\u00a0 \u00a0 \u00a0 \u00a0 \u00a0 \u00a0 Ishyaka PRM\/MRP-ABASANGIZI n\u2019abarwanshyaka bacu twese twababajwe bikomeye n\u2019iyicwa rya Col Patrick Karegeya wari umwe mu bayobozi bakuru b\u2019ishyaka RNC ritavuga rumwe na Leya ya FPR – Inkotanyi na Perezida Paul Kagame i Kigali. Twifatanije n\u2019umuryango wa Col. Patrick Karegeya n\u2019ishyaka RNC mu kababaro kabo dusangiye.<\/p>\n
\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 \u00a0Leta ya FPR iyoborwa n\u2019abantu b\u2019ibyihebe by\u2019inkoramaraso (a terrorist state) bumva kwica abatavuga rumwe nabo muri politiki ari wo muti w\u2019ibibazo by\u2019 u Rwanda baribeshya, kuko ubwicanyi bwabo bwongera ibyo bibazo aho kubikemura.<\/p>\n
Ni ibintu bigaragarira buri wese ko Nyakwigendera Col. Patrick Karegeya yishwe na leta y\u2019u Rwanda. Perezida w\u2019u Rwanda Paul Kagame ari i Gatsibo mu ntara y\u2019uburasirazuba taliki ya 05\/08\/2010 yari abifite mu migambi ye aho yavuze ati: \u201cIzindi nkozi z\u2019ibibi zahunga igihugu, ngo abo ni abanenga leta. <\/i><\/b>Bagera hanze bahura n\u2019impanuka bati ni leta y\u2019u Rwanda yabiteye. Ijya gutera izo mpanuka gute? Leta y\u2019u Rwanda ntabwo; ntabwo FPR yivanga muri politiki y\u2019ibindi bihugu. Abarasirwa hanze bagahushwa,\u00a0 ntabwo leta y\u2019u Rwanda ihusha iyo yarashe. Nta n\u2019ubwo dushinzwe umutekano w\u2019inkozi z\u2019ibibi zijya kuba hanze. Ariko izo nkozi z\u2019ibibi iyo zivuze ko zigiye kuzana intambara mu Rwanda, zaba zo zaba abazishyigikiye, bazabigerageze tuzabakubite, ntibazamenya ikibakubise. Ariko izo nkozi z\u2019ibibi zari zikwiye kuba zibuka amateka ya FPR n\u2019amateka y\u2019u Rwanda, zibuka ngo FPR; mwe murabizi reka mbabwire. Muzi kubabura inkoni ngo ikubite neza ibabura ihamye ukuntu bayibabura! FPR n\u2019umukandida wayo turababuye. Iyo twakubise turakubita tukagusha. Rero mu byo bibagirwa ntibakwiriye kwibagirwa ayo mateka. Reka bayibagirwe ariko ingaruka zabyo zo\u00a0 bazazibona<\/i><\/b>\u201d.<\/p>\n
Abwirwa benshi akumva beneyo! Perezida Kagame mu kwica Col. Karegeya no gushaka kwica Jenerali Kayumba yita inkozi z\u2019ibibi muri ririya jambo rye, ni iriya gahunda ye yavugiye i Gatsibo mu 2010 arimo ashyira mu bikorwa.<\/p>\n
Turamenyesha abarwanashyaka bacu by\u2019umwihariko n\u2019abanyarwanda bose muri rusange ko icyo Kagame na FPR ye bagamije mu kwica Col Karegeya no guhiga bukware Jenerali Kayumba Nyamwasa ari ugucecekesha amashyaka yose atavuga rumwe nabo bahereye kuri RNC ejo bagakurikizaho kwica abayobozi bo mu yandi mashyaka arwanya\u00a0 Kagame na FPR – Inkotanyi. Nta kujenjeka rero no kwibwira ngo ni abatutsi basubiranyemo nimubihorere kuko ejo ari abayobozi b\u2019amashyaka b\u2019abahutu bazaba batahiwe. Akamashini kica nka kariya ka Kagame na FPR ye nti gahagarara, ntikagira imipaka, ntikarobanura kuko ubangamiye inyumngu zako wese, yaba umuhutu yaba umututsi, karamwica. Ni ka kamasa kazamara inka kazivukamo.<\/p>\n
