{"id":46416,"date":"2022-09-22T19:20:59","date_gmt":"2022-09-22T17:20:59","guid":{"rendered":"https:\/\/www.therwandan.com\/ki\/?p=46416"},"modified":"2023-01-23T18:24:51","modified_gmt":"2023-01-23T16:24:51","slug":"kigali-dr-twagiramungu-fabien-nyiri-akabari-kwazwi-nka-2-shots-club-yishwe-na-nde","status":"publish","type":"post","link":"https:\/\/www.therwandan.com\/ki\/kigali-dr-twagiramungu-fabien-nyiri-akabari-kwazwi-nka-2-shots-club-yishwe-na-nde\/","title":{"rendered":"KIGALI: Dr Twagiramungu Fabien nyiri akabari kazwi nka 2 SHOTS CLUB yishwe na nde?\u00a0"},"content":{"rendered":"

Mu ntangiriro z\u2019ukwezi kwa Mata 2022, havuzwe inkuru y\u2019urupfu rwa Dr\u00a0 <\/span>Fabien TWAGIRAMUNGU\u00a0 wazize icyo bamwe bise impanuka y\u2019imodoka; ngo yaba yaragonzwe mu gitondo cya kare ku italiki ya 31 Werurwe 2022,\u00a0 <\/span>yavuye iwe i Gacuriro\u00a0 <\/span>saa kumi n\u2019imwe za mu gitondo agiye gukora sport, ku mahirwe make uwo munsi ntiyatashye\u00a0 <\/span>iwe nk\u2019uko byari bisanzwe, yatashye mu bitaro byitiriwe Umwami FAYSAL ku Kacyiru.<\/p>\n

Dr Fabien Twagiramungu ni muntu ki\u00a0?\u00a0<\/span><\/i><\/b><\/p>\n

Ni umugabo wari mu kigero cy\u2019imyaka irenga mirongo itanu. Yize muri Kaminuza y\u2019u RWANDA i Butare, nyuma yiga muri Kaminuza y\u2019i Gand mu gihugu cy\u2019U Bubiligi<\/p>\n

Yatabarutse ariwe munyarwanda wenyine wari ufite Impamyabumenyi y\u2019ikirenga mu Butabire (doctorat en Chimie analytique, sp\u00e9cialis\u00e9 en environnement).<\/p>\n

\u00a0<\/span>Nyakwigendera Dr Fabien Twagiramungu yabaye umwalimu muri KIE igihe kirekire ndetse yanabaye umuyobozi wungirije umukuru wa D\u00e9partement ya Chimie muri iyo Kaminuza KIE.<\/p>\n

Ubu yikoreraga ku giti cye yari afite sosiyete ebyiri zikora ibya consultance zemewe ku rwego mpuzamahanga<\/p>\n

Dr Fabien kandi yari afite umugabane munini mu kabiri kazwi nka 2 SHOTS CLUB <\/b>gateganye na BK ARENA na Stade AMAHORO i REMERA\u00a0;<\/p>\n

Inkuru y\u2019urupfu rwa Dr Fabien Twagiramungu, yatunguye abantu benshi basanzwe bamuzi mu mujyi wa Kigali. Abo ni bamwe mubo bakoranye, yigishije, abakiliya be, n\u2019abo bahuriraga muri gahunda z\u2019ubuzima busanzwe. Inshuti ze zakundaga kumwita \u00able triplet\u00bb<\/i> kuko\u00a0 <\/span>mu bana yasize harimo abo twakwita impanga bavutse ari batatu.\u00a0<\/span><\/p>\n

Mu gutungurwa n\u2019urwo rupfu rudasobanutse havuzwe byinshi, bivugwa n\u2019abantu batandukanye, ni ukuvuga inshuti ze n\u2019abandi bamumenye.\u00a0<\/span><\/p>\n

