Raporo y\u2019umuryango International Crisis Group iraburira ko amasezerano y\u2019imikoranire atonesha abashoramari b\u2019Abanyarwanda muri Santrafurika ashobora guteza ingorane mu mibanire y\u2019ibi bihugu byombi.<\/p>\n
Uyu muryango uranaburira ko u Rwanda rushobora kwisanga ruhanganye n\u2019abacanshuro ba Wagner Group kubera inyungu z\u2019ubucukuzi bw\u2019amabuye y\u2019agaciro.<\/p>\n
Ibyo bikubiye muri raporo uyu muryango washyize ahagaragara mu ntangiriro z\u2019uku kwezi kwa Karindwi.<\/p>\n
Iyi raporo ndende y\u2019amapaji 24 iravuga ahanini ku mikoranire y\u2019ibihugu by\u2019u Rwanda na Repubulika ya Santrafurika. Iragaragaza ko kuva muri iyi myaka ya vuba ijambo u Rwanda rufite muri Santrafurika ryagiye rikomeza kwiyongera.<\/p>\n
Umuryango International crisis Group uvuga ko ibyo bituruka ahanini ku ruhare rukomeye ingabo z\u2019u Rwanda zifite mu gucungira umutekano iki gihugu cyo muri Afurika yo hagati.<\/p>\n
Muri raporo yawo, uvuga ko, u Rwanda rwari rusanzwe ari rwo rufite umubare munini w\u2019abasirikare mu butumwa bwa LONI muri Santrafurika, muw\u20192020 rwohereje abandi basirikare bagengwa n\u2019amasezerano hagati y\u2019ibihugu byombi.<\/p>\n
Abo bakaba baragize uruhare runini mu gusubiza inyuma ibitero by\u2019inyeshyamba mu gihe cy\u2019amatora y\u2019umukuru w\u2019igihugu ya 2020.<\/p>\n
Uyu muryango uvuga ko uruhare rw\u2019u Rwanda mu kugarura umutekano muri Santrafurika rwazamuye isura y\u2019iki gihugu ku ruhando rw\u2019Afurika.<\/p>\n
Ibikorwa by\u2019igisirikare cyarwo muri Santrafurika na Mozambike, nk\u2019uko iyi raporo ibivuga, byahaye u Rwanda izindi mbaraga mu guhangana n\u2019ibirego by\u2019abarushinja gufasha umutwe wa M23 mu burasirazuba bwa Repubulika ya Demukarasi ya Kongo.<\/p>\n
Iyi raporo ikanavuga ko kuva ingabo z\u2019u Rwanda zitsimbuye inyeshyamba muri Santrafurika, ibihugu byombi byagiye bigirana amasezerano anyuranye yemerera u Rwanda gushora imari no gufasha mu mavugurura y\u2019inzego z\u2019ubutegetsi muri Santrafurika.<\/p>\n
Iyi raporo ivuga ko mu nzego ibigo by\u2019abanyarwanda \u2013 birimo n\u2019ibya hafi y\u2019ubutegetsi – byakozemo ishoramari muri Santrafurika, harimo n\u2019ubucukuzi bw\u2019amabuye y\u2019agaciro, na cyane ko iki gihugu gikungahaye kuri zahabu ndetse na diyama.<\/p>\n
Icyakora, uyu muryango mpuzamahanga ukaburira ko hari ibirimo kuba ubu bishobora kuzatobera uyu mubano uko iminsi ishira.<\/p>\n
Ibyo, nk\u2019uko iyi raporo ibivuga, harimo no kuba ubu abashoramari b\u2019abanyasantarafurika barimo kugenda bishisha ukudafatwa kimwe hagati yabo na bagenzi babo b\u2019abanyarwanda.<\/p>\n
Uyu muryango uvuga ko usanga abashoramari b\u2019abanyarwanda batoneshwa, imishinga yabo igahabwa umutekano udasanzwe, urimo n\u2019uwo ihabwa n\u2019abasirikare b\u2019abanyarwanda bari muri iki gihugu.<\/p>\n
Uyu muryango uvuga ko ibyerekeranye n\u2019inyungu z\u2019ubukungu ari byo byagizwe nyambere mu mikoranire y\u2019ibihugu byombi, ku rwego usanga abasirikare b\u2019abanyarwanda bakoreshwa mu guherekeza abashoramari b\u2019abanyarwanda no kurinda ibirombe by\u2019amabuye y\u2019agaciro kuruta kujya gucunga umutekano mu bice byazahajwe n\u2019intambara.<\/p>\n
Bityo uyu muryango ukaburira ko uko kuba muri Santrafurika k\u2019u Rwanda rugenzwa na tubiri \u2013 gutanga umutekano ariko runashaka inyungu z\u2019ubukungu\u2013 bishobora guteza ibibazo.<\/p>\n
Raporo y\u2019umuryango International Crisis Group ivuga ko abashoramari b\u2019abanya Santrafurika bafite impungenge ko bazisanga baburijwemo n\u2019abanyarwanda, bigaragara ko barimo gutoneshwa n\u2019ubutegetsi mu buryo budakwiye.<\/p>\n