Kwicira Col Karegeya muri Afurika y\u2019Epfo aho yahungiye ni agasuzuguro ndetse n\u2019agasomborotso gakabije ka Kagame na FPR kuri kiriya gihugu cy\u2019inshuti. Ni yo mpamvu dusabye Leta ya Afurika y\u2019Epfo gucana umubano na leta y\u2019u Rwanda iriho ubu no gufunga ambasade y\u2019u Rwanda ikazongera gufungura ari uko leta ya FPR Inkotanyi yavuyeho.<\/p>\n
Mu kwifatanya n\u2019umuryango wa\u00a0 Nyakwigendera Col.\u00a0 Karegeya n\u2019ishyaka RNC, kandi ku nyungu z\u2019u Rwanda n\u2019abanyarwanda bose, turasaba umuryango wa Col Karegeya n\u2019ishyaka \u00a0rye kwegeranya ibyo yari azi byose byafasha abanyarwanda n\u2019isi yose kumenya ubwicanyi\u00a0 bwakozwe na Kagame na FPR mu Rwanda no muri Repubulika iharanira demokarasi ya Congo. Tubasabye rwose kwegeranya book notes ze zose, inyandiko yanditse n\u2019intoki cyangwa n\u2019imashini, documents ze yari abitse no kubishinga abantu b\u2019inyangamugayo badafite inyungu zo kuba bagira ibyo barigisamo maze bigatangazwa, kuko kimwe mu byo azize ari uko yari azi ibintu byinshi by\u2019amabanga kuri Kagame na FPR. Abanyarwanda\u00a0 barashaka kumenya ibyo byinshi yari azi kuri Kagame umaze kumuvutsa ubuzima bwe kandi \u00a0twari tumukeneye. Bityo n\u2019uwo Kagame ushatse kumucecekesha kandi wibwiye ko amucekesheje burundu azabe yarataye igihe maze urugamba rukomeze asigare arwana n\u2019izo revelations zose z\u2019uwo yishe yibeshya ko amucecekesheje ubuziraherezo.<\/p>\n
Dukore iki rero twebwe abasigaye. Gahunda mbisha ya FPR itegeka abahutu bose gusaba imbabazi z\u2019agahato abatutsi ku cyaha kibi cya jenoside batakoze nikangurire abahutu bose kugira uruhare rugaragara mu kwibohoza ingoma y\u2019igitugu, ikinyoma n\u2019ubwicanyi ya Kagame na FPR Inkotanyi. Ihotorwa rya Col Patrick Karegeya nirikangurire abatutsi bose kumenya ko ingoma ya FPR na Kagame ari ingoma yica, ko atari ingoma yica abahutu gusa maze bareke kuyishyigikira buhumyi ngo n\u2019uko ari abatutsi gusa! Ubundi ahasigaye duhagurukire icyarimwe dufatanye twese dukureho buriya butegetsi bwa Kagame na FPR ye bwaranzwe kandi na n\u2019ubu bukirangwa no kwica abanyarwanda.<\/p>\n
Bikorewe Savannah, Georgia, muri \u00a0Leta Zunze Ubumwe za Amerika taliki ya 05\/01\/2014<\/p>\n
Dr.\u00a0 Gasana Anastase, Perezida w\u2019ishyaka PRM\/MRP-ABASANGIZI;<\/p>\n
Mr. Mukeshimana Isaac, Visi \u2013Perezida ushinze ibya politiki;<\/p>\n
Mr. Batungwanyo Janvier, Visi-Perezida ushinzwe ihuzabikorwa;<\/p>\n
<\/p>\n
Abashaka kutwandikira mugira icyo mutubaza cyagwa se mutwungura ibitekerezo, email yacu ni<\/p>\n