Umunsi mukuru mpuzamahanga w\u2019abagore wanteye kwibaza cyane ku mibereho y\u2019abitwa abagore b\u2019iwacu. Mu byukuri mvuze umugore nshaka kuganisha ku muntu wese w\u2019igitsina gore kuva ku gahinja kugera ku mukecuru ; nkaba nshaka kugaruka cyane ku burenganzira bwabo n\u2019uruhare runini bafite mu kubaka umuryango nyarwanda by\u2019umwihariko n\u2019iyi si yose muri rusange.<\/p>\n
Ubundi mu kinyarwanda umugore ntahabwa agaciro n\u2019amategeko ngo bavuge ngo uzamukoraho bazabimubariza munkiko cyangwa ngo bazamuhamagariza polisi nkuko numva byateye henshi mu banyarwanda bubu.<\/p>\n
agaciro k\u2019umugore gahari kuva akiremwa, akaza yitwa nyinawabantu kabone naho yaba akiri agahinja gato cyane. Bityo mu muco wacu byatumaga atangira kubahwa no kwitabwaho by\u2019umwihariko kugirango udahugana maze umuryango wose ugahungabana.<\/p>\n
Umugore yagiraga imirimo akora by\u2019umwihariko atari uko ahejwe mu bindi ahubwo yakoraga ibijyanye n\u2019urwo ruhare rwe rwo kuba nyinawumuntu. Naho mubindi yatozwaga ubwitonzi bukomeye, kwihangana, no gushishoza bijyanye no gushyira mu gaciro ku buryo no mu zindi nzego z\u2019imirimo n\u2019ibikorwa binyuranye yashoboraga kugiramo ijambo no gutanga inama.<\/p>\n
Niyo mpamvuri urwo rwego n\u2019umugabo mu rugo yagombaga gutegeka urugo bigakunda ariko byagera aho bikomeye agakenera kumva ijwi n\u2019inama by\u2019umugore ari naho umugore akomora kwitwa na none umufasha kuko umugabo atakwishoboza byose mu kubaka urugo rukomeye. Aho rero niho hava ya mvugo ngo : \u00ab umugore ni umutima w\u2019urugo \u00bb ; ubundi bakongera bati : \u00ab ukurusha umugore akurusha urugo \u00bb.<\/p>\n
Tukiri rero mu gihe cy\u2019umunsi mpuzamahanga w\u2019uburenganzira bw\u2019umugore ndagirango nihanize abantu babonye ngiye ahagaragara ngo ntange umusanzu wange mu kubaka u rwanda rwiza rubereye bose, nkazamura ijwi ryanjye ngo mfatanye na bagenzi bange babitangiye mbere kandi mbona bagana heza nuko bagatangira kunyibasira.<\/p>\n
By\u2019umwihariko niyamye abantu banyanditse mu kinyamakuru \u00ab Rushyashya \u00bb no mu kindi kitwa \u00ab My 250TV \u00bb bansebya. Nange kimwe n\u2019abandi banyarwandakazi twese dufite uburenganzira bwo kugira icyo tuvuga cyangwa dukora mu rwego rwo kubaka igihugu cyacu ntawe tugombye kubisabira uruhushya.<\/p>\n
Ibyo nkora rero ntawabinjyanyemo ku gahato cyangwa mu buriganya ubwo aribwo bwose. Nange mfite umutimanama kandi ndakuze byo kumenya gutandukanya ikiza n\u2019ikibi ; kumenyako utavuga ngo urubaka neza, umuryango nyarwanda, waka abantu uburenganzira bwabo ngo nge nkome amashyi.<\/p>\n
Ushaka igihugu cyiza yubaha ubuzima bw\u2019abaturage bacyo, akubaka amajyambere arambye mu bwumvikane na rubanda muri rusange ndetse byakunda buri wese akabigiramo uruhare.<\/p>\n
Niyo mpamvu niyemeje gushyigikira by\u2019umwihariko abagore babonye kareko u Rwanda rugeze habi bagahagurukira gutanga umuganda wabo mbere na mbere bamagana umuco w\u2019ubwicanyi urimo wogera aho uvuze wese yicwa cyangwa akaburizwa irengero.<\/p>\n
Hari benshi bamaze kuzira ubwo butwali bagize : abishwe, ababuriwe irengero, abafunze n\u2019abandi benshi batakigira uburenganzira na buke nko kuvuga bisanzuye cyangwa se kujya aho bashaka nta nkomyi kabone naho byaba ari ukujya mu ngo zabo.<\/p>\n
Nonese buriya Madame Victoire Ingabire aho ari hariya si ifoto ya benshi mu bagore bagowe bo mu Rwanda?<\/p>\n
Abagore benshi b\u2019abazunguzayi si ikimenyetso kivugira cy\u2019uko umugore w\u2019umunyarwandakazi yafungiwe amarembo yo kugira uruhare mu kunganira urugorwe no gushakisha icyazahura ubukungu bw\u2019igihugu n\u2019imibereho myiza y\u2019abanyarwanda.<\/p>\n
Sinazinduwe no kurondora amabi abagore bo mu rwanda bagirirwa ariko sinabura no kwibutsa ko leta inashinjwa ibindi byaha ndengakamere ikorera ku bagore bo muri Congo n\u2019ubwo no mu Rwanda bihaba ariko ntibivugwe.<\/p>\n
Niyo mpamvu nshaka guhinira aha nongera kubwira abantoteza bose n\u2019abashaka gukoma imbere abagore bo mu Rwanda ngo baceceke kandi igihugu kigana aharenga ngo bazirikane ko umugore ari igicumbi cy\u2019ubuzima n\u2019uburere. Uruhare rw\u2019umugore ni ingenzi kuko nkuko nabivuze<\/p>\n
haruguru : \u00ab umugore ni nyinawabantu \u00bb. Bityo nkongera kwamagana abatoteza abagore ko : \u00ab Akabura ntikaboneke ari nyina wumuntu \u00bb.<\/p>\n
Nange rero by\u2019umwihariko nkabamenyeshako ndi umwe mu bagore bumva ubuzima butagomba guseswa uko abantu bamwe babyumva mu nyungu zabo bwite. Ndetse nanababwirako burya n\u2019igihugu ari umubyeyi ko udashobora kucyubaka utubaha abagore. Ahubwo numva narakerewe nkaba nsaba n\u2019abandi bagore bose bagifite ingingimira zo kugaragaza ubuntu n\u2019impuhwe ziranga abagore ko igihe kirimo kirenga. Nibaze dufatanye twamagane icyo aricyo cyose gihungabanya ubuzima n\u2019uburenganzira bwa kiremwamuntu aho ava akagera. Imana rurema iturinde kandi yumve ugusaba kwacu.<\/p>\n
MUSABE Bertilde<\/strong><\/p>\n","protected":false},"excerpt":{"rendered":" Umunsi mukuru mpuzamahanga w\u2019abagore wanteye kwibaza cyane ku mibereho y\u2019abitwa abagore b\u2019iwacu. Mu byukuri mvuze umugore nshaka kuganisha ku muntu wese w\u2019igitsina gore kuva ku gahinja kugera ku mukecuru ; nkaba nshaka kugaruka cyane ku burenganzira bwabo n\u2019uruhare runini bafite mu kubaka umuryango nyarwanda by\u2019umwihariko n\u2019iyi si yose muri rusange. Ubundi mu kinyarwanda umugore ntahabwa […]<\/p>\n","protected":false},"author":2,"featured_media":47272,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-47271","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n