Mu Rwanda, urukiko rwisumbuye rwa Nyarugenge rwemeje ko Ishimwe Dieudonn\u00e9 uzwi nka Prince Kid akomeza gufungwa iminsi 30 y\u2019agateganyo, mu gihe iperereza ku byaha by\u2019ihohoterwa rishingiye ku gitsina ashinjwa rikomeje.<\/p>\n
Urukiko rwagaragaje ko hari impamvu zikomeye zituma uregwa akekwaho kuba yarakoze ibyaha akurikiranweho. Urukiko rwasomye umwanzuro ku gicamunsi cyo kuri uyu wa Gatanu, uregwa Ishimwe Dieudonn\u00e9 atari mu rukiko, hari umwunganira mu mategeko gusa. Ubushinjacyaha nabwo ntibwari buhari.<\/p>\n
Umucamanza yagarutse ku mpamvu zatumye Ishimwe ajurira, anasaba ko yarekurwa akaburana ari hanze. Mu mpamvu z\u2019ubujurire zatanzwe na Ishimwe n\u2019umwunganizi we Nyembo Emelinne, harimo ishingiye ku nyito urukiko rw\u2019ibanze rwa Kicukiro rwahaye ijambo \u201cHappiness.\u201d<\/p>\n
Uyu munyamategeko Nyembo yagaragaje ko ijambo “Happiness” urukiko rw\u2019ibanze rwa Kicukiro rwagenekereje rukayita ishimishamubiri, ataribyo. Me Nyembo avuga ko mu manza Nshinjabyaha hatabamo kugenekereza ijambo rihabwa igisobanuro cyaryo cy\u2019ukuri.<\/p>\n
Ishimwe yari yasobanuye mu iburanisha ryabereye mu muhezo ariko imyanzuro ikaba yasomewe mu ruhame uno munsi, ko ibyo yasabaga Divine Muheto mu butumwa bugufi yamwandikiye, bidafite aho bihuriye no kuryamana nawe, ahubwo byari bishingiye ku kiganiro Muheto yahaye Radiyo Ijwi ry\u2019Amerika..<\/p>\n
Ishimwe yavugaga ko yafashije Muheto gutegura icyo kiganiro, cyagarutse kuri Gahunda Muheto yari yatangaje azageza ku rubyiruko, akaba yaramwandikiraga amusaba kumusohokana kuko icyo kiganiro Ishimwe yari yakimufashijemo “kiratungana”. Ishimwe yagaragaje ko mu butumwa bwakuwe kuri Telefoni, hari ibyagiye bihanagurwamo, kuko ngo basizemo ibyo bashaka ariko birengagiza kugaragaza ubutumwa bwose.<\/p>\n
Mu isomwa ry\u2019urubanza umucamanza mu rukiko rwisumbuye rwa Nyarugenge, yemeje ko koko ijambo Hapiness ridasobanuye ishimishamubiri, ko ariko na none ukurikije ubutumwa bw\u2019amajwi Ishimwe yoherereje Miss Muheto Divine, Nyampinga w\u2019u Rwanda wa 2022, bugaragaza ko yamusabaga kuryamana nawe. Urukiko rwemeza ko aha hari impamvu zikomeye zituma Ishimwe akekwaho icyaha cyo kwaka undi ishimishamubiri.<\/p>\n
Gusa ku byavuzwe na Ishimwe ko hari ubutumwa Bumwe bwagiye busibwa, umucamanza yavuze ko bizagaragazwa mu rubanza mu mizi. Ikibazo cya kabiri cyajuririwe na Ishimwe n\u2019umwunganizi we, nuko urukiko rw\u2019ibanze rwa kicukiro rwanze kugira icyo ruvuga ku ngwate yatanzwe na Ishimwe.<\/p>\n
Umucamanza wo mu rukiko rukuru yagaragaje ko koko umucamanza wa mbere ntacyo yavuze kuri iyi ngwate. Agaragaza ko nubwo ingwate ihari asanga Ishimwe aramutse afunguwe ashobora kubangamira iperereza kuko ashobora gushyira igitutu ku batangabuhamya cyangwa se akaba yatoroka ubutabera.<\/p>\n
Ishimwe n\u2019umwunganizi we kandi bari bagaragaje ko urukiko rwatesheje agaciro impapuro zashyizweho umukono imbere ya Notaire n\u2019abamushinjura ziteshwa agaciro. Mu bujurire umwunganizi wa Ishimwe yagaragazaga ko umukono wa Notaire aba ari ndakumirwa. Umucamanza yagaragaje ko ntacyo yavuga kuri izi nyandiko, ibyazo bizasuzumirwa mu rubanza mu mizi.<\/p>\n
Inkuru ya Assumpta Kaboyi akorera Ijwi ry’Amerika i Kigali mu Rwanda<\/p>\n