Abategetsi muri Amerika baratangaza ko irekurwa rya Paul Rusesabagina riri mu muhate w\u2019ubutegetsi bwa Perezida Joe Biden w\u2019uko buri muturage wese w\u2019Amerika uri mu ngorane mu bihugu by\u2019amahanga acyurwa mu gihugu cye agahuzwa n\u2019umuryango we amahoro.<\/p>\n
Ibi byagarutsweho n\u2019abategetsi bakuru b\u2019Amerika ubwo basobanuraga uko irekurwa rya Rusesabagina ryagezweho.<\/p>\n
Umwe mu bategetsi bakuru muri guverinema yavuze ko irekurwa rya Paul Rusesabagina rije ryiyongera ku bandi banyamerika benshi barekuwe mu bihugu bitandukanye bigizwemo uruhare na Perezida Biden n\u2019ubutegetsi bwe.<\/p>\n
Yavuze ko n\u2019ubwo byagizwe ibanga ku bwende, ariko hari abaturage benshi b\u2019Amerika bacyuwe bavanywe mu bihugu nka Afuganistani, Birmaniya, Uburusiya, Irani n\u2019ahandi.<\/p>\n
Yongeraho ko ibikorwa nk\u2019ibyo bigamije gukura Abanyamerika mu kaga barimo hirya no hino ku isi bikomeje.<\/p>\n
By\u2019umwihariko ku irekurwa rya Rusesabagina, uyu mutegetsi yatangaje ko ryagezweho nyuma y\u2019amezi menshi y\u2019umuhate mu biganiro bihuje impande zombi. Avuga ko uruzinduko Minisitiri w\u2019Ububanyi n\u2019Amahanga w\u2019Amerika, Antony Blinken, yagiriye mu Rwanda mu kwezi kwa munani k\u2019umwaka ushize rwari rugamije kongera imbaraga mu byari bimaze kugerwaho muri uwo muhate.<\/p>\n
Uyu mutegetsi yatangaje ko Leta zunze ubumwe z\u2019Amerika yari yaramenyesheje leta y\u2019u Rwanda ko ikibazo cya Rusesabagina, mu gihe kitaganiriweho ngo haboneke igisubizo gikwiriye, kizakomeza kuba intambamyi ikomeye mu mibanire y\u2019ibihugu byombi.<\/p>\n
Avuga ko hari umujyanama mukuru mu biro bya Perezida Biden wafashe iki kibazo mu biganza kugeza ibiganiro bifashe umurongo.<\/p>\n
Uyu ngo yatangiye kugirana ibiganiro byihariye mu buryo bwa dipolomsi ituje n\u2019umujyanama wa hafi wa Perezida w\u2019u Rwanda Paul Kagame, byatangiye mu buryo bwo guhamagarana kuri telefone, nyuma baza guhura imbona nkobone.<\/p>\n
Uyu mutegetsi mukuru muri guverinema ya Biden yatangaje ko ibiganiro hagati y\u2019aba bajyanama bombi byari bigamije guhindura icyerekezo, ibyafatwaga nko kwamagana ku ruhande rw\u2019Amerika no gutsimbarara ku ruhande rw\u2019u Rwanda bigafata umujyo w\u2019ibiganiro biganisha ku ho impande zombi zahuriza.<\/p>\n
Muri ibyo biganiro, uyu mutegetsi yavuze ko uburyo bwumvikanweho bwaje kugerwaho, hanyuma leta y\u2019u Rwanda yemera kurekura Rusesabagina, ariko n\u2019Amerika yemera kuyishimira iyo ntambwe yagezweho, nk\u2019uko bikomeje gukorwa.<\/p>\n
Mu kiganiro n\u2019abanyamakuru, undi mutegetsi, yavuze ko ibiganiro biganisha ku kumvikana byatangiye gufata umujyo nyuma y\u2019aho Rusesabagina akatiwe n\u2019urukiko gufungwa imyaka 25 mu kwezi kwa Cyenda kwa 2021.<\/p>\n
Uyu akavuga ko ibiro bya Perezidansi y\u2019Amerika yatangiye gukorana n\u2019umuryango we, ndetse n\u2019abagize inteko nshingamategeko y\u2019Amerika bashishikarije impande zombi gukoresha uburyo bw\u2019imbabazi busanzwe buriho mu mategeko y\u2019u Rwanda. Ibyo bigakorwa hagamijwe guhosha umwuka wo guhangana hagati ya leta y\u2019u Rwanda na Rusesabagina.<\/p>\n
Uyu mutegetsi akaba yashimiye Perezida Kagame igisubizo cye cyiza cyavuye mu biganiro yagiranye na Minisitiri w\u2019ububanyi n\u2019amahanga w\u2019Amerika mu kwa Munani k\u2019umwaka ushize. Avuga ko irekurwa rya Rusesabagina ari inkuru nziza ku muryango we, ariko kandi ikanaba n\u2019inkuru nziza ku butegetsi bw\u2019Amerika bwakoze ibishoboka byose ngo rigerweho.<\/p>\n
Mu biganiro byahuzaga aba bategetsi bavuze ko Rusesabagina, ubu ucumbikiwe kwa ambasaderi wa Katari i Kigali, azahamara iminsi mikeya, nyuma akahava yerekeza i Doha muri Katari.<\/p>\n
Aha naho aba bategetsi bavuze ko azahamara iminsi mike itatangajwe\u2013ku mpamvu bavuze ko ari iko kubaha ubuzima bwite bwe nk\u2019umuntu ubu widegembya- akazaha yerekeza muri Amerika.<\/p>\n
Ku ruhare rwa Katari muri iki gikorwa, aba bategetsi bashimye akazi k\u2019ubuhuza mu biganiro byagejeje ku irekurwa rya Rusesabagina iki gihugu cyakoze.<\/p>\n
Bavuga ko ibi ari ibisanzwe ko Leta zunze ubumwe z\u2019Amerika, mu gukora uko ishoboye ngo itahukane abaturage bayo, yifashisha igihugu gifitanye umubano mwiza n\u2019igihugu abatahukanwa barimo.<\/p>\n
Nkibutsa ko kuwa gatandatu ushize \u2013 ni ukuvuga umunsi umwe nyuma y\u2019irekurwa rya Rusesabagina, minisiteri y\u2019ububanyi n\u2019amahanga y\u2019Amerika yatangaje ko ivanyeho icyemezo cyayo cyavugaga ko avunzwe binyuranyije n\u2019amategeko.<\/p>\n