Impirimbanyi y\u2019uburenganzira bwa muntu mu Rwanda Bwana Aimable Uzaramba n\u2019abamwunganira mu mategeko barasaba umucamanza kubanza kumusuzuma uburwayi bwo mu mutwe mbere yo kumuburanisha ibyaha byo guhakana no guha ishingiro jenoside.<\/p>\n
Bwana Aimable Karasira Uzaramba yagejejwe ku rukiko arinzwe bikomeye n\u2019abacungagereza bavanze n\u2019abapolisi benshi. Yari mu mpuzankano y\u2019iroza iranga abafungwa yambaye amapingu ku maboko afite bibiliya mu ntoki.<\/p>\n
Umwitegereje mbere y\u2019iburanisha ari n\u2019abamwunganira mu mategeko, Karasira yagaragaraga yacishagamo akamwenyura , ubundi akagaragara nk\u2019uri mu ntekerezo zidashira.<\/p>\n
Karasira yabwiye umucamanza mu rugereko rwihariye rw\u2019urukiko rukuru ruburanisha ibyaha byo ku rwego mpuzamahanga n\u2019ibyambuka imbibe ko n\u2019ubwo yubahirije amabwiriza y\u2019abamufunze atiteguye kuburana. Yavuze ko amaze icyumweru arwaye kandi ko gutegura urubanza ku byaha byo guhakana no guha inshingiro jenoside yamugize imfubyi birushaho kumusubiza inyuma.<\/p>\n
Yasobanuye ko kuva yagera mu munyururu byarushijeho kumusonga ku burwayi bw\u2019agahinda gakabije amaranye imyaka isaga 20 ndetse n\u2019indwara y\u2019igisukari izwi nka diyabete. Yasobanuye ko atanga kuburana na cyane ko yemera ashimitse ko biri mu nyungu ze ariko agasaba urukiko gutegeka ko avurwa bakamuburanisha ari muzima.<\/p>\n
Ibindi wabyumva hasi mu nkuru y’Umunyamakuru w’Ijwi ry’Amerika, Eric Bagiruwubusa<\/p>\n