Perezida Paul Kagame w\u2019u Rwanda yavuze ko hari ibiganiro byatangijwe bigamije kugerageza gukemura ikibazo cy\u2019umunyapolitike Paul Rusesabagina.<\/p>\n
Ibi Perezida Paul Kagame yabivugiye mu nama mpuzamahanga ireba iby\u2019umutekano iteraniye I Doha muri Qatari. Yavuganaga n\u2019umunyamakuru Steve Clemons uyobora igitangazamakuru Semafor gikorera muri Leta zunze ubumwe z\u2019Amerika.<\/p>\n
Muri iki kiganiro Perezida Kagame w\u2019u Rwanda yarimo agaragariza abayitabiriye urugendo u Rwanda rwanyuzemo rwo kwiyubaka, ubwiyunge n\u2019iterambere ry\u2019igihugu mu myaka irenga 10 ishize.<\/p>\n
Muri icyo kiganiro umunyamakuru Clemons yabajije Perezida Kagame ku ifungwa rya Paul Rusesabagina inkiko z\u2019u Rwanda zakatiye imyaka 25 nyuma yo guhamwa n\u2019ibyaha by\u2019ubwicanyi n\u2019iby\u2019iterabwoba. Asubiza umunyamakuru Clemons, Perezida Kagame yavuze ko icyo kibazo kirimo kwigwaho kugira ngo kirangire.<\/p>\n
Yagize ati: \u201cNtabwo turi abantu bashaka guhera ahantu hamwe tudatera imbere ku mpamvu iyo ari yo yose. Nkuko mubizi, no mu mateka yacu, igihe twashakaga gukomeza tujya mbere nkuko twigeze kubivuga twageze n\u2019aho tubabarira ibitababarirwa\u201d<\/p>\n
Perezida Kagame yavuze ko uko ariko bamwe mu bakoze jenoside baje kwisanga bidegembya. Ati: \u201cNtabwo duheranwa n\u2019amateka yacu. Hari ibiganiro, hari ukureba inzira zose zishoboka zo gukemura icyo kibazo hatabayeho kwirengagiza uburemere bw\u2019ibyaha yahamijwe. Ndatekereza ko hagomba kuboneka uburyo bwo kubitunganya\u201d<\/p>\n
Ifatwa n’ifungwa rya Rusesabagina ryateje impaka nyinshi haba mu Rwanda no hanze yarwo.<\/p>\n
Leta zunze ubumwe z\u2019Amerika n\u2019indi miryango mpuzamahanga iharanira uburenganzira bwa muntu yakomeje kuvuga ko urubanza rwa Rusesabagina rwaranzwe n\u2019amahinyu menshi ajyanye no kutubahiriza amahame y\u2019iburanisha riboneye, aho leta yagiye kure mu kwivanga mu mikorere y\u2019ubucamanza.<\/p>\n
Ibihugu n\u2019imiryango mpuzamahanga bikomeje gusaba leta y’u Rwanda kumurekura kuko bisanga yarafashwe mu buryo butemewe n’amategeko.<\/p>\n
Mu muryango we bemeza ko yashimuswe.<\/p>\n