Muri iki gihe abaturage bo mu Rwanda bugarijwe n\u2019ikibazo cy\u2019inzara yabaye karande ikaba ibahejeje mu mibereho mibi. Muri rusange ubuzima bw\u2019abanyarwanda bwifashe bute? Impamvu ni iyihe? Umuti ni uwuhe?<\/p>\n
Kuva agatsiko k\u2019abo bamwe bita \u201cabavantara\u201d (bibumbiye muri FPR) kayoboye u Rwanda kagera ku butegetsi guhera mu mwaka wa 1994, Abanyarwanda bo mu byiciro binyuranye bahuye n\u2019akaga gakomeye k\u2019imibereho mibi bitewe n\u2019ubukene n\u2019inzara bitahwemye kubugariza. Birababaje kumva inzara iyogoza igihugu kigwamo imvura igihe cyose, mu gihe hari ibihugu bindi bibona imvura igihe gito gusa ntiwumve havugwa inzara. Muri rusange Abanyarwanda bamye ari abakozi bakunda umurimo kandi baharanira kwiteza imbere. Byagenze bite kugira ngo Abanyarwanda babe bugarijwe n\u2019imibereho mibi hamwe n\u2019ubukene ndengakamere muri iki gihe?<\/p>\n
Muri iki gice turasuzuma zimwe mu mpamvu zitumye Abanyarwanda bugarijwe n\u2019inzara n\u2019ubukene bidashira.<\/p>\n
Agatsiko kari ku butegetsi, muri gahunda ndende, kateguye gukenesha Abanyarwanda kugira ngo kabone uko kabategeka. Kabanje kwambura umuturage isambu kavuga ko ubutaka bwose ari ubwa Leta, umuturage agakodesha Leta. Hejuru y\u2019ibyo, umuturage ntiyemerewe guhinga muri bwa butaka yakodesheje igihingwa ashaka kandi cyera mu karere atuyemo. Agatsiko kadukanye icyo kise ngo \u201cAgasozi ndatwa<\/i>\u201d, aho abahinzi bagomba guhinga igihingwa kimwe cyatoranyijwe na Leta hatitawe ku byo umuturage akeneye. Urugero: usanga ubutaka bwashyizwe hamwe buhinzweho igihingwa cy\u2019ibigori gusa, nabyo kandi umuhinzi ntiyemerewe kubisarura kuko umusaruro ushyirwa muri Koperative y\u2019abagize agatsiko, akaba ariyo ibigurisha. Ni kenshi umuhinzi yagiye ahabwa imbuto zitajyanye n\u2019ubutaka buhingwa, umusaruro ukabura. Ikoreshwa ry\u2019ifumbire mvaruganda, aho gushishikariza abahinzi gukoresha imborera, byatumye ubutaka bwangirika ku buryo butagitanga umusaruro uhagije.\u00a0\u00a0Ibishanga byaramiraga abaturage mu g<\/span>ihe cy\u2019impeshyi barabyambuwe, abahinzi bategekwa guhingira isoko, bigatuma imiryango yabo yicwa n\u2019inzara.<\/p>\n Ku bijyanye n\u2019ubworozi, rubanda rugufi rwashyiriweho gahunda ya \u201cGira inka\u201d mu rwego rwo kwivana mu bukene hagamijwe kubona amata, ndetse n\u2019ifumbire yo kunganira ubuhinzi. Mu by\u2019ukuri, ku muturage utishoboye, iyi gahunda ntacyo imumariye kuko ya nka ntabwo ashoboye kuyorora uko bikwiye: inka ikeneye ubwatsi n\u2019ibindi byo kurya no kuvurwa wa muturage adashobora kubona kugira ngo ayibyaze umusaruro. Na none igihe yasumbirijwe n\u2019ubukene, iyo nka ntabwo izamutabara ngo ayigurishe, akemure ikibazo kimwugarije kuko ntabwo ari umutungo we. Nguko uko umuhinzi-mworozi yabaye imfungwa yashimuswe n\u2019ubutegetsi: aravunika ariko ntibimubuza gusonza, mu gihe abo mu gatsiko bigaruriye byose.