Ubushinjacyaha bw\u2019u Rwanda burasabira Madamu Yvonne Idamange Iryamugwiza gufungwa imyaka 21 muri gereza no gutanga ihazabu ya miliyoni umunani z\u2019amafaranga.<\/p>\n
Buravuga ko umucamanza wa mbere yagaragaje ukubogama mu cyemezo yamufatiye. Idamange uregwa ibyaha byo gupfobya no guhakana jenoside yari yarahanishijwe igifungo cy\u2019imyaka 15 muri gereza.<\/p>\n
Yaba Madamu Yvonne Idamange Iryamugwiza ndetse n\u2019abanyamategeko bamwunganiraga nta n\u2019umwe wagaragaye mu cyumba cy\u2019urukiko rw\u2019ubujurire.<\/p>\n
Hagaragaye gusa umushinjacyaha bwana Come Harindintwari. Ni mu gihe umucamanza yavugaga ko impande zombi zari zarajuririye icyemezo cy\u2019urukiko rukuru cyari cyarahanishije Idamange gufungwa imyaka 15 muri gereza nyuma yo kumuhamya ibyaha.<\/p>\n
Umucamanza yavuze ko ku itariki ya 24 y\u2019ukwezi kwa mbere uyu mwaka ubwanditsi bw\u2019urukiko bwandikiye uregwa bumumenyesha ko agomba gusubiza ku myanzuro y\u2019ubujurire bw\u2019ubushinjacyaha.<\/p>\n
Yavuze ko ku ibaruwa imumenyesha, Idamange yayandikishijeho ikaramu agira ati \u201cNjyewe Idamange ndabamenyesha ko ntigeze njurira na cyane ko ibyemezo nabifatiwe ntarigeze mburana\u201d. Umucamanza akavuga ko nyuma yo kwandika ayo magambo Idamange yayashyizeho umukono.<\/p>\n
Rushingiye kuri iyo nyandiko n\u2019umukono w\u2019uregwa, urukiko rwaketse ko ari yo mpamvu abagombye kumwunganira mu mategeko bahisemo kutaza mu rukiko. Rukavuga ko n\u2019iyo bahaza ntawe byaba bigaragara ko bahagarariye mu mategeko.<\/p>\n
Rushingiye kandi kuri iyo nyandiko urukiko rw\u2019ubujurire rwanzuye ko ubujurire ku ruhande rwa Idamange butariho; bityo ko rugomba kuburanisha ubujurire bw\u2019ubushinjacyaha gusa.<\/p>\n
\u201cN\u2019ubwo atajuriye ntabwo byari kumubuza kuza kuburana ku bujurire bw\u2019ubushinjacyaha kuko bumurega.\u201d Uko ni ko umucamanza yatangaje. Yavuze ko bigaragara ko hari itariki uregwa yamenyeshejwe ko agomba kuburaniraho; gusa inyandiko imumenyesha Idamange yanze kuyishyiraho imikono nk\u2019uko urukiko rwabivuze.<\/p>\n
Umushinjacyaha bwana Harindintwari yahise asaba ko urubanza ruburanishwa Idamange adahari na cyane ko yahamagajwe mu buryo bwubahirije amategeko.<\/p>\n
Ubushinjacyaha mu bujurire bwabwo buvuga ko urukiko rukuru mu Rwanda mu cyemezo rwafashe, rwahanishije Idamange igihano gito gihamanye n\u2019uburemere bw\u2019ibyaha bumurega.<\/p>\n
Ijwi ry\u2019Amerika yabajije amakuru igamije kumenya impamvu Yvonne Idamange atitabiriye iburanisha. Umwe mu bamwunganiraga ku rwego rwa mbere yatubwiye ko uwo bunganira yahisemo kwanga kuburana.<\/p>\n
Uyu munyamategeko agasobanura ko mu cyemezo cy\u2019umucamanza wa mbere babonagamo inenge zikomeye ku buryo iyo yemera kuburana byashobokaga ko icyemezo cyahinduka mu nyungu z\u2019uregwa.<\/p>\n
Uyu munyamategeko agasigarana impungenge ko uku kwanga kuburana k\u2019uwo bunganiye ashobora kwisanga yahanishijwe igihano kiremereye kuruta icyo umucamanza wa mbere yari yategetse.<\/p>\n
Mu mwaka wa 2021 ni bwo urukiko rukuru mu Rwanda rwahanishije Idamange gufungwa imyaka 15 muri gereza.<\/p>\n
Idamange yamenyekanye cyane mu mwaka wa 2020 mu biganiro yacishaga ku muyoboro we wa YouTube. Yumvikanyemo ahamagarira ingeri zitandukanye kwigaragambya; ubundi akumvikana mu magambo akomeye nk\u2019aho yavugaga ko igihugu kiyobowe n\u2019umuzimu ashaka kumvikanisha ko Perezida w\u2019u Rwanda Paul Kagame atakiriho.<\/p>\n
Ubushinjacyaha bumukurikiranyeho ibyaha byo guteza imvururu cyangwa imidugararo muri rubanda, gupfobya no guhakana jenoside yakorewe abatutsi mu 1994, gutangaza amakuru y\u2019impuha, kwigomeka ku buyobozi no gutanga sheki itazigamiye.<\/p>\n
Ibyaha byose Idamange arabihakana akavuga ko bishingiye ku nyungu za politiki. Yakunze kwiregura asobanura ko amagambo yayavuze agamije kuvugira abari mu kaga mu gihe icyorezo cya COVID-19 cyavuzaga ubuhuha hirya no hino ku isi.<\/p>\n
Urukiko rw\u2019ubujurire ruzatangaza icyemezo ku itariki ya 27 z\u2019uku kwezi.<\/p>\n
VOA<\/strong><\/p>\n","protected":false},"excerpt":{"rendered":" Ubushinjacyaha bw\u2019u Rwanda burasabira Madamu Yvonne Idamange Iryamugwiza gufungwa imyaka 21 muri gereza no gutanga ihazabu ya miliyoni umunani z\u2019amafaranga. Buravuga ko umucamanza wa mbere yagaragaje ukubogama mu cyemezo yamufatiye. Idamange uregwa ibyaha byo gupfobya no guhakana jenoside yari yarahanishijwe igifungo cy\u2019imyaka 15 muri gereza. Yaba Madamu Yvonne Idamange Iryamugwiza ndetse n\u2019abanyamategeko bamwunganiraga nta n\u2019umwe […]<\/p>\n","protected":false},"author":2,"featured_media":39319,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-47228","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n