Abadepite babiri ba Leta zunze ubumwe z’Amerika barasaba minisitiri w’ububanyi n’amahanga wabo, Antony Blinken, gusaba n’imbaraga leta y’u Rwanda kurekura Paul Rusesabagina.<\/p>\n
Aba badepite ni bwana Joaquin Castro, wo mu ishyaka ry\u2019Abademokarate rya Perezida Joe Biden na minisitiri Blinken, n\u2019umutegarugoli Young Kim wo mu ishyaka ry\u2019Abarepubulikani. Bombi bari muri Komite y\u2019ububanyi n\u2019amahanga y\u2019Umutwe w\u2019Abadepite w\u2019inteko ishinga amategeko ya Leta zunze ubumwe z\u2019Amerika.<\/p>\n
Nk\u2019uko tubikesha televiziyo ABC News, bandikiye ibaruwa minisitiri Blinken bamusaba ko mu ruzinduko azagira i Kigali mu cyumweru gitaha \u201cyazakoresha uburyo bwose bwa dipolomasi afite kugirango Rusesabagina agaruke amahoro muri Leta zunze ubumwe z\u2019Amerika.\u201d By\u2019umwihariko, baravuga ko Blinken akwiye \u201cgusaba perezida w\u2019u Rwanda kurekura Rusesabagina vuba.\u201d<\/p>\n
Paul Rusesabagina afite impapuro zemewe n\u2019amategeko zimwemerera gutura muri Leta zunze ubumwe z\u2019Amerika. Mu ibaruwa yabo, depite Castro na depite Kim babwira Blinken ko naramuka ananiwe gukemura ikibazo cya Rusesabagina bizatuma \u201cguverinoma y\u2019u Rwanda yibasira kurushaho Abanyamerika n\u2019abafite bene izo mpapuro nk\u2019ize.<\/p>\n
Castro na Kim basaba kandi Blinken kujya gusura Rusesabagina, \u201cufungiye ahantu hadatekanye kandi ufite ibibazo by\u2019ubuzima.\u201d Bandika ko Rusesabagina afite imyaka 68 y\u2019amavuko kandi ko yakirutse kanseri n\u2019ikibazo cy\u2019imitsi y\u2019ubwonko bita stroke mu Cyongereza.<\/p>\n
ABC News ivuga ko minisiteri y\u2019ububanyi n\u2019amahanga ya Leta zunze ubumwe z\u2019Amerika yayitangarije ko Blinken azaganira na leta y\u2019u Rwanda ku kibazo cya Paul Rusesabagina.<\/p>\n
Naho minisiteri y\u2019ububanyi n\u2019amahanga y\u2019u Rwanda, mu itangazo yashyize ahagaragara, iravuga ko \u201curuzinduko rwa minisitiri Blinken ruzaba undi mwanya wo \u201ckumvikanisha na none ko ifungwa rya Paul Rusesabagina rikurikije amategeko y\u2019u Rwanda n\u2019amategeko mpuzamahanga.\u201d<\/p>\n
Ibaruwa ya ba depite Joaquin Castro na Young Kim ikurikiye indi umuyobozi wa komisiyo y\u2019ububanyi n\u2019amahanga muri sena y\u2019Amerika, Senateri Robert Menendez, aherutse kwandikira ministiri Blinken amusaba gusubiramo politiki y\u2019Amerika ku Rwanda no kuvugurura ibijyanye n\u2019inkunga Leta Zunze Ubumwe z\u2019Amerika iha u Rwanda. Agira, ati: \u201cBiteye impungenge kubona Leta Zunze Ubumwe z\u2019Amerika ikomeza gufasha igihugu gishinjwa guhonyanga uburenganzira bwa muntu, burimo n\u2019ubwa Paul Rusesabagina, no guhungabanya umutekano mu karere rutuyemo.\u201d<\/p>\n
Senateri Menendez, wo mu ishyaka ry\u2019Abademokarate, asobanura ko Amerika yahaye u Rwanda imfashanyo y\u2019amadolari asaga miliyoni 147 mu mwaka w\u20192021, kandi ko n\u2019ingengo y\u2019imari y\u2019u Rwanda y\u20192023 Amerika yayigeneye andi madolari miliyoni 145.<\/p>\n
Umuryango wa Paul Rusesabagina urashima ko abategetsi bakuru ba guverinoma n\u2019abo mu nteko ishinga amategeko z\u2019Amerika bahagurukiye ikibazo cye. Mu itangazo yashyikirije ABC News, umwana wa Rusesabagina, Anaise Kanimba, avuga ko \u201cbizeye ko uruzinduko rwa Antony Blinken i Kigali ruzasoza inzozi mbi z\u2019umuryango wabo.\u201d<\/p>\n
VOA<\/p>\n","protected":false},"excerpt":{"rendered":"
Abadepite babiri ba Leta zunze ubumwe z’Amerika barasaba minisitiri w’ububanyi n’amahanga wabo, Antony Blinken, gusaba n’imbaraga leta y’u Rwanda kurekura Paul Rusesabagina. Aba badepite ni bwana Joaquin Castro, wo mu ishyaka ry\u2019Abademokarate rya Perezida Joe Biden na minisitiri Blinken, n\u2019umutegarugoli Young Kim wo mu ishyaka ry\u2019Abarepubulikani. Bombi bari muri Komite y\u2019ububanyi n\u2019amahanga y\u2019Umutwe w\u2019Abadepite w\u2019inteko […]<\/p>\n","protected":false},"author":2,"featured_media":35309,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[67],"tags":[],"class_list":["post-46195","post","type-post","status-publish","format-standard","has-post-thumbnail","hentry","category-amahanga"],"yoast_head":"\n