Amakuru n\u2019ubuhamya\u00a0 <\/span>ku rupfu rwa Nyakwigendera byateye urujijo mu babyumva ndetse n\u2019abasubira mu byo bumvise kuri urwo rupfu<\/p>\n

Byatumye dukora iperereza kuri urwo rupfu, bagenzi bacu bari mu Rwanda, bagerageje kwegera bamwe mu nshuti za Dr Fabien ariko ntibashoboye kugera kubo mu muryango we, turacyashakisha uburyo twagera ku muryango\u00a0 we tukumva uko bo babivuga kuko ngo inkuru mbarirano iratuba, ikindi kandi mu bihe turimo, abatubura inkuru ku mpamvu zitandukanye ni benshi.<\/p>\n

Byagenze gute\u00a0ngo urupfu rukurikirwe n\u2019inkuru ziteye kwibazwaho na benshi?\u00a0<\/span><\/b><\/p>\n

Ku wa kane tariki ya 31 Werurwe 2022\u00a0 <\/span>ku isaha\u00a0 <\/span>ya saa kumi n\u2019imwe za mu gitondo Dr Fabien yavuye iwe i Gacuriro agiye muri sport nk\u2019uko yari asanzwe abikora. Iyo ni gahunda ya Dr Fabien yari izwi n\u2019inshuti ze za hafi, ndetse n\u2019abaturanyi bari bamenyereye kumubona agenda agaruka dore ko ngo byari mu buzima bwe bwa buri munsi kuko ari umuntu witaga ku myitozo ngororangingo cyane.<\/p>\n

Uwo munsi ku isaha ya saa kumi n\u2019ebyiri, ubwo Dr Fabien Twagiramungu yari hafi yo kugera iwe ngo yari nko mu kirometero kimwe ugera iwe mu rugo, ageze ahantu hazamuka hazwi nka Chez Ndengeye ngo\u00a0 <\/span>havuzwe ko agonzwe n\u2019imodoka.<\/p>\n

Inkuru yabonye kibara\u00a0 <\/span>kuko iyo modoka yitwa ko yamugonze ifite plaque RAE654K twabonye amakuru y\u2019uko yari itwawe n\u2019uwitwa Yves Kamuronsi ngo yari imaze iminota mirongo itatu ihagaze kuri station ya essence Chez Ndengeye, ngo iyo modoka yahagurukanye umuvuduko udasanzwe inyura ku mumotari wari utwaye umugenzi yiruka, imucaho .Ngo imaze guca kuri moto yiruka cyane yuriye bordure abari aho bayireba,\u00a0<\/span><\/p>\n

Batangajwe no kubona umuntu uryamye hasi aho imodoka iturutse, iyo modoka ntabwo yahagaze yarakomeje iragenda.<\/p>\n

Abatangabuhamya bavuga ko abagiye gutabara uwo muntu babonye uryamye hasi, bamugezeho, basanze atumva, bemeza rwose ko yari yashizemo umwuka. Icyo abantu bose bibajijeho ni ugusanga umuntu uryamye hasi atumva, umaze kugongwa n\u2019imodoka yari ifite umuvuduko udasanzwe bagasanga nta gikomere afite ku mubiri ariko umutwe ubyimbye cyane.<\/p>\n

Abari aho ngo bamaze kubona imodoka idahagaze, hari umwe mu basekirite b\u2019aho byabereye wafashe moto akurikira iyo modoka itarahagaze imaze kugonga umuntu\u00a0; ni uko byamenyekanye ko uwari utwaye iyo modoka ari uwitwa Yves Kamuronsi kuko ngo yinjiye iwe mu rugo.<\/p>\n

