{"id":45860,"date":"2022-06-02T02:51:49","date_gmt":"2022-06-02T00:51:49","guid":{"rendered":"https:\/\/www.therwandan.com\/ki\/?p=45860"},"modified":"2022-06-02T02:51:49","modified_gmt":"2022-06-02T00:51:49","slug":"tshisekedi-na-kagame-baganiriye-kuri-telephone-na-macky-sall","status":"publish","type":"post","link":"https:\/\/www.therwandan.com\/ki\/tshisekedi-na-kagame-baganiriye-kuri-telephone-na-macky-sall\/","title":{"rendered":"Tshisekedi na Kagame baganiriye kuri telephone na Macky Sall"},"content":{"rendered":"
\n

Perezida Macky Sall wa Senegal yatangaje ko ashimira ba perezida Paul Kagame w’u Rwanda na Felix Tshisekedi wa DR Congo kubera ibiganiro bagiranye “mu gushakisha amahoro” hagati y’ibihugu byombi.<\/b><\/p>\n<\/div>\n

\n

Ni nyuma y’uko leta ya Kinshasa ishinja iya Kigali gufasha umutwe wa M23 mu ntambara wari umwaze iminsi urwana n’ingabo za leta, ibyo leta y’u Rwanda yahakanye.<\/p>\n<\/div>\n

\n

Ntabwo haratangazwa ibyo Kagame na Tshisekedi bemeranyijwe mu biganiro byabo kuri telephone na Macky Sall uvuga ko byabaye ku cyumweru no kuwa mbere.<\/a><\/p>\n

Hagati aho inyeshyamba za M23 kuva ku cyumweru zavuye mu duce twa teritwari za Rutshuru na Nyiragongo zari zirimo duhita twongera kugenzurwa n’ingabo za leta.<\/p>\n

\n

Umuvigizi wa M23 Willy Ngoma yabwiye BBC ati: “Twavuye muri utwo turere kugira ngo dutange amahoro”.<\/p>\n<\/div>\n

\n

Aho uyu mutwe ubu ufite ibirindiro ntabwo hazwi neza, ariko Radio Okapi ivuga ko ari mu mihana yegereye umupaka w’u Rwanda.<\/p>\n<\/div>\n

\n

Radio Okapi ivuga kandi ko abaturage bo mu duce dutandukanye muri teritwari za Rutshuru na Nyiragongo bari baravuye mu byabo ubu barimo gutahuka.<\/p>\n<\/div>\n

\n

‘M23 igomba kurwanywa’<\/h2>\n<\/div>\n
\n

Umuvugizi wa leta ya DR Congo, Patrick Muyaya, kuwa mbere yabwiye abanyamakuru i Kinshasa ko leta idashobora kuzagirana ibiganiro “n’abaterabwoba ba M23”.<\/p>\n<\/div>\n

\n

M23 yo ivuga ko isaba leta kubahiriza ibiri mu masezerano atandukanye yagiranye nabo kugira ngo ihagarike intambara burundu.<\/p>\n<\/div>\n

\n

Ibyo M23 isaba by’ingenzi harimo;<\/p>\n<\/div>\n

\n
    \n
  • Kuvangwa n’ingabo za leta abandi bagafashwa gusubira mu buzima busanzwe no gucyura impunzi<\/li>\n
  • Kurengera abiganjemo abanyecongo bavuga Ikinyarwanda bo mu bwoko bw’abatutsi ivuga ko bibasirwa n’inyeshyamba zitandukanye muri Rutshuru, Masisi, na Nyiragongo<\/li>\n<\/ul>\n
    \n

    Willy Ngoma uvugira M23 yabwiye BBC ati: “Ntabwo turi umutwe w’iterabwoba, kutwita kuriya ntacyo bivuze ni ibyo bo [leta] batekereza gusa.”<\/p>\n<\/div>\n

    \n

    Mu kiganiro n’abanyamakuru, Patrick Muyaya we yagize ati: “Byaba bimaze iki kuganira n’umutwe w’iterabwoba? Nta kindi gihe kigihari cyo kuganira [n’uwo mutwe].”<\/p>\n<\/div>\n

    \n

    Muyaya yongeraho ko M23 igomba kurwanywa hakoreshejwe imbaraga za gisirikare.<\/p>\n<\/div>\n

    \n

    Leta yavanye M23 mu biganiro byatangiye mu kwezi gushize i Nairobi yagiranye n’imitwe yitwaje intwaro mu burasirazuba bwa DR Congo, leta ishinja M23 gutangiza imirwano mbere y’ibyo biganiro.<\/p>\n<\/div>\n

    \n

    Ibi biganiro biteganyijwe ko bigomba gukomereza mu mujyi wa Goma.<\/p>\n