Uyu muryango, ukavuga ko izi mpungenge, zongerewe n\u2019ubwiru buri mu by\u2019imari bigenerwa leta ya Kigali, zishobora kuzabyara ibikorwa by\u2019isahura n\u2019urugomo byibasira abanyarwanda.<\/p>\n
Ikindi uyu muryango ugarukaho, ni uko inyungu z\u2019ubucukuzi bw\u2019amabuye y\u2019agaciro u Rwanda rukurikiranye, zishobora gutuma rwisanga ruhanganye byeruye n\u2019abacanshuro b\u2019Abarusiya ba Wagner aha muri Santrafurika.<\/p>\n
Ibyo, nk\u2019uko iyi raporo ibivuga, biriyongeraho impuha z\u2019uko leta y\u2019Amerika yaba iteganya gushyigikira u Rwanda mu guhagarika ijambo Wagner ifite muri Santrafurika, ibishobora guteza imirwano hagati y\u2019ingabo z\u2019u Rwanda n\u2019aba bacanshuro b\u2019abarusiya.<\/p>\n
Umuryango International Crisis Group uvuga ko kugabanya ibyago by\u2019izi ngorane bifitiye inyungu u Rwanda na Santrafurika.<\/p>\n
Muri raporo yawo, ugasaba ko Santrafurika yubakira ku byiza ubufatanye bwayo n\u2019u Rwanda bwagezeho, igakomeza kugenda igarura amahoro no mu bindi bice by\u2019igihugu.<\/p>\n
Ni mu gihe u Rwanda narwo ngo ibyo byaruhesha gukomeza kubaka izina nk\u2019igihugu kigaba ituze muri Afurika.<\/p>\n
Ikindi, uyu muryango usaba, ni uko leta ya Bangui yagaragariza inteko nshingamategeko yayo, ibikubiye mu masezerano ifitanye n\u2019iya Kigali, inteko ikabisuzuma, nk\u2019uko itegeko nshinga ry\u2019igihugu ribiteganya.<\/p>\n
Uyu muryango uvuga ko ibyo byavanaho ubwiru bworoshe ubu bufatanye, bigakuraho n\u2019akangononwa kariho.<\/p>\n
Uyu muryango kandi urasaba ko u Rwanda rwafasha mu kongera gutangiza ibiganiro hagati ya leta n\u2019inyeshyamba muri Santrafurika.<\/p>\n
Ikindi u Rwanda rusabwa muri iyi raporo, ni uguhuza inkunga ya gisirikare rutera Santrafurika n\u2019amavugurura y\u2019igisirikare muri icyo gihugu.<\/p>\n
Naho ku bashoramari b\u2019abanyarwanda bo, iyi raporo iravuga ko bakwiriye gufasha mu kubaka ubukungu bw\u2019iki gihugu. Ikindi, banafasha guhindura imyumvire abanyasantrafurika babafiteho, binyuze mu gukorana mu buryo butaziguye n\u2019abategetsi b\u2019inzego z\u2019ibanze ndetse n\u2019abatuye ibice by\u2019icyaro.<\/p>\n
Mu gusoza, uyu muryango ugasaba u Rwanda kwirinda gushorwa mu bibazo bihanganishije ibuhugu byo mu burengerazuba bw\u2019isi n\u2019Uburusiya mu nyungu izi mpande zombi zishaka muri Afurika. Iyi raporo kandi igasaba u Rwanda kwitondera ko ubufasha bwayo byarangira bubyariye Santrafurika izindi ngorane z\u2019inyongera ku bibazo iki gihugu gisanganywe.<\/p>\n
Mu gushaka kumenya icyo u Rwanda ruvuga ku bikubiye muri iyi raporo, VOA yagerageje kuvugisha Bwana Alain Mukurarinda, umuvugizi wungirije wa leta y\u2019u Rwanda, ariko ntibyabashobokeye.<\/p>\n
Ubwo bamuhamagaraga kuri telefoni ye ngendanwa ntiyiitabye, n\u2019ubutumwa bugufi bamwoherereje, kugeza ubwo batunganyaga iyi nkuru yari atarabusubiza.<\/p>\n
Igihe ubutegetsi bw\u2019u Rwanda bwaba bugize icyo butangaza twazakigarukaho.<\/p>\n
VOA<\/p>\n","protected":false},"excerpt":{"rendered":"
Raporo y\u2019umuryango International Crisis Group iraburira ko amasezerano y\u2019imikoranire atonesha abashoramari b\u2019Abanyarwanda muri Santrafurika ashobora guteza ingorane mu mibanire y\u2019ibi bihugu byombi. Uyu muryango uranaburira ko u Rwanda rushobora kwisanga ruhanganye n\u2019abacanshuro ba Wagner Group kubera inyungu z\u2019ubucukuzi bw\u2019amabuye y\u2019agaciro. Ibyo bikubiye muri raporo uyu muryango washyize ahagaragara mu ntangiriro z\u2019uku kwezi kwa Karindwi. Iyi […]<\/p>\n","protected":false},"author":2,"featured_media":43913,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66],"tags":[],"class_list":["post-47631","post","type-post","status-publish","format-standard","has-post-thumbnail","hentry","category-akarere"],"yoast_head":"\n