutshuru.<\/p>\n
Mu byo ingabo za Kongo zishingiraho zishinja RDF kwifatanya na M23 muri ibyo bitero, nk\u2019uko Jenerali Ekenge abigarukaho muri iri tangazo, harimo abasirikare 2 bafatiwe ku rugamba ngo bemera ko ari abanyarwanda bakagaragaza nomero zibaranga mu gisirikare cy\u2019u Rwanda n\u2019imitwe babarizwamo.<\/p>\n
Abo nk\u2019uko igisirikare cya Kongo kibivuga, ni umwe ufite ipeti rya Ajida ndetse na mugenzi we w\u2019umusirikare muto bombi bemera ko ari ab\u2019u Rwanda babarizwa muri batayo ya 65 muri burigade ya 402 zibarizwa i Kibungo mu Rwanda.<\/p>\n
Gishingiye kuri ayo makuru kivuga ko , igisirikare cya Kongo kikavuga ko cyibaza aho bigana guhuriza hamwe ingufu mu bikorwa bya gisirikare n\u2019umufatanyabikorwa, M23, utubahiriza ibimureba ku byerekeye Repubulika ya Demukarasi ya Kongo ntanubahirize ibyo yiyemereye mu nama n\u2019ibiganiro byo ku nzego zose byagiye bihuza abategetsi b\u2019impande zombi.<\/p>\n
Kugeza ubu igisirikare cy\u2019u Rwanda ntacyo kiratangaza ku birebana n\u2019ibi birego byo kwifatanya na M23 gishinjwa n\u2019icya leta ya Kongo.<\/p>\n
Amakuru y\u2019ibitero bya M23 muri Tchanzu na Runyonyi yamenyekanye mu gitondo cyo kuri uyu wa mbere. Imiryango ya Sosiyete Sivile y\u2019aho yabwiye itangazamakuru ko bamwe mu baturage batuye utwo turere batangiye guta izabo, ndetse hari ababarirwa mu magana bambutse umupaka wa Bunagana bahungira mu gihugu gituranyi cya Uganda.<\/p>\n
Ibitero bya M23 muri Tchanzu na Runyonyi bije mu gihe uyu mutwe waherukaga gusohora itangazo aho washinjaga ingabo za leta ya Kongo gushotora abarwanyi bawo aho bategerereje iyubahirizwa ry\u2019amasezerano uwo mutwe wagiranye na leta arebana no gusubizwa mu buzima busanzwe.<\/p>\n
Si ubwa mbere u Rwanda ruvugwaho gushyigikira inyeshyamba za M23. Mu ntangiriro z\u2019ukwezi kwa 11 k\u2019umwaka ushize w\u20192021, ubwo izi nyeshyamba nabwo zuburaga ibitero muri teritwari ya Rutshuru, u Rwanda rwashyizwe mu majwi kuba abarwanyi bateye baba ari ho bahunze berekeza nyuma yo gutsindwa n\u2019igisirikare cya Kongo ndetse ko ari naho bari bateye baturuka.<\/p>\n
Icyakora icyo gihe igisirikare cy\u2019u Rwanda, ibyo cyarabihakanye kivuga ko \u201cnta murwanyi wa M23 wigeze uba mu Rwanda, ko ibitangazwa ari icengezamatwara-Propagande rigamije kudobya umubano w\u2019u Rwanda na Repubulika ya Demukarasi ya Kongo\u201d.<\/p>\n
VOA<\/p>\n","protected":false},"excerpt":{"rendered":"
Leta ya Kongo irashinja igisirikare cy\u2019u Rwanda gufasha inyeshyamba za M23 mu bitero zikomeje kugaba ku birindiro by\u2019ingabo za leta-FARDC muri Rutshuru ho mu ntara ya Kivu ya Ruguru. Igisirikare cya Kongo kiratangaza ko hari ibimenyetso bifatika ko igisirikare cy\u2019u Rwanda kiri muri iyo ntambara ingabo za leta zihanganyemo na M23. Ibyo ni bimwe mu […]<\/p>\n","protected":false},"author":2,"featured_media":40497,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66],"tags":[],"class_list":["post-45347","post","type-post","status-publish","format-standard","has-post-thumbnail","hentry","category-akarere"],"yoast_head":"\n