Urukiko rwisumbuye rwa Huye rwumvise abatangabuhamya bashinjura Madamu Beatrice Munyenyezi ku byaha bya jenoside. Umucamanza yumvise abatangabuhamya barimo uwahoze akuriye umutwe wa Jandarumeri muri Perefegitura ya Butare. Uyu yavuze ko nta ruhare rw\u2019uregwa azi ku byaha bya jenoside.<\/p>\n
Umutangabuhamya wabimburiye abandi ku ruhande rwashinjuye Madamu Beatrice Munyenyezi kuri uyu wa Mbere ni Bwana Cyriaque Habyarabatuma. Yinjiye mu cyumba cy\u2019urukiko ari mu mpuzankano y\u2019iroza iranga abafungwa.<\/p>\n
Uyu mutangabuhamya yabaye umukuru w\u2019umutwe w\u2019abajandarume mu gihe cy\u2019imyaka hafi itanu mu cyahoze ari perefegitura ya Butare. Avuga ko ibiro bye byari i Tumba, ku batazi i Butare ni hakurya gato ya Kaminuza. Yabwiye urukiko ko yavuye i Butare ku itariki ya 19\/04\/1994 agiye i Kigali ku rugamba bahanganye n\u2019abari abarwanyi b\u2019Inkotanyi.<\/p>\n
Uyu mutangabuhamya avuga ko atazi uruhare urwo ari rwo rwose Madamu Beatrice Munyenyezi yaba yaragize muri jenoside yakorewe Abatutsi. Avuga ko amuzi nk\u2019umukazana wa Maurice Ntahobari kandi ko yajyaga gufatira agacupa muri hoteli Ihuriro ya Ntahobari ubushinjacyaha buvuga ko yakorewemo ibyaha byibasiye Abatutsi.<\/p>\n
Habyarabatuma avuga ko imbere ya Hoteli Ihuriro hari bariyeri ariko ko yabaga irinzwe n\u2019abagabo gusa nta mugore wayibagaho. Ni imwe muri bariyeri ubushinjacyaha buregaho Munyenyezi ko yayigaragayeho ahetse imbunda anayitangiraho amabwiriza yo kwica no gusambanya abatutsikazi.<\/p>\n
Avuga ko yavuye i Kigali mu mpera z\u2019ukwezi kwa Gatandatu mu 1994 asanga amabariyeri atakiriho muri Butare. Asubiza ku bibazo bya Munyenyezi, Habyarabatuma yavuze ko nta musivili washoboraga kwinjira mu kigo cya jandarumeri cyangwa icya gisirikare ahafata ibikoresho byo kwicisha.<\/p>\n
Uyu yanavuze ko muri icyo gihe nta musivili washoboraga gutanga amabwiriza ku basirikare cyangwa ku bajandarume. Avuga ko yakuriye Jandarumeri kuva muri 87 nyuma y\u2019imyaka ibiri akajya mu Budage aza kugaruka muri 90 asubira mu mwanya w\u2019akazi kugeza muri 94.<\/p>\n
Habyarabatuma yabwiye urukiko rwisumbuye rwa Huye ko yamenye Munyenyezi bwa mbere kuva mu 1993. Yemeza ko yamenye amakuru y\u2019urushako rwe kwa Ntahobari ko Munyenyezi yashakanye na Shaloom Ntahobari bamenyaniye mu mashuli i Gitwe.<\/p>\n
Uyu mugabo wari ukuriye jandarumeri muri Butare avuga ko ku munsi wakurikiye ihanurwa ry\u2019indege y\u2019uwari Perezida w\u2019u Rwanda Jenerali Majoro Juvenal Habyarimana yakunze kwita \u201cPresident sacre\u201d ari bwo muri Butare batangije amabariyeri.<\/p>\n
Asobanura ko ku isonga bashinze izari zegereye ibigo bya gisirikare na Jandarumeri nta musivili wemerewe kuzirinda. Gusa uko ibintu byarushagaho gukara, uyu mugabo akemeza ko haje no gushingwa izindi zarindwaga n\u2019abasivili b\u2019interahamwe. Ati \u201cNabonaga ari abantu b\u2019insoresore basaga n\u2019abanyoye urumogi\u201d.<\/p>\n
