Igisirikare cy\u2019u Rwanda RDF cyakozanyijeho n\u2019icya Kongo mu kurasana. Abaturiye umupaka wa Rusizi ya Kabiri mu Burengerazuba bw\u2019u Rwanda ibyo byabereyeho bavuga ko kwamaze hafi igice cy\u2019isaha mu masaha y\u2019umuseso yo kuri uyu wa gatatu.<\/p>\n
Igisirikare cy\u2019u Rwanda cyatangaje ko ibyo byaturutse ku itsinda ry\u2019abasirikare ba Kongo binjiye mu gice cy\u2019umupaka kitagira uruhande cyegukira bagatangira kurasa mu Rwanda.<\/p>\n
Ukurikije ibitangazwa n\u2019abaturiye uyu mupaka wa Rusizi ya kabiri ukoreshwa akenshi n\u2019imodoka nini zitwara imizigo, uku kurasana kwaciye igikuba mu baturage ku buryo hari n\u2019abahunze ingo zabo by\u2019akanya gato.<\/p>\n
Ubwo twageraga aha ku mupaka, wabonaga ko urujya n\u2019uruza rukomeje ariko rw\u2019abantu bakeya n\u2019imodoka nkeya.<\/p>\n
Abasanzwe bashakira amaramuko aha kuri Rusizi ya kabiri no hakurya i Bukavu, bavuga ko kuri uyu wa gatatu mu gitondo serivisi zo ku mipaka ku mpande zombi zabanje gutinda gutangira gutangwa, ariko nyuma ziza gusubukurwa.<\/p>\n
Mu itangazo cyasohoye kuri uyu wa gatatu, igisirikare cy\u2019u Rwanda -RDF cyavuze ko uko kurasana kwabaye ahagana isaa kumi n\u2019igice z\u2019igitondo cyo kuri uyu wa gatatu.<\/p>\n
Kivuga ko intandaro y\u2019uko gukozanyaho, ari abasirikare ba Kongo bari hagati ya 12 na 14 bavogereye agace katagira urunde kegukira aha ku mupaka, bagatangira kurasa ku ruhande rw\u2019u Rwanda, hanyuma nacyo kikarasa mu kubishyura.<\/p>\n
RDF ivuga ko nta musirikare wayo waguye cyangwa ngo akomerekere muri uku kurasana kwabereye ku mupaka. Iki gisirikare cy\u2019u Rwanda kikavuga ko icya Kongo \u2013 FARDC cyaje kugaruka hanyuma \u201ckigakubura aho ibyo byabereye.\u201d<\/p>\n
RDF igasoza ivuga ko yasabye itsinda rihuriweho n\u2019ibihugu byo mu karere rishinzwe kugenzura imipaka kuza gukora iperereza kuri icyo gikorwa yise icy\u2019ubushotoranyi.<\/p>\n
Icyakora Repubulika ya Demukarasi ya Kongo iby\u2019uko gukozanyaho kw\u2019igisirikare cyayo n\u2019icy\u2019u Rwanda irabihakana, ikavuga ko ari ibinyoma byambaye ubusa.<\/p>\n
Mu itangazo yashyize ahagaragara, Bwana Theo Ngwabidje Kasi utegeka intara ya Kivu y\u2019Epfo yavuze ko inzego z\u2019igisirikare n\u2019igipolisi za Kongo zikorera ku mupaka wa Rusizi ya 2 zarasanye n\u2019abajura ku ruhande rwa Kongo, ariko ntawarashe mu Rwanda.<\/p>\n
Uyu mutegetsi avuga ko abo bajura bitwaje imbunda bageragezaga kwiba muri karitsiye yegereye uyu mupaka, bateshejwe ndetse umwe muri bo yarashwe akahagwa, habaka n\u2019abandi batawe muri yombi.<\/p>\n
Bwana Ngwabidje Kasi avuga ko nta musirikare n\u2019umwe wa FARDC wageze mu gace katagira uruhande kegukira \u2013 zone neuter cyangwa ngo arase mu Rwanda.<\/p>\n
Guverineri wa Kivu y\u2019Epfo akavuga ko ibyo u Rwanda rurimo gukora, ari uguhimba ibinyoma rwigira inzirakarengane kugira ngo rushake impamvu yo gushoza intambara ku ntara ategeka nk\u2019uko rurimo kubikora muri Kivu ya Ruguru.<\/p>\n
Twagerageje kuvugisha Brigadiye Jenerali Ronald Rwivanga uvugira igisirikare cy\u2019u Rwanda ku bijyanye n\u2019ibyabaye ndetse n\u2019ikirimo gukorwa, ariko ntibyadukundiye.<\/p>\n
Inshuro twahamagaye telefoni ye ngendanwa ntiyitabwaga, n\u2019ubutumwa twamwoherereje kugeza ubwo twatunganyaga iyi nkuru yari atarabusubiza.<\/p>\n
Bamwe mu bakora ku binyabiziga byari bisanzwe birara aha ku mupaka ku ruhande rw\u2019u Rwanda batubwiye ko bandikiwe ubutumwa bugufi bamenyeshwa ko batagomba kubiharaza iri joro.<\/p>\n
Uku gukozanyaho hagati y\u2019ibisirikare by\u2019ibihugu byombi \u2013 u Rwanda na Kongo ku mupaka ibihuza kubaye mu gihe umwuka ukomeza kuba mubi hagati y\u2019ibi bihugu bituranyi bishinjanya gushyigikira inyeshyamba zirwanya buri ruhande.<\/p>\n
Kongo ishinja u Rwanda gufasha inyeshyamba za M23 mu ruziha ibikoresho n\u2019abarwanyi mu ntambara zihanganyemo n\u2019igisirikare cyayo- FARDC mu ntara ya Kivu ya Ruguru.<\/p>\n
Ibyo ariko u Rwanda rurabihakana, ahubwo rugashinja Kongo gufasha inyeshyamba za FDLR zirwanya ubutetsi bwarwo.<\/p>\n
Kugeza ubu umuhate w\u2019ibihugu yaba ibyo mu karere no hanze yako mu kugerageza guhagarika intambara ishyamiranyije igisirikare cya leta ya Kongo na M23, hamwe no guhosha umwuka mubi yateje hagati y\u2019ibi bihugu bituranyi, nta gifati uratanga.<\/p>\n