{"id":47610,"date":"2023-07-03T02:54:33","date_gmt":"2023-07-03T00:54:33","guid":{"rendered":"https:\/\/www.therwandan.com\/ki\/?p=47610"},"modified":"2023-07-03T02:54:33","modified_gmt":"2023-07-03T00:54:33","slug":"paul-rusesabagina-yashinje-u-rwanda-kumukorera-iyicarubozo-mu-butumwa-bwe-ku-munsi-wubwigenge","status":"publish","type":"post","link":"https:\/\/www.therwandan.com\/ki\/paul-rusesabagina-yashinje-u-rwanda-kumukorera-iyicarubozo-mu-butumwa-bwe-ku-munsi-wubwigenge\/","title":{"rendered":"Paul Rusesabagina Yashinje U Rwanda Kumukorera Iyicarubozo, Mu Butumwa Bwe Ku Munsi w’Ubwigenge"},"content":{"rendered":"

Ku nshuro ya mbere, umunyapolitiki Paul Rusesabagina yatangaje ko yafunguwe na leta y\u2019u Rwanda kubera igitutu cy\u2019Amahanga.<\/p>\n

Ni mu gihe hari ibaruwa igaragaza ko yaba yarasabye imbabazi umukuru w\u2019u Rwanda Paul Kagame. Mu butumwa bwe, Rusesabagina yatunze agatoki ubutegetsi ko bwamukoreye ibikorwa by\u2019iyicarubozo n\u2019ibindi nyuma yo kumushimuta.<\/p>\n

Mu butumwa bwe bwa mbere yashyize hanze muri videwo yacishije ku muyoboro wa Youtube, Rusesabagina yatangiye ashimira buri wese avuga ko yagize uruhare mu gukurikirana ikibazo cye kuva afunzwe kugeza afunguwe.<\/p>\n

Atangira Ashima Imana, umuryango we, ibihugu bya rutura birimo leta Zunze Ubumwe za Amerika n\u2019Umuryango w\u2019Ubumwe bw\u2019ibihugu by\u2019Uburayi, abaharanira iyubahirizwa ry\u2019Uburenganzira bwa muntu, Itangazamakuru n\u2019abandi.<\/p>\n

Mu butumwa bwe, Rusesabagina wumvikana mu ijwi rifite intege nke, yabushize hanze ku itariki ya mbere y\u2019ukwezi kwa Karindwi, umunsi u Rwanda rwaboneyeho ubwigenge. Aributsa ko kuri we icyakabaye ubwigenge ari ikinyuranyo.<\/p>\n

Impfundo ry’Ibibazo n’Ubutegetsi mu Rwanda <\/strong><\/p>\n

Rusesabagina yamamaye cyane kuri Filimi yiswe \u201cHoteli Rwanda\u201d kubera igikorwa cy\u2019indashyikirwa azwi ho cyo kurokora abatutsi barenga 1000 bari bahungiye muri hotel des Mille Collines. Ibi Rusesabagina avuga ko ari wo muzi w\u2019ikibazo cye n\u2019ubutegetsi bwa Perezida Paul Kagame nyuma yo kwambikwa umudari n\u2019uwari Perezida wa Leta Zunze Ubumwe Z\u2019Amerika George W Bush mu mwaka wa 2005.<\/p>\n

\n
\n
\n
\"\"<\/div>\n<\/div>\n<\/figure>\n<\/div>\n

Nyuma yo gukatirwa imyaka 25 agafungwa, Rusesabagina avuga ko yakorewe ibikorwa by\u2019iyicarubozo muri gereza yemeza ko ari imwe ma magereza mabi ku isi we yita \u201cI Kuzimu\u201d.<\/p>\n

Yifatiye ku gahanga Perezida w\u2019u Rwanda Paul Kagame n\u2019ishyaka FPR Inkotanyi riri ku butegetsi mu Rwanda. Ni mu magambo yagize ati \u201cBarashimuta, bakora iyicarubozo, bafungira ibinyoma, barica kandi bahimba imanza ziteye isoni ; ku bantu bose batavuga rumwe na bo\u201d.<\/p>\n

Rusesabagina icyo afata nk\u2019inzira y\u2019umusaraba yaciyemo mu gihe yari afungiwe mu Rwanda akomeza gushima Rurema ko yasohotsemo ahumeka umwuka w\u2019abazima bitandukanye n\u2019ibyo avuga bijya biba ku bandi. Avuga ko ibyo yahuriye na byo muri gereza mu Rwanda byongeye kumubera ishuli kuko yemeza ko uyigezemo asohokanamo impamyabumenyi.<\/p>\n

Ati \u201cNamenye ko ibyatubaho byose ntidushobora gupfa umunsi wacu utaragera. Nizera ko u buzima bwanjye bwarokotse kugira ngo nzababwire amateka yanjye.\u201d<\/p>\n

Mu butumwa bwe kandi umunyapolitiki Paul Rusesabagina, yagereranyije Politiki yo mu rwamubyaye na politiki ya ba gashakabuke izwi nka \u201cApariteyidi\u201d yaranze igihugu cya Afurika Y\u2019epfo mu myaka yo hambere. Avuga ko igihe kigeze ngo bihinduke.<\/p>\n