{"id":46223,"date":"2022-08-11T03:09:59","date_gmt":"2022-08-11T01:09:59","guid":{"rendered":"https:\/\/www.therwandan.com\/ki\/?p=46223"},"modified":"2022-08-11T23:22:34","modified_gmt":"2022-08-11T21:22:34","slug":"anthony-blinken-yageze-mu-rwanda","status":"publish","type":"post","link":"https:\/\/www.therwandan.com\/ki\/anthony-blinken-yageze-mu-rwanda\/","title":{"rendered":"Anthony Blinken Yageze mu Rwanda"},"content":{"rendered":"
\n

Minisitiri w’ububanyi n\u2019amahanga wa Amerika yageze i Kigali mu ijoro ryo ku wa gatatu aho agiye gusoreza uruzinduko amazemo iminsi muri Aziya na Africa.<\/p>\n<\/div>\n

\n

Mu ngingo byitezwe ko Antony Blinken aganiraho n\u2019abategetsi i Kigali harimo iy\u2019inyeshyamba za M23, no kuba Amerika ibona ko Paul Rusesabagina afunze \u201cmu buryo butari bwo\u201d mu Rwanda.<\/p>\n<\/div>\n

\n

Byitezwe ko Blinken ashyira igitutu ku bategetsi i Kigali ngo barekure Rusesabagina.<\/p>\n<\/div>\n

\n

Kuri Twitter Perezida Paul Kagame yasubije<\/a> uwari abyanditseho ati: “Nta mpungenge \u2026hari ibintu bidakora gutyo hano!!”<\/p>\n

\n

Blinken i Kigali \u201carahura n\u2019abategetsi b\u2019u Rwanda n\u2019abagize sosiyete sivile [baganire] ku bintu bitandukanye\u201d, nk\u2019uko ibiro bishinzwe ububanyi n\u2019amahanga bwa Amerika bibitangaza.<\/p>\n<\/div>\n

\n

Ari i Kinshasa kuwa gatatu, Blinken yavuze ko leta ya Amerika \u201cihangayikishijwe cyane n’amakuru yo kwizerwa yuko u Rwanda rwahaye ubufasha M23.\u201d<\/p>\n<\/div>\n

\n

Yongeyeho ko iki kibazo kizaba “izingiro ry’ikiganiro na Perezida [Paul] Kagame turi mu Rwanda”.<\/p>\n

\n

U Rwanda ruhakana gutera inkunga umutwe wa M23, ndetse n\u2019uyu mutwe watangaje ko nta nkunga uhabwa na Kigali.<\/p>\n<\/div>\n

\n

I Kigali kandi Blinken araganira n\u2019abategetsi ku ngingo zirimo; uburenganzira bwa muntu, gufunga urubuga rwa politiki ku batavuga rumwe n’ubutegetsi,\u00a0nkuko itangazo ry’ibiro bye ribivuga<\/a>.<\/p>\n<\/div>\n

\n

Leta y’u Rwanda ivuga ko uruzinduko rwa Blinken mu Rwanda ari andi mahirwe yo gusobanura ko ifatwa n’ifungwa rya Rusesabagina byari bikurikije amategeko.<\/p>\n<\/div>\n

\n

Uyu yakatiwe gufungwa imyaka 25 ahamijwe ibyaha by\u2019iterabwoba, umuryango we n\u2019amashyirahamwe mpuzamahanga atandukanye avuga ko yafashwe kandi afunzwe mu buryo bunyuranyije n\u2019amategeko.<\/p>\n<\/div>\n

\n

Antony Blinken uyu munsi ni bwo asoza ingendo amazemo iminsi muri Cambodia, Philippines, Africa y\u2019Epfo, DR Congo n\u2019u Rwanda.<\/p>\n<\/div>\n

\n

Yasuye Africa, nyuma y\u2019uko Perezida wa Amerika Joe Biden yemeje ko azakira inama ya mbere nini izamuhuza n\u2019abategetsi ba Africa mu Ukuboza(12) uyu mwaka.<\/p>\n

BBC<\/p>\n<\/div>\n<\/div>\n<\/div>\n