Uwo musekirite amaze kubona aho imodoka yinjiye yabimenyesheje urwego rw\u2019igipolisi rushizwe ibinyabiziga n\u2019umutekeno wo ku mihanda. Abapolisi bo muri traffic bageze kwa Yves Kamuronsi\u00a0 <\/span>muri icyo gitondo bidatinze kuri uwo munsi wo kuwa 31 Werurwe 2022\u00a0 <\/span>ngo bahasanze hanze umukozi wo mu rugo, abo bapolisi basanze ya modoka mu gipangu koko, ngo bigaragara ko yagonze ikintu. Abo bapolisi babajije uwo mukozi wo mu rugo uwari uyitwaye ababwira ko ari Shebuja Yves Kamuronsi, ko yaje ayitwaye igonze ityo, mu gitondo kare, akamusaba kuyoza ngo noneho Yves agahita yinjira mu nzu.<\/p>\n

Abapolisi\u00a0 <\/span>bo muri TRAFFIC bahamagaye YVES asohoka mu nzu ngo yambaye pijama nk\u2019umuntu wari uryame, bamubajije niba ari we wari utwaye imodoka , arabihakana avuga ko\u00a0 <\/span>we yari aryamye , ko yari arimo kwitegura kujya ku kazi ko iyo modoka yari itwawe n\u2019umushoferi, akaba yahise\u00a0 <\/span>ataha na MOTO.<\/p>\n

Wa mukekitite wari wamukurikiye na moto, akaba ari nawe wahamagaye traffic police yamusanze akiri aho yabahamagariye ariho kwa Yves Kamuronsi, yemeza ko ari YVES wari utwaye iyo modoka yagonze ko yasize yishe umuntu.<\/p>\n

Yves Kamuronsi, yabwiye uwo musekirite ko ari umugome ko iyo atabivuga bitari kuzamenyekana<\/p>\n

Nyuma yo kuvugana n\u2019abapolisi baje kureba imodoka yagonze, umukozi wa Yves yaje kuvugana na RIB\u00a0<\/span><\/p>\n

Amakuru twashoboye kubona avuga ko ibyo uwo mukozi wo mu rugo wa Yves Kamuronsi yabwiye RIB bigaragaza ko ubona\u00a0 <\/span>ko Yves Kamuronsi kuri uwo munsi wo kuwa gatatu taliki ya 31 Werurwe 2022 yagize imyitwarire itangaje.\u00a0<\/span><\/p>\n

Uwo mukozi ngo yaba yarabwiye RIB ko Shebuja Yves Kamuronsi yavuye mu rugo ahagana saa kumi za mu gitondo atwaye iyo modoka nzima (itagonze) ngo noneho agaruka mu ma saa kumi n\u2019ebyiri zo muri icyo gitondo nyine imodoka igonze amutegeka guhita ayoza we yinjira mu nzu.<\/p>\n

Dusubiye kuri Dr Twagiramungu Fabien wagonzwe, ngo ba bantu babonye impanuka bahamagaye ambulance igihe umwe muri bo yari yakurikiye ya modoka, ubwo Ambulance yaje kuza iza kumukura aho yagongewe. Umuganga ndetse n\u2019uwari umuherekeje muri ambulance, bavuze ko bamukuye aho ngaho yashizemo umwuka bivuga ko yari yapfuye bamwuriza ambulance akajyanwa mu bitaro\u00a0 <\/span>byitiriwe Umwami FAYSAL.<\/p>\n

Ku italiki ya 3 Mata 2022 ku isaha ya saa yine za mu gitondo, nibwo abaganga bo mu bitaro byitiriwe Umwami FAYSAL babwiye umuryango wa Dr Twagiramungu Fabien ko yapfuye ko bagomba kujya kumushyingura.<\/p>\n

Kuva ku itariki ya 31 Werurwe 2022\u00a0 <\/span>hamaze kuvugwa ko Dr Fabien yagonzwe n\u2019imodoka, amakuru yacicikanye hirya no hino mu gihugu no hanze, ibyavugwaga kuri iyo mpanuka byari byinshi ndetse binagaragara kandi byumvikanisha ko inkuru zirimo kuvugwa zimwe zari zigamije kuyobya uburari kuri urwo rupfu rwa Dr Twagiramungu Fabien<\/p>\n

