Kuri uyu wa kane tariki ya 8 Kamena 2023, urukiko rwisumbuye rwa Gasabo rwatangiye kuburanisha urubanza umuryango wita ku barokotse Jenoside Ibuka uregamo Kabuga Felesiyani. Ibuka isaba Kabuga indishyi z\u2019akababaro zisaga miliyari ibihumbi 50 z\u2019amafranga y\u2019u Rwanda.<\/p>\n
Umuryango Ibuka usobanura ko wareze Kabuga Felicien mu rukiko rwisumbuye rwa Gasabo, kuko yari atuye ku Kimironko mu karere ka Gasabo. Uyu muryango usobanura ko umurega uruhare yagize mu gihe cya Jenoside yakorewe abatutsi muri 1994. Ibuka yumvikanisha ko Kabuga Felesiyani yagize uruhaye ruziguye mu ibikorwa binyuranye by\u2019iyicwa ry\u2019abatutsi ndetse byangiza imitungo yabo inyuranye.<\/p>\n
Mu iburanisha ry\u2019uru rubanza, umuryango Ibuka wari uhagarariwe na Me Bayingana Janvier. Kabuga ntiyari yitabiriye urubanza ndetse nta n\u2019umwunganizi wari umuhagarariye.<\/p>\n
Umunyamategeko wari uhagarariye Ibuka Me Bayingana Janvier, avuga ko ibikorwa bya Kabuga Felesiyani byatumye hicwa abantu bari bafitiye akamaro igihugu ndetse n\u2019imiryango yabo, ndetse binatuma hasahurwa imitungo yari kubatunga n\u2019inzu zabo zirasenywa.<\/p>\n
Mu nyandiko itanga ikirego Ijwi ry\u2019Amerika ryaboneye kopi, bigaragara ko usibye Ibuka ihagarariye abaregera indishyi, harimo n\u2019abandi bacitse ku icumu bo mu Bisesero, ku Mugina, ku Kimironko, ku Muhima, muri Musave, muri Nyamirambo, I Mudende, ahiswe \u201cCommune Rouge\u201d i Rubavu, muri Vunga n\u2019abandi.<\/p>\n
Ibuka isobanura ko yiyambaje urukiko rwisumbuye rwa Gasabo isaba ko rwategeka Kabuga Felesiyani kwishyura indishyi zishingiye ku ruhare rwe. Ni byo Me Bayingana Janvier avuga.<\/p>\n
Uyu munyamategeko asobanura ko imitungo ya kabuga bamaze kuyimenya ndetse naho iherereye. Ibuka ikavuga ko bitari byoroshye kuyimenya yose.<\/p>\n
Umuryango Ibuka ufashe iki cyemezo mu gihe kuwa kabiri w\u2019iki cyumweru Urwego Mpuzamahanga Rwashyiriweho Gukora Imirimo y\u2019Insigarira y\u2019Inkiko Mpanabyaha (IRMCT) rwemeje ko Kabuga Felesiyani uregwa ibyaha bya Jenoside atagifite ubushobozi bwo kuburana. Rwemeje gushyiraho uburyo bwihariye bwo kumukurikirana. Umuryango Ibuka ukavuga ko iki cyemezo kitazakoma mu nkokora umugambi wabo wo kuryoza Kabuga ibyo yangije.<\/p>\n
Uru rubanza ntirwabashije gukomeza kuko mu baburanyi uruhande rwa Kabuga rutari rwitabye.<\/p>\n
Me Bayingana yabwiye Urukiko ko Ibuka yandikiye Umwanditsi Mukuru w\u2019Urwego rwasigariyeho Inkiko Mpuzamahanga mpanabyaha, kuko ari we uhagarariye serivisi zifunze Kabuga, kugira ngo zemeze ko yamenyeshejwe uru rubanza. Yavuze ko ubwo binjiraga mu rukiko bari batarabona igisubizo cy\u2019uyu mwanditsi.<\/p>\n
Umucamanza yabajije niba baravugishije ruriya rwego, asubiza ko bababwiye ko umwanditsi yagize akazi kenshi. Uhagarariye Ibuka yasabye ko urukiko rwabaha indi tariki kuko aho ari hazwi n\u2019abagomba kumumenyesha ko yarezwe bahari.<\/p>\n
Usibye Miliyari ibihumbi 50.658.800.000.000 Ibuka isaba nk\u2019indishyi z\u2019akababaro, uyu muryango usaba izindi miliyoni 100 nk\u2019igihembo ndetse n\u2019amafaranga y\u2019ikurikirana rubanza angana na miliyoni 50 z\u2019amanyarwanda.<\/p>\n
Urubanza rwimuriwe tariki ya 17 Nyakanga 2023.<\/p>\n
VOA<\/p>\n","protected":false},"excerpt":{"rendered":"
Kuri uyu wa kane tariki ya 8 Kamena 2023, urukiko rwisumbuye rwa Gasabo rwatangiye kuburanisha urubanza umuryango wita ku barokotse Jenoside Ibuka uregamo Kabuga Felesiyani. Ibuka isaba Kabuga indishyi z\u2019akababaro zisaga miliyari ibihumbi 50 z\u2019amafranga y\u2019u Rwanda. Umuryango Ibuka usobanura ko wareze Kabuga Felicien mu rukiko rwisumbuye rwa Gasabo, kuko yari atuye ku Kimironko mu […]<\/p>\n","protected":false},"author":2,"featured_media":9078,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-47545","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n