Uruzinduko rwa Papa Fransisiko rwari ruteganyijwe muri Afurika mu kwezi gutaha rwasubitswe. Vatikani yatangaje uyu munsi kuwa gatanu ko uruzinduko rwasubitswe kubera ko Papa w\u2019imyaka 85, afite ibibazo by\u2019ivi. Byatumye hibazwa ku bushobozi bwe bwo kugenda, ku myaka ye isigaye ari umushumba wa kiriziya gatorika.<\/p>\n
Icyemezo cyo guhagarika uruziko rwaheraga kw\u2019itariki ya 2 y\u2019ukwezi kwa karindwi kugeza ku ya 7 muri Repuburika ya demokarasi ya Kongo no muri Sudani y\u2019epfo, cyakiranywe umubabaro. Ariko byasabwe n\u2019abaganga be bamaze igihe bamwitaho ku bibazo by\u2019amavi.<\/p>\n
Kuva mu kwezi gushize, Papa Fransisiko yifashisha igare ry\u2019abagendana ubumuga, n\u2019ubwo yakomeje gukora ibikorwa bye. Ibyo birimo inama yagize kuwa gatanu na Perezida wa Komisiyo y\u2019umuryango w\u2019ubumwe bw\u2019Uburayi, Ursula von der Leyen.<\/p>\n
Umuvugizi wa Vatikani, Matteo Bruni, yavuze ko Papa Fransisiko watowe mu mwaka wa 2013, azasubika uruzinduko rwe, kugirango atabangamira ubuvuzi arimo guhabwa mu bijyanye n\u2019ivi rye, kandi ko urwo ruzinuko ruzaba ku mataliki ari imbere azagenwa.<\/p>\n
Vatikani ivuga ko Papa amaze iminsi aterwa inshinge nyinshi mu cyumweru, ari nako akoreshwa imyitozo ngororangingo kandi ko yari afite icyizere cyo kubasha kugenda byibura igihe gito, mbere y\u2019uko uruzinduko rwe rutangira.<\/p>\n
Mu buryo butunguranye, itangazo ry\u2019isubikwa ry\u2019uruzinduko rwa Papa Fransisiko, rije nyuma y\u2019iminsi ibiri gusa, Vatikani isohoye amazina y\u2019abanyamakuru bari basabye kuzamuherekeza mu ndege ye bari babyemerewe kandi imyiteguro mu bihugu yagombaga gusura yari irimbanyije.<\/p>\n
Vatikani ntiyavuze niba uruzinduko Papa Fransisiko yateganyaga kugirira muri Canada ruzagirwaho n\u2019ingaruka z\u2019ikibazo cy\u2019ivi. Urwo ruzinduko ruteganyijwe tariki 24 kugeza kuya 30 z\u2019ukwezi gutaha kwa karindwi.<\/p>\n
Uruzinduko muri Kongo na Sudani y\u2019epfo mu bihe by\u2019impeshyi, ku busanzwe ntirwari kuzaba rworoheye Papa Fransisiko w\u2019imyaka 85, ariko ibibazo byo kutabasha kugenda byari gutuma rumubera ingorabahizi.<\/p>\n
Yari kuzakora urugendo rw\u2019indege rw\u2019iminsi itanu, kandi agasoma misa eshatu zagombaga gutuma ahagarara igihe kirekire. Yagombaga gufata ijambo incuro zirenze 12, kubonana n\u2019abategetsi b\u2019abanyepolitiki n\u2019amatsinda ya kiriziya akanasura inkambi z\u2019abateshejwe ibyabo mu bihugu byombi.<\/p>\n
VOA<\/p>\n","protected":false},"excerpt":{"rendered":"
Uruzinduko rwa Papa Fransisiko rwari ruteganyijwe muri Afurika mu kwezi gutaha rwasubitswe. Vatikani yatangaje uyu munsi kuwa gatanu ko uruzinduko rwasubitswe kubera ko Papa w\u2019imyaka 85, afite ibibazo by\u2019ivi. Byatumye hibazwa ku bushobozi bwe bwo kugenda, ku myaka ye isigaye ari umushumba wa kiriziya gatorika. Icyemezo cyo guhagarika uruziko rwaheraga kw\u2019itariki ya 2 y\u2019ukwezi kwa […]<\/p>\n","protected":false},"author":2,"featured_media":44542,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[67],"tags":[],"class_list":["post-45923","post","type-post","status-publish","format-standard","has-post-thumbnail","hentry","category-amahanga"],"yoast_head":"\n