Ese Dr Fabien yishwe n\u2019impanuka y\u2019imodoka \u00a0?\u00a0<\/span><\/b><\/p>\n

Mu gihe umuryango wa Nyakwigendera wari utarashyingura umuntu wabo, havugwaga amakuru menshi anyuranye ateye urujijo, icyumvikanaga muri ayo yose ni uko byagaragaraga ko hari ikintu cyo gutera urujijo umuryango n\u2019inshuti za Dr\u00a0<\/span>Fabien.<\/p>\n

Ku italiki ya 10 Mata 2022\u00a0 <\/span>nibwo Dr Fabien yashinguwe, yaherekejwe n\u2019abantu benshi barimo bamwe mu bayobozi bakuru bo mu nzego za Leta n\u2019abandi bahagarariye imiryango n\u2019amashyirahamwe ya leta n\u2019ayigenga<\/p>\n

\u00a0<\/span>Bikaba bigaragaza ko Dr Twagiramungu yari afitiye igihugu n\u2019abanyarwanda muri rusange akamaro ku buryo bugaragarira buri wese.<\/p>\n

Kugeza kuri uwo munsi wo gushyingura,\u00a0 <\/span>Yves Kamuronsi wari utwaye ya modoka yagonze Dr Fabien ntihagarare, kandi mwibuke ko havuzwe ko yagonze umuntu agapfa\u00a0; yari iwe yari atarashyikirizwa ubutabera. Yves yari mu mudendezo ajya mu tubari n\u2019ahandi nta nkomyi, nta mpungenge cyangwa ukwicuza na guke. Mubyibazeho!<\/p>\n

Ese ubundi mu mategeko y\u2019u Rwanda, umuntu ugonze\u00a0 <\/span>umunyamaguru agapfa, nyuma yo kumugonga agatoroka atanamuhaye ubutabazi bw\u2019ibanze bigenda bite?<\/p>\n

Ikindi ngo cyari giteye impungenge muri iyo minsi y\u2019amakuba mu muryango wa Dr Fabien Twagiramungu, ni uko ngo umwe mu nkoramutima y\u2019uwo muryango twe tutarashobora kuvugana\u00a0 <\/span>nawo, yagize imyitwarire idasanzwe n\u2019uruhare mu gutoteza no gushyashyariza bamwe mu bo muryango wa Dr Fabien.<\/p>\n

Nyuma y\u2019italiki ya 10 Mata 2022 Dr Fabien amaze gushyingurwa, ngo ibyakurikiyeho nabyo ni ibyo kwibazwaho kugirango iby\u2019urwo rupfu bisobanuke kuko bigararaga ko Dr Fabien ashobora kuba yarishwe ku bwende n\u2019abantu bari bamuzi neza ku giti cyabo.\u00a0<\/span><\/p>\n

Dr Fabien yari umuntu w\u2019umuhanga wari ufitiye igihugu n\u2019abanyarwanda muri rusange akamaro kandi wari wizewe anakenewe n\u2019abaturage muri rusange yafashaga mu kazi no mu buzima bwa buri munsi tutibagiwe n’ubuyobozi bw\u2019igihugu bwamwiyambazaga kenshi mu byo yari afitiye ubumenyi bijyanye n\u2019imirimo yakoraga ya Consultance.<\/p>\n

\u00a0<\/span>Havugwa ko bamugiriye ishyari kubera ubutunzi yari amaze kugeraho ndetse ngo n\u2019igikundiro yari afitiwe n’\u2019abanyarwanda b\u2019ingeri zose kuva mu buyobozi bw\u2019igihugu kugera ku muturage ukora isuku mu mujyi wa Kigali, nk’uko bigaragazwa n’amashusho yafashwe umunsi ashyingurwa.<\/p>\n