Akavuga ko mu gihe yabereye i Butare nta mugore yigeze abona kuri bariyeri. Ku nama yabereye i Butare yaba yarahuje inzego z\u2019umutekano yiga ku bihe bidasanzwe igihugu cyarimo bategura kurwanya uwafatwaga nk\u2019umwanzi, uyu mutangabuhamya yabwiye urukiko ko bitashobokaga ko Munyenyezi yayitumirwamo ari umusivili.<\/p>\n
Ati \u201cUbwo se yari kuyigaragaramo mu ruhe rwego, nka nde? (En qualite de qui? mu rurimi rw\u2019Igifaransa). Uyu yemereye urukiko ko mu gihe yari yahamagajwe ku rugamba i Kigali ataba yaramenye igihe ubwicanyi bwatangiriye i Butare. Avuga ko akihava yasimbuwe ku mwanya wa Jandarumeri na Major Alfred Rusigariye. Gusa akemeza ko asubira i Butare yasanze amabariyeri atakiriho.<\/p>\n
Undi mutangabuhamya urukiko rwumvise ni uwitwa Emmanuel Rekeraho. Uyu na we wari mu iroza, yemeza ko ari we washinze amabariye mu cyahoze ari Butare kuva ku mupaka w\u2019Akanyaru kugera ku mbibe z\u2019icyahoze ari Perefegitura ya Gitarama.<\/p>\n
Yabwiye urukiko ko atari azi Munyenyezi kandi ko atari kumuha inshingano zo kugenzura amabariyeri kuko hatari habuze abagabo bo kuziha.<\/p>\n
Bitandukanye no mu zindi manza ku bandi bafungwa bava mu mahanga baza kuburanira mu Rwanda, mbere y\u2019uko abatangabuhamya bafunzwe batanga ubuhamya, urukiko ruba rugomba kubanza kubabaza ibyaha bafungiwe n\u2019ibihano bakatiwe.<\/p>\n
Amategeko y\u2019u Rwanda ntiyemerera abakatiwe gufungwa ubuzima bwabo bwose gufatwa nk\u2019abatangabuhamya cyane muri izi manza za jenoside. Ni mu gihe haba ku ruhande rw\u2019abashinja n\u2019abashinjura muri uru rubanza rwa Munyenyezi hagenda hagaragara abatangabuhamya bakatiwe burundu. Inteko iburanisha irabafata nk\u2019abatangabuhamya mu gihe mu zindi manza bafatwa nk\u2019abatangamakuru.<\/p>\n
Nk\u2019abatanze ubuhamya bushinjura kuri uyu wa Mbere bombi bahamijwe ibyaha bya jenoside bakatiwe gufungwa burundu. Amategeko ateganya ko iyo umuntu yafashwe nk\u2019umutangamakuru icyo gihe ntanarahirira amakuru aba agiye guha urukiko.<\/p>\n
Hagati aho, uruhande rwa Munyenyezi ruvuga ko rubangamiwe no kuba hari ubuhamya buvugirwa mu rukiko ariko ntibugaragare mu nyandiko mvugo z\u2019ubwanditsi. Urukiko rwategetse uruhande ruregwa kuzabigaragaza mu nyandiko rukazabisuzuma rukabifataho icyemezo.<\/p>\n
Urubanza rurakomeza kuri uyu wa Kabiri urukiko rwumva abatangabuhamya bashinjura.<\/p>\n
VOA<\/p>\n","protected":false},"excerpt":{"rendered":"
Urukiko rwisumbuye rwa Huye rwumvise abatangabuhamya bashinjura Madamu Beatrice Munyenyezi ku byaha bya jenoside. Umucamanza yumvise abatangabuhamya barimo uwahoze akuriye umutwe wa Jandarumeri muri Perefegitura ya Butare. Uyu yavuze ko nta ruhare rw\u2019uregwa azi ku byaha bya jenoside. Umutangabuhamya wabimburiye abandi ku ruhande rwashinjuye Madamu Beatrice Munyenyezi kuri uyu wa Mbere ni Bwana Cyriaque Habyarabatuma. […]<\/p>\n","protected":false},"author":2,"featured_media":46490,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-47564","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n