<\/p>\n Ikibazo cy\u2019ubushomeri mu rubyiruko ni kimwe mu biteye ubukene n\u2019imibereho mibi bikabije mu Banyarwanda muri rusange kuko urwo rubyiruko rugize 60% by\u2019abatuye igihugu. Ubwo bushomeri ahanini umuzi wabwo uri mu ireme ry\u2019uburezi ridafashije, bikaba mu mugambi w\u2019agatsiko wo gukenesha Abanyarwanda ku bushake. Urubyiruko rwihutiye kwiga za Kaminuza nyuma yo kurangiza amashuri yisumbuye kuko diplome y\u2019amashuri yisumbuye ntaho ihabwa akazi. Leta yirengagije nkana gushyiraho amashuri yigisha imyuga iciriritse kugira ngo benshi mu rubyiruko bashobore kumenya imyuga yabafasha kwivana mu bukene.\u00a0Buri mwaka, hari ibihumbi by\u2019abarangiza za kaminuza, nyamara Leta ntacyo ikora ngo ihange imirimo ikoreshe urwo rubyiruko, ahubwo ugasanga irabashishikariza kwihangira imirimo kandi nta n\u2019igishoro bafite. Mu itangwa ry\u2019akazi nabwo abapiganira imyanya ntibahabwa amahirwe angana, ahubwo agatsiko gakoresha ikimenyane. Ndetse na ruswa ikivangamo, kandi ruswa y\u2019igitsina nayo iravugwa mu Rwanda.<\/p>\n Abagize amahirwe yo kubona akazi bo mu cyiciro cyo hagati, mbese mu bakozi basanzwe, abenshi ni abarimu kimwe n\u2019abakora mu bijyanye n\u2019ubuzima. Imishahara bahabwa ugereranyije n\u2019akazi bakora iteye isoni. Dufashe urugero rw\u2019umukozi uhembwa\u00a0 <\/span>ibihumbi ij<\/span>ana (100 000frs =\u00a088,40 \u20ac = 93.37 $) ku kwezi, ayo mafranga agomba kumukemurira ibibazo byose by\u2019urugo. Iyo urebye uko ibiciro ku isoko byifashe, usanga ayo mafranga adashobora no kumutunga igihe kingana n\u2019icyumweru kimwe. Nyamara waterera akajisho ku mishahara y\u2019abari kw\u2019isonga bayoboye igihugu, byerekana ko umutungo w\u2019igihugu wihariwe n\u2019agatsiko k\u2019abantu bake bari mu buyobozi, aho uzasanga umuntu ahembwa umushahara wa miliyoni eshatu, hari undi uhembwa ibihumbi ijana\u00a0kandi bombi bahurira ku isoko rimwe. Bityo rero, abakozi bo mu cyiciro cyo hagati (classe moyenne) bakeneshejwe ku bushake bwa Leta, nyamara ni bo benshi kandi baramutse bahawe imishahara ihagije ni bo bafasha ubukungu gutera imbere.<\/p>\n Kuba guhanga imirimo biri ku kigero cyo hasi ni imwe mu mpamvu zituma ubukene n\u2019imibereho mibi bidashobora gucika mu Banyarwanda. Leta yo ibwira urubyiruko rurangije amashuri ngo nirwihangire imirimo. Kugira ngo guhanga imirimo bishoboke, ni ngombwa ko umuturage yagira ubushobozi mu kubona inguzanyo mu bigo by\u2019imari. Biragoye kubona inguzanyo na none adafite ingwate kuko nta mutungo afite.\u00a0Abashoboye kwishyira hamwe bakabona inguzanyo muri banki, abenshi bahura n\u2019ikibazo cy\u2019imisoro ihanitse, akenshi bikabaviramo kubura ubwishyu, bikarangira ibyo bari batunze bitejwe cyamunara kugira ngo banki ibone amafaranga yayo. Ingero ni nyinshi z\u2019abagiye bamburwa ibyabo kuko bananiwe kwishyura inguzanyo bahawe.<\/p>\n Igihugu cy\u2019u Rwanda muri iki gihe gisa n\u2019ikiri mu kato, aho imipaka n\u2019abaturanyi ifunze kubera politiki mbi y\u2019agatsiko gahora gashotora ibihugu by’ibituranyi. Izi ntambara z\u2019urudaca no kurebana ay\u2019ingwe bituma nta buhahirane bushoboka kugira ngo haboneke ibiribwa bihagije ku masoko, bitume ibiciro bijya hasi. Kugarura umubano mwiza n\u2019ibihugu bidukikije biri mu byihutirwa kuko bizatuma ubwishishanye bushira burundu, noneho Abanyarwanda babishoboye kandi babishaka basohoke mu Rwanda, bakore ubucuruzi bwambukiranya imipaka nta bwoba cyangwa bajye gukorera hanze indi mirimo itari ubuhinzi, cyangwa abashoboye kujya gukorerayo ubuhinzi n\u2019ubworozi nabo bimukireyo.