Akanama gashinzwe umutekano ku isi ka ONU kafashe imyanzuro yo gukuraho kumenyesha komite ishinzwe ibihano ku ugiye kugurisha intwaro cyangwa gufasha DR Congo mu bya gisirikare, n\u2019uwo kongerera umwaka umwe ingabo za MONUSCO.<\/p>\n
Ku bwiganze, abagize ako kanama batoye bashyigikira gukuraho uwo mwanzuro wemejwe mu myaka hafi 15 ishize utegeka kubanza kumenyesha komite ishinzwe ibihano \u201ckohereza uko ariko kose kw\u2019intwaro cyangwa ibisa nazo\u201d cyangwa \u201cubufasha bwose, ubujyanama cyangwa amahugurwa bya gisirikare\u201d kuri DR Congo.<\/p>\n
Aka kanama ka UN ariko kagumishijeho ikomanyirizwa (embargo) ry\u2019intwaro ku mitwe yose itari iya leta n\u2019abantu ku giti cyabo ku butaka bwa DR Congo, nk\u2019uko inyandiko y\u2019uwo mwanzuro wo kuwa kabiri ibivuga.<\/p>\n
Uyu mwanzuro wafashwe ku busabe bwatanzwe n\u2019Ubufaransa buvuga ko bigamije gufasha DR Congo guhangana n\u2019imitwe yitwaje intwaro mu gihugu.<\/p>\n
Uyu mwanzuro wishimiwe na leta ya Kinshasa mu itangazo, ivuga ko ukuyeho \u201cakarengane kabuzaga igihugu cyacu kwisanzura mu kubona ibikoresho bya gisirikare\u201d byafasha kurinda igihugu \u201cubushotoranyi nk\u2019ubw\u2019u Rwanda rwikinze mu mutwe w\u2019iterabwoba wa M23\u201d.<\/p>\n
U Rwanda ruvuga ko ntaho ruhuriye n\u2019uyu mutwe wa M23 kandi nawo wavuze ko nta bufasha uhabwa n\u2019u Rwanda.<\/p>\n
Ibihugu byinshi bigize aka kanama, ndetse n\u2019ibisanzwe ari ibikeba nka Amerika, Uburusiya, Ubushinwa n\u2019Ubwongereza byashyigikiye iriya myanzuro yombi kuri DR Congo.<\/p>\n
Anna M. Evstigneeva uhagarariye Uburusiya muri kariya kanama ka ONU yavuze ko ibihano byinshi biriho ku byerekeye intwaro ku bihugu \u201cntibijyanye n\u2019uko ibintu byifashe ku rubuga\u201d, avuga ko igihugu cye cyari cyiteguye gukuraho uriya mwanzuro kuri Congo no muri Kamena(6) ubwo uheruka gufatwaho icyemezo.<\/p>\n
Zhang Jun uhagarariye Ubushinwa yashimye uriya mwanzuro avuga ko igihugu cye cyakomeje gusaba \u201cgukuraho cyangwa guhindura ibihano nk\u2019ibi\u201d ku bihugu bya Africa, nk’uko ikinyamakuru Reliefweb cya ONU kibivuga.<\/p>\n
Michel Xavier Biang uhagarariye Gabon yavuze ko uyu mwanzuro uzakuraho inzitizi zose kuri Congo zo \u201cgusubiza bikwiriye imitwe yitwaje intwaro irimo kwiba umutungo kamere no gukora ubwicanyi ku basivile mu burasirazuba bw\u2019igihugu\u201d.<\/p>\n
Undi mwanzuro nawo watowe ku bwiganze n\u2019ako kanama ka ONU ni uwongerera umwaka umwe ingabo zayo ziri mu butumwa bwiswe MONUSCO muri DR Congo kugeza mu Ukuboza (12) 2023.<\/p>\n
Inyandiko y\u2019uyu mwanzuro ivuga ko izo ngabo zizakomeza kuba zigizwe n\u2019abasirikare 13,500 hamwe n\u2019indorerezi z\u2019abasirikare 660, abapolisi 591 n\u2019abandi bakozi batojwe nk\u2019abapolisi 1,410.<\/p>\n
MONUSCO yakomeje kunengwa ko yananiwe inshingano ifite zirimo kurinda abasivile ahari inyeshyamba kandi muri uyu mwaka muri Congo habaye imyigaragambyo ikomeye yamagana izi ngabo ngo zitahe.<\/p>\n
Kuri uyu mwanzuro uzongerera umwaka, leta ya Kinshasa yavuze ko ikomeje ubushake bwayo bwo \u201cgushyira mu ngiro gahunda yo kugenda buhoro buhoro kandi mu byiciro\u201d kw\u2019izi ngabo \u201cku busabe bw\u2019abaturage ba Congo\u201d.<\/p>\n
BBC<\/p>\n","protected":false},"excerpt":{"rendered":"
Akanama gashinzwe umutekano ku isi ka ONU kafashe imyanzuro yo gukuraho kumenyesha komite ishinzwe ibihano ku ugiye kugurisha intwaro cyangwa gufasha DR Congo mu bya gisirikare, n\u2019uwo kongerera umwaka umwe ingabo za MONUSCO. Ku bwiganze, abagize ako kanama batoye bashyigikira gukuraho uwo mwanzuro wemejwe mu myaka hafi 15 ishize utegeka kubanza kumenyesha komite ishinzwe ibihano […]<\/p>\n","protected":false},"author":2,"featured_media":41346,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66],"tags":[186],"class_list":["post-46709","post","type-post","status-publish","format-standard","has-post-thumbnail","hentry","category-akarere","tag-rdc-congo-tshisekedi-onu-un-m23"],"yoast_head":"\n