<\/p>\n Hejuru y\u2019ibi byose hiyongeraho imisanzu n\u2019imisoro by\u2019umurengera ya hato na hato rubanda yakwa, igamije gukungahaza abari mu gatsiko kayoboye igihugu, abaturage bo bakabihomberamo. Aha twavuga umusanzu w\u2019ishyak rya FPR utangwa na buri Munyarwanda umukuru n\u2019umuto, umusanzu w\u2019irondo, uw\u2019isuku, uw\u2019Ejo Heza, uw\u2019ikigega Agaciro;….<\/p>\n Abaturage bakomeje gutaka inzara n\u2019ubukene kandi barababaye. Iyo usesenguye\u00a0 <\/span>byimbitse imikorere y\u2019agatsiko kayoboye u Rwanda, usanga gukenesha abaturage ari imwe mu ntwaro ya FPR kugira ngo ishobore kubayobora imaze kubagira abasabirizi bahora bateze amaboko kuko nta kindi bashoboye. Bityo rero, igihe cyose agatsiko ka FPR kazaba kayoboye igihugu, inzara n\u2019ubukene ntibizigera bishira muri rubanda. Umuti wonyine ushoboka ni uko abaturage bakwishyira hamwe bagakora Revolusiyo ihindura imitegekere y\u2019igihugu, bityo n\u2019ubuyobozi buriho bugahinduka.\u00a0Abanyapolitiki batavuga rumwe n\u2019ubutegetsi bw\u2019agatsiko barasabwa gukomeza gushishikaza rubanda, babigisha uburenganzira bwabo kugira ngo bazashobore kwipakurura ingoma y\u2019igitugu ya FPR igamije kubakenesha, mu gihe agatsiko kihariye konyine ibyiza by\u2019igihugu. Iyo ni yo nzira izatuma abanyarwanda bivana mu nzara n\u2019ubukene, bamaze kwigaranzura ubutegetsi bw\u2019igitugu no gusenya ubwikubire bwa bamwe. Ni inzira iruhije,ariko irashoboka.<\/p>\n Vestine MUKANOHERI<\/strong><\/p>\n Umunyamuryango wa FDU-Inkingi<\/strong><\/p>\n","protected":false},"excerpt":{"rendered":" Muri iki gihe abaturage bo mu Rwanda bugarijwe n\u2019ikibazo cy\u2019inzara yabaye karande ikaba ibahejeje mu mibereho mibi. Muri rusange ubuzima bw\u2019abanyarwanda bwifashe bute? Impamvu ni iyihe? Umuti ni uwuhe? 1. Imibereho y\u2019Abanyarwanda ubu yifashe ite? Kuva agatsiko k\u2019abo bamwe bita \u201cabavantara\u201d (bibumbiye muri FPR) kayoboye u Rwanda kagera ku butegetsi guhera mu mwaka wa 1994, […]<\/p>\n","protected":false},"author":2,"featured_media":24698,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[36],"tags":[],"class_list":["post-47094","post","type-post","status-publish","format-standard","has-post-thumbnail","hentry","category-umuturage"],"yoast_head":"\n2.2. Ubushomeri mu rubyiruko<\/b><\/h3>\n
2.3. Imishahara y\u2019intica ntikize ku gice kinini cy\u2019abakorera Leta.<\/b><\/h3>\n
2.4. Guhanga imirimo biri hasi kuko nta gishoro kandi inyungu ku nguzanyo za banki ziri hejuru cyane, hakiyongeraho n\u2019imisoro ikabije.<\/b><\/h3>\n
2.5. Intambara z’urudaca\u00a0leta y\u2019u Rwanda\u00a0ishoza ku baturanyi.<\/b><\/h3>\n
2.6. Imisanzu n\u2019imisoro by\u2019murengera kandi bihoraho.<\/b><\/h3>\n
3. Umuti w\u2019ibi bibazo ni uwuhe ?<\/b><\/h2>\n